Tony Glover ໃຊ້ເວລາເກືອບ 1 ປີ ປູກຫອມບົວໃຫຍ່ ຂະໜາດ ປະມານ 8 ກິໂລ
ສຳນັກຂ່າວຕ່າງປະເທດລາຍງານວ່າ ທ້າວ Tony Glover ອາຍຸ 49 ປີ ຖືກບັນທຶກລົງໃນ ກິນເນດ ບຸກ ຫລັງປະສົບຄວາມສຳເລັດໃນການປູກຫອມບົວໃຫຍ່ ຂະໜາດປະມານ 8 ກິໂລ ຊຶ່ງກາຍເປັນຫອມບົວໃຫຍ່ ທີ່ໃຫຍ່ທີ່ສຸດໃນໂລກແຊງໜ້າເຈົ້າຂອງຖິຕິເກົ່າທີ່ມີຕຳແໜ່ງຫອມບົວໃຫຍ່ຂະໜາດ 4 ກິໂລເຄີ່ງ ໄປຢ່າງບໍ່ເຫັນຊັດ ສຳລັບ Glover ຈາກເມືອງ Moira ຂອງອັງກິດ ເປີດເຜີຍວ່າ ລາວໃຊ້ເວລາປູກຫອມບົວໃຫຍ່ ດົນເກືອບປີ ໂດຍໝັ່ນໃຫ້ອາຫານທີ່ອຸດົມໄປດ້ວຍໄນໂຕເຈນ ແລະ ຄອຍຖ້າກວດເຊັກວ່າອຸນຫະພູມຄວາມຊຸ່ມໃຫ້ເໝາະສົມ ນອກຈາກນີ້ບ່ອນທີ່ປູກຍັງຕິດຕັ້ງໄຟຈຳຮອງແສງອາທິດເພື່ອໄວ້ເປີດໃນຍາມທີ່ອາກາດບໍ່ດີ ທ້ອງຟ້າບໍ່ແຈ້ງ