Homeບໍລິການກັບມາອີກຄັ້ງ! ກັບງານເທດສະການເບຍ Oktoberfest 2018

ກັບມາອີກຄັ້ງ! ກັບງານເທດສະການເບຍ Oktoberfest 2018

Published on

ທ່ານອາດເຄີຍໄດ້ເຂົ້າຮ່ວມງານຄອນເສີດ ຫຼື ເທສະການ ງານລ້ຽງຕ່າງໆ ຫຼາຍໆງານມາແລ້ວ, ແຕ່ຍັງມີອີກງານໜຶ່ງທີ່ມີຄວາມແຕກຕ່າງຈາກງານອື່ນໆທີ່ທ່ານເຄີຍສຳຜັດ ນັ້ນກໍຄືງານ LBC Oktoberfest 2018. ປີນີ້ຖືວ່າເປັນປີທີ 2 ແລ້ວທີ່ເບຍລາວໄດ້ນຳເອົາເທສະການ ທີ່ໂດງດັ່ງຂອງ ຊາວເຢຍລະມັນ ມາຈັດຢູ່ບ້ານເຮົາ ເຊິ່ງເທສະການນີ້ຄ່ອນຂ້າງແຕກຕ່າງຈາກງານອື່ນຫຼາຍ ເພາະບໍ່ໄດ້ມີພຽງເບຍຫຼາກຫຼາຍລົດຊາດ ແຕ່ຍັງມີອາຫານຂອງຝັ່ງຕາເວັນຕົກ, ວັດທະນະທຳການເຕັ້ນ Chicken dance, ຈົນຮອດການແຕ່ງກາຍແບບເຢຍລະມັນຂອງຄົນທີ່ໄປຮ່ວມໃນງານນີ້ ເຊິ່ງທຸກຄົນກໍສາມາດຮ່ວມປະກອບສ່ວນນຳໄດ້ເຊັ່ນກັນ.
ອີກສິ່ງໜຶ່ງທີ່ໜ້າສົນໃຈຫຼາຍກໍຄື ການສະແດງດົນຕີຈາກວົງດົນຕີຊາວເຢຍລະມັນທີ່ເຄີຍຮ່ວມຫຼິ້ນໃນງານ Oktoberfest ມາແລ້ວຫຼາຍປະເທດ ແລະ ວົງນີ້ກໍຈະມາຫຼິ້ນເຖິງເວທີຂອງບ້ານເຮົາເຊັ່ນກັນ. ສິ່ງໜຶ່ງທີ່ຢາກແນະນຳທຸກຄົນກໍຄືງານນີ້ມີມຸມຖ່າຍຮູບຄັກໆຢູ່ທົ່ວງານ ບໍ່ວ່າຈະເປັນຈອກຂະໜາດຍັກໜ້າງານ, ຈຳລອງບ້ານສະໄຕລ໌ເຢຍລະມັນ, ຊຸ້ມໄຟ, ແລະ ມຸມງາມຫຼາຍຈຸດ. ສຸດທ້າຍນີ້, ສິ່ງທີ່ເປັນເອກະລັກຂອງງານນີ້ກໍຄືຈອກເບຍໃຫຍ່ ເຊິ່ງມີຈໍາໜ່າຍໃຫ້ແຕ່ພຽງໃນງານເທົ່ານັ້ນເດີ້. ຂໍບອກວ່າຄວນເກັບສະສົມເປັນຢ່າງຍິ່ງ!

ງານເລີ່ມຕັ້ງແຕ່ວັນທີ 18-21 ເດືອນຕຸລາ 2018 ເລີ່ມເວລາ 18:30 ທີ່ເດີ່ນຈອດລົດ ຫໍວັດທະນະທຳ ແຫ່ງຊາດເດີ້ທຸກຄົນ.

#Proudtobelao#Oktoberfest2018 #Oktoberfest2018VTE

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...