spot_img
Homeຂ່າວຕ່າງປະເທດເກົາຫຼີຢືນຢັນບໍ່ຍອມປົດນິວເຄຣຍຝ່າຍດຽວ ແລະ ຈະດຳເນີນການພັດທະນາອາວຸດນິວເຄຣຍຕໍ່ໄປ

ເກົາຫຼີຢືນຢັນບໍ່ຍອມປົດນິວເຄຣຍຝ່າຍດຽວ ແລະ ຈະດຳເນີນການພັດທະນາອາວຸດນິວເຄຣຍຕໍ່ໄປ

Published on

ສຳນັກຂ່າວ KCNA ຂອງເກົາຫຼີເໜືອເຜີຍແຜ່ຖະແຫຼງການຂອງລັດຖະບານເກົາຫຼີເໜືອວ່າ ຈະບໍ່ຍອມປົດອາວຸດນິວເຄຣຍພຽງຝ່າຍດຽວ ແລະ ຈະດຳເນີນການພັດທະນາອາວຸດນິວເຄຣຍຕໍ່ໄປ ຈົນກວ່າສະຫະລັດຈະຢຸດຄຸກຄາມດ້ານນິວເຄຣຍ ເຊິ່ງໝາຍເຖິງການຖອນກຳລັງທະຫານ ແລະ ລະບົບປ້ອງກັນນິວເຄຣຍອອກຈາກເກົາຫຼີໃຕ້ ແລະ ຍີ່ປຸ່ນກ່ອນ.

ຖະແຫຼງການຂອງເກົາຫຼີເໜືອນີ້ ຂັດແຍ້ງກັບທ່າທີຂອງເກົາຫຼີໃຕ້ທີ່ມັກສະແດງຈຸດຢືນຂອງເກົາຫຼີເໜືອກ່ອນໜ້ານີ້ ແລະ ອາດສົ່ງຜົນກະທົບຕໍ່ຄວາມສຳພັນສາມຝ່າຍ ໃນການຫຼຸດຄວາມເຄັ່ງຮ້ອນດ້ານວິກິດນິວເຄຣຍລົງ.

ນອກຈາກນີ້ ຖະແຫຼງການດັ່ງກ່າວ ອາດກໍ່ໃຫ້ເກີດບັນຫາດ້ານຄວາມໜ້າເຊື່ອຖືຂອງເກົາຫຼີໃຕ້ທີ່ອ້າງມາຕະຫຼອດວ່າ ທ່ານ ຄິມ ຈອງ ອຶນ ຜູ້ນຳສູງສຸດເກົາຫຼີເໜືອ ສົນໃຈເຈລະຈາປົດອາວຸດນິວເຄຣຍ ເພາະເກົາຫຼີໃຕ້ພະຍາຍາມຮັກສາບັນຍາກາດທີ່ເອື້ອອຳນວຍຕໍ່ການເຈລະຈາເອົາໄວ້.

ສ່ວນໜຶ່ງໃນຖະແຫຼງການລະບຸວ່າ ເມື່ອກ່າວເຖິງແຫຼມເກົາຫຼີ ມັນຄວບຄຸມເຂດແດນທັງໝົດຂອງເກົາຫຼີເໜືອ ລວມທັງເກົາຫຼີໃຕ້ ນັ້ນຈິ່ງໝາຍເຖິງການກຳຈັດໄພຄຸກຄາມທາງນິວເຄຣຍທັງໝົດທີ່ມີຢູ່ໃນພູມິພາກນີ້ ເຊິ່ງບໍ່ແມ່ນພຽງໃນເກົາຫຼີເໜືອ ແລະ ເກົາຫຼີໃຕ້ ແຕ່ຍັງລວມເຖິງບໍລິເວນໂດຍຮອບແຫຼມເກົາຫຼີອີກດ້ວຍ.

ຖະແຫຼງການດັ່ງກ່າວມີຂຶ້ນພຽງ 1 ມື້ ຫຼັງຈາກທ່ານ ສະຕີເຟ່ນ ບີກັນ ຜູ້ແທນພິເສດສະຫະລັດດ້ານເກົາຫຼີເໜືອ ກ່າວກັບຜູ້ສື່ຂ່າວເກົາຫຼີໃຕ້ວ່າ ສະຫະລັດກຳລັງທົບທວນຂໍ້ຈຳກັດດ້ານການເດີນທາງເພື່ອໃຫ້ຄວາມຊ່ວຍເຫຼືອດ້ານສິດທິມະນຸດແກ່ເກົາຫຼີເໜືອ.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: news.mthai.com

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...