ສະຫະລັດອາເມລິກາ ປະກາດມາດຕະການຂວໍ້າບາດ ລັດເຊຍຮອບໃໝ່ ໃນວັນທີ 19 ທັນວາ 2018 ຜ່ານມາ ດ້ວຍກໍລະນີຂໍ້ກ່າວຫາວ່າ ລັດເຊຍເຂົ້າມາແຊກແຊງການເລືອກຕັ້ງປະທານາທິບໍດີໃນປີ 2016.
ລາຍຊື່ບຸກຄົນທີ່ຖືກປະກາດມາດຕະການຂວໍ້າບາດມາດຕາໃໝ່ມີທັງໝົດ 15 ຄົນ ນັບແຕ່ເຈົ້າໜ້າທີ່ທາງການທະຫານ ແລະ ບໍລິສັດ 4 ແຫ່ງ ຂອງລັດເຊຍ ໂດຍລະບຸວ່າ: “ມີສ່ວນກ່ຽວຂ້ອງກັບການເຂົ້າມາແຊກແຊກການເລືອກຕັ້ງ ພ້ອມທັງມີການແຮັກຂໍ້ມູນຂອງອົງການລະຫວ່າງປະເທດ ແລະ ການກໍ່ການຮ້າຍທີ່ເກີດຂຶ້ນໃນທົ່ວໂລກ”. ການປະກາດມາດຕະການຂວໍ້າບາດຄັ້ງໃໝ່ຂອງອາເມລິກາຕໍ່ລັດເຊຍ ມີຂຶ້ນພ້ອມກັບການປະກາດຍົກເລີກມາດຕະການຄວໍ້າບາດ 2 ບໍລິສັດຂອງລັດເຊຍ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: matichon.co.th
ຮູບພາບຈາກ: tnnthailand.com