ອີງຕາມການລາຍງານຈາກສໍານັກຂ່າວ ເອເອຟພີ ເມື່ອວັນທີ່ 17 ກັນຍາທີ່ຜ່ານມານີ້ໃຫ້ຮູ້ວ່າ: ທາງການຫວຽດນາມໄດ້ເລັ່ງສອບສວນເປັນການດ່ວນໃນເຫດການ ທີ່ມີຜູ້ເສຍຊີວິດ 7 ຄົນ ແລະ ອີກ 5 ຄົນມີອາການໂຄມາ (ອາການໂຄມາໝາຍເຖິງ ຍັງມີຊີວິດຢູ່ ແຕ່ບໍ່ສາມາດຕອບໂຕ້ກັບສິ່ງແວດລ້ອມໄດ້ຕາມປົກກະຕິ) ເຊິ່ງມີຜົນມາຈາກການເສບຢາເສບຕິດໃນງານເທສະການດົນຕີ “ ທຣິບທູມູນ ” ເປັນເທວະການດົນຕີ ອີເລັກໂທຣນິກແດນສ໌ ຫຼື ອີດີເອັມ ທີ່ໄດ້ຈັດຂຶ້ນໃນນະຄອນຫຼວງ ຮ່າໂນ້ຍ, ເມືອງຫຼວງຂອງປະເທດ ຫວຽດນາມ ເມື່ອຕອນຄໍ່າຄືນຂອງວັນອາທິດ ທີ່ 16 ກັນຍາ ທີ່ຜ່ານມານີ້. ນັບວ່າເປັນເຫດການທີ່ສ້າງຄວາມຕື່ນຕົກໃຈຢ່າງແຮງໃຫ້ກັບປະເທດຫວຽດນາມທີ່ເປັນສັງຄົມ ອະນຸລັກນິຍົມພາຍໃຕ້ການປົກຄອງຂອງພັກຄອມມູນິດ.
ລາຍງານຂ່າວແຈ້ງວ່າ: ຜົນຈາກການກວດເລືອດຜູ້ທີ່ເສຍຊີວິດ ແລະ ຜູ້ທີ່ຢູ່ໃນອາການໂຄມານັ້ນໄດ້ຜົນເປັນບວກ ພົບສານເສບຕິດໃນກະແສເລືອດ ເຊິ່ງຕອນນີ້ເຈົ້າໜ້າທີ່ທ້ອງຖິ່ນໄດ້ເລັ່ງສອບສວນຢູ່ວ່າເປັນສານເສບຕິດຊະນິດໃດ ທີ່ໄດ້ມີການນໍາໃຊ້ໃນລະຫວ່າງການເຂົ້າຮ່ວມງານໃນເທສສະການດົນຕີດັ່ງກ່າວ. ທາງການຂອງຫວຽດນາມຍັງໄດ້ສັ່ງຍຸບ ແລະ ຫ້າມບໍ່ໃຫ້ມີການຈັດງານອີກ ນອກນີ້ເຈົ້າໜ້າທີ່ຍັງໄດ້ຂະຫຍາຍຜົນການສອບສວນໄປຕື່ມອີກວ່າ: ໃຜເປັນຜູ້ຈັດຫາ ແລະ ຊື້ສານເສບຕິດດັ່ງກ່າວເຂົ້າມາໃນງານ.
ຜົນການສືບສວນໄດ້ໃຫ້ການຢືນຢັນວ່າ: ການເສຍຊີວິດດັ່ງກ່າວແມ່ນ ມີຜົນກ່ຽວຂ້ອງກັບຢາເສບຕິດ ແລະ ຈັດວ່າເປັນອີກໜຶ່ງໃນເທດສະການດົນຕີທີ່ໂຫດຮ້າຍທີ່ສຸດ ທີ່ມີຜູ້ເສຍຊີວິດຈາກການໃຊ້ຢາເສບຕິດ.
ແຫຼ່ງຂ່າວຈາກ: matichon.co.th
ຮູບພາບຈາກ: vnexpress