spot_img
Homeຂ່າວຕ່າງປະເທດພົບກ່ອງດຳ 1 ອັນ ຂອງເຮືອບິນໄລອ້ອນ ແອ ຢູ່ທະເລຊວາ

ພົບກ່ອງດຳ 1 ອັນ ຂອງເຮືອບິນໄລອ້ອນ ແອ ຢູ່ທະເລຊວາ

Published on

ທາງການອິນໂດເນເຊຍສາມາດເກັບກູ້ກ່ອງດຳ 1 ກ່ອງ ຂອງເຮືອບິນໂດຍສານໄລອ້ອນ ແອ ອາດຈະເປັນກຸນແຈສຳຄັນໃນການໄຂປິດສະໜາທີ່ເຮືອບິນເກີດອຸບັດຕິເຫດໃນທະເລຊວາ ແລະ ອາດຈະນຳໄປສູ່ກການຄົ້ນພົບກ່ອງດຳທີ່ 2 ໃນພື້ນທີ່ແຄບລົງ ໂດຍບໍລິເວນທີ່ພົບກ່ອງດຳທຳອິດນີ້ ຈົມໃນນ້ຳເລີກປະມານ 30 ແມັດ ແລະ ຫ່າງຈາກຈຸດເຮືອບິນທີ່ເກີດເຫດໄດ້ສົ່ງສັນຍານເທື່ອສຸດທ້າຍປະມານ 500 ແມັດ.

ສຳນັກຂ່າວຕ່າງປະເທດລາຍງານຈາກກຸງຈາກາຕາ ປະເທດອິນໂດເນເຊຍ ວັນທີ 1 ພະຈິກ 2018 ກ່ຽວກັບຄວາມຄືບໜ້າຂອງການປະຕິບັດງານຄົ້ນຫາເບາະແສຖ້ຽວບິນJT 610 ຂອງສາຍການບິນໄລອ້ອນ ແອ ວ່າ ອີງຕາມ, ຄະນະກຳມະການຄວາມປອດໄຟດ້ານຄົມມະນາຄົມແຫ່ງຊາດ ຂອງອິນໂດເນເຊຍ ລາຍງານວ່າ: ທີມນັກດຳນ້ຳສາມາດເກັບກູ້ກ່ອງບັນທຶກຂໍ້ມູນການບິນໄດ້ແລ້ວ 1 ກ່ອງຈາກທັງໝົດມີ 2 ກ່ອງ ເຊິ່ງຂໍ້ມູນພາຍໃນກ່ອງນັ້ນຈະເປັນກຸນແຈສຳຄັນດອກທຳອິດ ທີ່ຈະໄຂປິດສະໜາເຫດການເຮືອບິນດັ່ງກ່າວຕົກ.

ຢ່າງໃດກໍຕາມ ໜ່ວຍງານທຸກພາກທີ່ກ່ຽວຂ້ອງຍັງເຊື່ອວ່າ ການຄົ້ນຫາເບາະແສຂອງຖ້ຽວບິນJT 610 ນັ້ນມາຖືກທາງແລ້ວ ແລະ ສະມາຊິກໃນຄອບຄົວຜູ້ເສຍເຫຍ 189 ຄົນ ໄດ້ທະຍອຍເຂົ້າພົບເຈົ້າໜ້າທີ່ ເພື່ອມອບຕົວຢ່າງດີເອັນເອໄວ້ໃຊ້ສຳຫຼັບການພິສູດເອກະລັກບຸກຄົນ. ນອກນັ້ນ, ຈະສືບຕໍ່ປະຕິບັດໃນບໍລິເວນທີ່ຄົ້ນຫາຕັ້ງແຕ່ຕົ້ນອາທິດ ຍັງມີຊີ້ນສ່ວນຮ່າງກາຍຂອງຜູ້ໂດຍສານ, ຊີ້ນສ່ວນເຮືອບິນ ແລະ ຄາບນ້ຳມັນລອຍຂຶ້ນຟູສູ່ໜ້ານ້ຳ.

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: reuters.com

ຮູບພາບຈາກ: reuters.com, bbc.com

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...