ເຮືອບິນໂດຍສານຂອງ ແອຣ໌ນິວກີນີ ໂບອິ້ງ 737-800 ຖ້ຽວບິນ ເອເອັນຈີ 73 (Air Niugini Boeing 737-800) ໄດ້ພະຍາຍາມລົງຈອດທີ່ສະໜາມບິນໃນ ໄມໂຄຣນິເຊຍ ຕາມກຳນົດການ ແຕ່ເກີດມີຄວາມຜິດພາດ ສົ່ງຜົນໃຫ້ເຮືອບິນແລ່ນກາຍຣັນເວໄປຈອດຢູ່ກາງທະເລທີ່ຢູ່ໃກ້ສະໜາມບິນແທນ, ແຕ່ໂຊກດີທີ່ຜູ້ໂດຍສານ ແລະ ພະນັກງານເທິງເຮືອບິນຢູ່ເທິງເຮືອບິນທັງ 47 ຄົນປອດໄພ.
VIDEO: Air Niugini Boeing 737 was attempting to land at Weno airport in Micronesia but ended up half submerged in a lagoon after missing the runway pic.twitter.com/xqtUXuyNxn
— AFP News Agency (@AFP) September 28, 2018
ສຳນັກຂ່າວຕ່າງປະເທດລາຍງານຈາກເມືອງຊິດນີ ປະເທດອົດສະຕຣາລີ ເມື່ອວັນສຸກ ວັນທີ 28 ກັນຍາ 2018 ວ່າ: ແອຣ໌ນິວກີນີ ເຊິ່ງເປັນສາຍການບິນແຫ່ງຊາດຂອງປາປົວນິວກິນີ ໄດ້ອອກຖະແຫຼງການກ່ຽວກັບຖ້ຽວບິນ ເອເອັມຈີ 737-800 (Air Niugini Boeing 737-800) ຢູ່ເສັ້ນທາງຈາກນະຄອນປາລິກີ ເທິງເກາະໂປນເປ ເມືອງຫຼວງຂອງໝູ່ເກາະໄມໂຄຣນີເຊຍ ເດີນທາງສູ່ນະຄອນຫຼວງພອດມອສບີ ເມືອງຫຼວງຂອງປາປົວນິວກິນີ, ຢ່າງໃດກໍ່ຕາມຖ້ຽວບິນມີກຳນົດແວ່ພັກທີ່ສະໜາມບິນເວໂນ ເຊິ່ງເປັນໜຶ່ງໃນເກາະຍ່ອຍຂອງໄມໂຄຣນີເຊຍ ແຕ່ ”ເກີດຄວາມຜິດພາດບາງປະການ“ ສົ່ງຜົນໃຫ້ເຮືອບິນເຄື່ອນທີ່ກາຍຣັນເວ ແລະ ຈອດລົງບໍລິເວນນໍ້າຕື້ນຂອງທະເລທີ່ຢູ່ໃກ້ສະໜາມບິນແທນ.
ຢ່າງໃດກໍຕາມຜູ້ໂດຍສານທັງ 36 ຄົນ ແລະ ພະນັກງານເທິງເຮືອບິນອີກ 11 ຄົນ ໄດ້ຮັບການຊ່ວຍເຫຼືອອອກຈາກຍົນທີ່ຈົມຢູ່ໃນນໍ້າກວ່າເຄິ່ງລຳອອກມາໄດ້ຢ່າງປອດໄພ ແລະ ບໍ່ມີໃຜໄດ້ຮັບບາດເຈັບສາຫັດ. ຂະນະທີ່ຄະນະກຳມາທິການດ້ານການກວດກາອຸບັດຕິເຫດທາງອາກາດຂອງປາປົວນິວກິນີກຳລັງສອບສວນຫາສາເຫດທີ່ເກີດຂຶ້ນ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂ່າວຈາກ: ເສດຖະກິດ-ການຄ້າ, AFP news agency, ວີດີໂອຈາກ: AFP news agency