spot_img
Homeຂ່າວຕ່າງປະເທດຫວຽດນາມ ເປີດສາຍດ່ວນໃຫ້ແຈ້ງຕໍາຫຼວດຫາກພົບເຫັນການສໍ້ລາດບັງຫຼວງ

ຫວຽດນາມ ເປີດສາຍດ່ວນໃຫ້ແຈ້ງຕໍາຫຼວດຫາກພົບເຫັນການສໍ້ລາດບັງຫຼວງ

Published on

ສໍານັກຂ່າວຕ່າງປະເທດລາຍງານຈາກນະຄອນຫຼວງຮ່າໂນ້ຍ ສສ ຫວຽດນາມ ໃນວັນທີ 4 ທັນວາ 2018 ວ່າ: “ກະຊວງປ້ອງກັນຄວາມສະຫງົບຫວຽດນາມ ໄດ້ເປີດສາຍດ່ວນ ເພື່ອຮັບການລາຍງານຈາກປະຊາຊົນ ກ່ຽວກັບພຶດຕິກຳທີ່ເປັນການສໍ້ລາດບັງຫຼວງຂອງເຈົ້າໜ້າທີ່ຕຳຫຼວດ”. ໂດຍອ້າງເປັນການລາຍງານຈາກສໍານັກຂ່າວແຫ່ງຊາດ ສສ ຫວຽດນາມ (VNA) .

ຂ່າວລະບຸວ່າ: ສ່ວນທີ່ຜູ້ແຈ້ງ ຫຼື ໂທເຂົ້າມາຈະຕ້ອງເປີດເຜີຍຂໍ້ມູນສ່ວນຕົວຂອງບຸກຄົນໃຫ້ແກ່ທາງການ ເພື່ອເພີ່ມຄວາມສະດວກ ແລະ ເຮັດໃຫ້ການປະຕິບັດໜ້າທີ່ມີປະສິດທິພາບສູງ ເຊິ່ງເຈົ້າໜ້າທີ່ຢືນຢັນວ່າຈະຮັກສາຂໍ້ມູນດັ່ງກ່າວເປັນຄວາມລັບທີ່ສຸດ ແຕ່ຖ້າຂໍ້ມູນທີ່ລາຍງານບໍ່ເປັນຄວາມຈິງ ຫຼື ສ້າງຄວາມບໍ່ເປັນທໍາ ຈະຖືເປັນການໝິ່ນປະມາດເຈົ້າໜ້າທີ່ ແລະ ໜ່ວຍງານທີ່ກ່ຽວຂ້ອງຈະຕິດຕາມຕົວຜູ້ແຈ້ງເລື່ອງດັ່ງກ່າວມາຮັບໂທດຕາມກົດໝາຍ.

ການເປີດສາຍດ່ວນດັ່ງກ່າວ, ເນື່ອງຈາກເກີດມີຄະດີອະດີດຕຳຫຼວດລະດັບສູງ 2 ຄົນ ຖືກຂໍ້ຫາລັກລອບດຳເນີນກິດຈະການເປີດແຫຼ່ງການພະນັນທີ່ຜິດກົດໝາຍ ທີ່ມີປະລິມານເງິນໝຸນວຽນຫຼາຍຮ້ອຍລ້ານໂດລາສະຫະລັດ ໂດຍສານປະຊາຊົນ ນະຄອນຫຼວງຮ່າໂນ້ຍ ມີຄຳພິພາກສາເມື່ອທ້າຍເດືອນທີ່ຜ່ານມາໃຫ້ຮັບໂທດຕິດຄຸກເປັນເວລາ 10 ປີ.

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: dailynews.co.th

ຮູບພາບຈາກ: chinabelaraby.com

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...