ທ່ານ ສີ ຈິ້ນຜິງ ປະທານປະເທດ ສປ ຈີນ ເປີດພິທີຂົວຂ້າມທະເລຍາວທີ່ສຸດໃນໂລກ ເຊື່ອມຕໍ່ລະຫວ່າງເກາະຮົງກົງ ເມືອງ ຈູໄຫ່ໃນມົນທົນກວາງຕຸ້ງ ຫາເກາະມາເກົ໊າ ໜຶ່ງໃນໂຄງການທີ່ສຳຄັນຂອງ ເພື່ອພັດທະນາຂົງເຂດເສດຖະກິດບໍລິເວນສາມຫຼ່ຽມລຸ່ມແມ່ນໍ້າເພິນ. ຂົວດັ່ງກ່າວ, ໃຊ້ເວລາໃນການເດີນທາງພຽງ 30 ນາທີ ແລະ ເປີດໃຊ້ບໍລິການເລີ່ມແຕ່ວັນພຸດທີ 24 ຕຸລາ 2018 ນີ້ເປັນຕົ້ນໄປ.
ສຳນັກຂ່າວຕ່າງປະເທດລາຍງານຈາກເມືອງ ຈູໄຫ່ ປສ ຈີນ ໃນວັນທີ 23 ຕຸລາ 2018 ວ່າ ທ່ານ ສີ ຈິ້ນຜິງ ປະທານປະເທດ ສປ ຈີນ ລົງພື້ນທີ່ເມືອງຈູໄຫ່ ຕັ້ງຢູ່ບໍລິເວນສາມຫຼ່ຽມປາແມ່ນໍ້າຈູຈຽງ ຫຼື ແມ່ນໍ້າເພິນ ທີ່ມົນທົນກວາງຕຸ້ງທາງຕອນໃຕ້ຂອງຈີນ ເພື່ອເປັນປະທານໃນພິທິເປີດຂົວຂ້າມທະເລຍາວທີ່ສຸດໃນໂລກ. ຂົວດັ່ງກ່າວ ມີໄລຍະທາງ 55 ກິໂລແມັດ ໃຊ້ເວລາການເດີນທາງລະຫວ່າງເກາະລັນເຕົາຂອງຮົງກົງ ກັບເມືອງຈູໄຫ່ໃນມົນທົນກວາງຕຸ້ງ ແລະ ເຂດບໍລິຫານພິເສດມາເກົ໊າ ເມື່ອກ່ອນໃຊ້ເວລາ 3 ຊົ່ວໂມງ ປັດຈຸບັນເຫຼືອພຽງ 30 ນາທີ.
https://www.facebook.com/NewsContent.CCTVPLUS/videos/348082405964433/?t=0
ໂຄງສ້າງຫຼັກຂອງຂົວດັ່ງກ່າວ, ເປັນຮູງຊົງຄ້າຍຄືກັບຕົວອັກສອນ “Y” ຂອງພາສາອັງກິດ ມີຄວາມທົນທານຕໍ່ແຜ່ນດິນໄຫວທີ່ແຮງສູງສຸດເຖິງ 8,0 ລິກເຕີ, ມີອຸໂມງລອດໃຕ້ທະເລ ແລະ ເກາະຂະໜາດໃຫຍ່ເຊື່ອມກັບຂົວຫຼັກ. ໂຄງການດັ່ງກ່າວ ເລີ່ມກໍສ້າງປີ 2009 ດ້ວຍງົບປະມານ 15,730 ລ້ານຍວນ ຫຼື ປະມານ 73,931 ລ້ານບາດ. ອີງຕາມແຜນຍຸດທະສາດຂອງລັດຖະບານ ສປ ຈີນໃນການພັດທະນາພື້ນທີ່ ອ່າວກວາງຕຸ້ງ, ຮົງກົງ ແລະ ມາເກົ໊າໃຫ້ເປັນເຂດເກຣດເທີ ເບ (Greater Bay Area) ໃຫ້ເປັນລະບົບນິເວດທາງດ້ານເສດຖະກິດທີ່ມີຄວາມສົມບູນ ດ້ວຍການເຄື່ອນຍ້າຍຈາກລະບົບການຄົມມະນາຄົມທີ່ມີການບູລະນະທີ່ລົງຕົວ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນ, ຮູບພາບຈາກ: dailynews.co.th