spot_img
Homeຂ່າວທ້ອງຖິ່ນລົດຕຸກໆ-ຈໍາໂບ້ ປະເຊີນບັນຫາຂາດລູກຄ້າ ເຖິງກັບຈອດປະໄວ້ລ້າໆໝົດມື້

ລົດຕຸກໆ-ຈໍາໂບ້ ປະເຊີນບັນຫາຂາດລູກຄ້າ ເຖິງກັບຈອດປະໄວ້ລ້າໆໝົດມື້

Published on

ປັດຈຸບັນ, ລົດຕຸກໆ-ຈໍາໂບ້ ພວມປະເຊີນໜ້າກັບບັນຫາລູກຄ້າຫຼຸດລົງ ຈົນບາງມື້ໄດ້ຈອດລົດປະໄວ້ລ້າໆ ເຮັດໃຫ້ບາງຄົນຕ້ອງຢຸດເຊົາໄປເຮັດອາຊີບອື່ນແທນ, ຜູ້ໃຊ້ບໍລິການມີທາງເລືອກຫຼາຍຂຶ້ນ ບໍ່ວ່າຈະເປັນການໃຊ້ບໍລິການລົດຂົນສົ່ງສາທາລະນະປະເພດອື່ນ​ ຫຼື ຊື້ພາຫະນະເປັນຂອງຕົນເອງມາຂັບຂີ່. ຖ້າທຽບໃສ່ໃນເມື່ອກ່ອນ, ເຫັນໄດ້ວ່າການຊົມໃຊ້ບໍລິການລົດຕຸກໆ-ຈໍາໂບ້ ໃນນະຄອນຫຼວງວຽງຈັນ ຖືວ່າມີຜູ້ໃຊ້ບໍລິການເປັນຈໍານວນຫຼວງຫຼາຍ ທັງແຂກພາຍໃນ ແລະ ຕ່າງປະເທດ ໃຫ້ຄວາມສົນໃຈໃຊ້ບໍລິການຢ່າງຄຶກຄື້ນ ເຊິ່ງສ້າງລາຍຮັບແກ່ຜູ້ໃຫ້ບໍລິການໃນແຕ່ລະມື້ເປັນຢ່າງດີ.

ຕາມການບອກເລົ່າຂອງເຈົ້າຂອງລົດຈໍາໂບ້ ຕໍ່ກັບນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ຕົນເອງໄດ້ເຮັດວຽກນີ້ມາໄດ້ 10 ກວ່າປີ. ເມື່ອກ່ອນຖືວ່າມີແຂກພາຍໃນ ແລະ ຕ່າງປະເທດ ນິຍົມກັນມາໃຊ້ບໍລິການຫຼາຍສົມຄວນ ມື້ໜຶ່ງບໍ່ຫຼຸດ 5 ຖ້ຽວ ແລະ ກໍມີລົດຮັບໃຊ້ບໍລິການຢູ່ຄິວດຽວກັນ 7-8 ຄັນ. ແຕ່ປັດຈຸບັນ, ຄົນມາໃຊ້ບໍລິການໜ້ອຍລົງ ບາງມື້ຈົນບໍ່ໄດ້ແລ່ນມີແຕ່ຈອດປະໄວ້ລ້າໆ ເຮັດໃຫ້ເຈົ້າຂອງລົດຫຼາຍຄົນອອກໄປຊອກຫາທາງໃໝ່ ເພື່ອຄວາມຢູ່ລອດ.

ເຈົ້າຂອງລົດເລົ່າສູ່ຟັງຕື່ມວ່າ: ສາເຫດທີ່ຄົນສ່ວນໃຫຍ່ບໍ່ມາໃຊ້ບໍລິການລົດຕຸກໆ-ຈໍາໂບ້ ແມ່ນເນື່ອງຈາກຕອນນີ້ ສະພາບເສດຖະກິດຄອບຄົວ ແລະ ຊີວິດການເປັນຢູ່ຂອງເຂົາເຈົ້າດີຂຶ້ນ ເຮັດໃຫ້ມີກໍາລັງຊື້ລົດໃຊ້ເປັນພາຫະນະໄປ-ມາເປັນຂອງຕົນເອງ. ນອກນີ້, ມີການເປີດບໍລິການລົດເມແລ່ນໃນເມືອງ, ລົດຕູ້ທ່ອງທ່ຽວ, ລົດແທັກຊີ ແລະ ລົດຈັກບໍລິການ ເຮັດໃຫ້ລູກຄ້າມີຫຼາຍທາງເລືອກ. ພ້ອມນັ້ນ, ຍັງມີລົດຕຸກໆ-ຈໍາໂບ້ເຖື່ອນທີ່ລາຄາຖືກກວ່າ ແລະ ຈໍານວນນັກທ່ອງທ່ຽວຕ່າງປະເທດທີ່ຫຼຸດລົງກໍມີຜົນກະທົບເຊັ່ນກັນ.

ການບໍລິການຕຸກໆ-ຈໍາໂບ້ ຖືວ່າເປັນອີກໜຶ່ງເອກະລັກທາງດ້ານການຂົນສົ່ງໃນປະເທດເຮົາ. ໃນຕໍ່ໜ້າ, ຈໍານວນຄົນທີ່ເຮັດອາຊີບນີ້ອາດຈະຫຼຸດລົງຫຼາຍ ຫຼື ອາດຈະບໍ່ປະກົດໃຫ້ເຫັນລົດຕຸກໆ-ຈໍາໂບ້ຕາມທ້ອງຖະໜົນອີກຕໍ່ໄປໃນອະນາຄົດ ຖ້າຫາກສະພາບການຍັງສືບຕໍ່ເປັນແບບນີ້. ດັ່ງນັ້ນ, ຈິ່ງຢາກຮຽກຮ້ອງໃຫ້ໜ່ວຍງານທີ່ກ່ຽວຂ້ອງເລັ່ງແກ້ໄຂບັນຫາ ໂດຍສະເພາະເນັ້ນປະຕິດບັດລະບຽບກົດໝາຍຕໍ່ຜູ້ທີ່ໃຫ້ບໍລິການລົດເຖື່ອນ ເພື່ອຫຼຸດຜ່ອນການເອົາລັດເອົາປຽບລະຫວ່າງຜູ້ໃຫ້ບໍລິການດ້ວຍກັນ ທັງເປັນການສ້າງຄວາມປອດໄພໃນການໃຫ້ບໍລິການອີກດ້ວຍ.

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມເສດຖະກິດ-ສັງຄົມ

ຮູບພາບຈາກ: bloggang.com

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...