Homeເລື່ອງແປກສາວອາເມລິກາ ນັ່ງທັບແຟນຈົນເສຍຊີວິດຄາທີ່

ສາວອາເມລິກາ ນັ່ງທັບແຟນຈົນເສຍຊີວິດຄາທີ່

Published on

ສາວອາເມລິກາ ອາຍຸ 44 ປີ, ໜັກ 133 ກິໂລກຣາມ ຖືກຕໍາຫຼວດຈັບ ແລະ ສານຕັດສິນຈໍາຄຸກສູງສຸດ 36 ປີ ຍ້ອນຂ້າແຟນເສຍຊີວິດດ້ວຍການໂດດນັ່ງທັບໜັາເອີກ ພ້ອມກັບຕົບຕີຢ່າງຮຸນແຮງ ເຫດເນື່ອງມາຈາກການຜິດຖຽງກັນຢູ່ທີ່ເຮືອນຂອງພວກເຂົາໃນເມືອງອີຮີ ສະຫະລັດອາເມລິກາ.

ເວັບໄຊເດິຊັນ ລາຍງານວັນທີ 4 ທັນວາ 2018 ວ່າ: ວິນດີ້ ໂຮມັນ ສາວອາເມລິກາ ອາຍຸ 44 ປີ ໄດ້ຮັບໂທດຈໍາຄຸກສູງສຸດ 36 ປີ ດ້ວຍຂໍ້ຫາຄາດຕະກຳ ຄີໂນ ບັຕເລີຣ (ຜູ້ເປັນແຟນ ) ໂດຍ ວິນດີ້ ໄດ້ທໍາຮ້າຍຮ່າງກາຍແຟນຂອງລາວ ດ້ວຍການນັ່ງທັບໜັກເອີກຂອງ ຄີໂນ ດ້ວຍນໍ້າໜັກເຖິງ 133 ກິໂລກຣາມ ຈຶ່ງເຮັດໃຫ້ ຄີໂນ ໄດ້ຮັບບາດເຈັບໜັກ ແລະ ຂາດອາກາດຫາຍໃຈຈົນເສຍຊີວິດ.

ເຫດການດັ່ງກ່າວ, ເກີດຂຶ້ນທີ່ບ້ານຂອງ ວິນດີ້ ແລະ ຄີໂນ ໃນເມືອງອີຮີ ສະຫະລັດອາເມລິກາ ໃນວັນເກີດເຫດ ວິນດີ້ ນັ່ງດື່ມເຫຼົ້າຢູ່ເທິງໂຊຟາ ແລະ ກຽມຈະອອກໄປຊື້ໂຄເຄນມາເສບ ເມື່ອ ຄີໂນ ຮູ້ກໍ່ເຂົ້າໄປຫ້າມ ທັງສອງຈຶ່ງມີປາກສຽງຜິດຖຽງກັນຢ່າງຮຸນແຮງ ວິນດີ້ ເສຍໃຈແຮງ ແລະ ທຸບຕີແຟນໝຸ່ມດ້ວຍອາລົມໃຈຮ້າຍ, ຈັບເອົາມີດມາແທງມືເຂົາ ແລະ ເອົາຂາໂຕະຟາດ ຫຼັງຈາກນັ້ນກໍນັ່ງລົງທັບໜ້າເອີກຈົນແຟນລາວຢຸດຫາຍໃຈ. ເມື່ອ ວິນດີ້ ໄດ້ສະຕິກໍລຸກຂຶ້ນມາເບິ່ງແຟນລາວ ແຕ່ເສຍຊີວິດໄປແລ້ວ ວິນດີ້ ຕົກໃຈແຮງຟ້າວໂທແຈ້ງຕໍາຫຼວດທັງຮ້ອງໃຫ້ເຈົ້າໜ້າທີ່ຊ່ວຍ.

ວິນດີ້ ຖືກຈັບກຸມຕົວ ແລະ ແຈ້ງຂໍ້ຫາຄາດຕະກຳ ໂດຍຜ່ານສັນລະສູດສົບພົບວ່າ: ຄີໂນ ຖືກທັບດ້ວຍນໍ້າໜັກຈໍານວນຫຼາຍບໍລິເວນໜ້າເອີກ, ຄໍ ແລະ ຫົວ ສົ່ງຜົນໃຫ້ເກີດອາການບາດເຈັບຮຸນແຮງ ແລະ ປະສົບກັບພາວະຂາດອາກາດຫາຍໃຈ ຈົນເສຍຊີວິດ ເຊິ່ງເປັນຜົນມາຈາກການຖືກ ວິນດີ້ ນັ່ງທັບ.

ຂໍ້ມູນຈາກ ໂກອີຮີ ລະບຸວ່າ: ສານໄດ້ຕັດສິນ ວິນດີ້ ມີຄວາມຜິດໃນຂໍ້ຫາຄາດຕະກໍາໂດຍບໍ່ເຈຕະນາ ຫຼື ການລົງມືຂ້າເພາະຄວາມໃຈຮ້າຍຈາກການຜິດຖຽງກັນ ເຊິ່ງບໍ່ໄດ້ເປັນການຂ້າທີ່ວາງແຜນໄວ້ກ່ອນ ເນື່ອງຈາກລາວໃຫ້ການສາລະພາບສານຕໍ່ເຈົ້າໜ້າທີ່ສານຈຶ່ງຫຼຸດໂທດໃຫ້ເຄິ່ງໜຶ່ງຈາກ 20-40 ປີ ຫຼຸດລົງເຫຼືອ 18-36 ປີ ແລະ ຈະມີການພິຈາລະນາໂທດອີກຄັ້ງໃນວັນທີ 20 ທັນວາ ປີນີ້.

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: hilight.kapook.com

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...