ສຳນັກຂ່າວຕ່າງປະເທດ ລາຍງານໃນວັນທີ 15 ກັນຍາ 2014 ຜ່ານມານີ້ວ່າ ຈາກຜົນການສຳຫລວດລ່າສຸດຂອງຊາວ

ສະກັອດແລນ ຕໍ່ຄວາມເຫັນເຖິງການແຍກຕົວອອກຈາກສະຫະລາຊະອານາຈັກ ໂດຍມີຜູ້ສະໜັບສະໜູນ 48% ເຊິ່ງ

ໜ້ອຍກ່ວາຜູ້ຄັດຄ້ານການແບ່ງແຍກທີ່ມີເຖິງ 52% ແລະ ຍັງມີອີກຜົນການສຳຫລວດ 2 ສະບັບ ເຊິ່ງມີຜົນຄ້າຍຄື

ກັນ, ແຕ່ດ້ານນັກວິເຄາະກໍຍັງເຫັນວ່າ ການຕໍ່ສູ້ເພື່ອຊອກຫາຜູ້ສະໜັບສະໜູນ ເພື່ອແຍກ ແລະ ຕ້ານການແຍກ

ລະຫວ່າງສອງຝ່າຍ ແມ່ນຍັງບໍ່ທັນສິ້ນສຸດ ເຊິ່ງແຕ່ລະຝ່າຍກໍຍັງຄົງປຸກລະດົມກັນຢ່າງເຕັມທີ່ ເນື່ອງຈາກເປັນຊ່ວງ

ໂຄ້ງສຸດທ້າຍ ໂດຍຕ່າງຝ່າຍກໍຕ່າງຫວັງຊິງທຸກຄະແນນສຽງທີ່ອາດຈະມາໄດ້ ໂດຍສະເພາະກຸ່ມທີ່ຍັງບໍ່ໄດ້ຕັດສິນໃຈ

ທີ່ມີຢູ່ເຖິງ 5 ແສນຄົນ.

ດ້ານກຸ່ມທີ່ສະໜັບສະໜູນການແຍກຕົວອອກຈາກສະຫະລາຊະອານາຈັກ ໄດ້ໂຈມຕີລັດຖະບານອັງກິດ ທີ່ພະຍາ

ຍາມປຸກລະດົມຊາວສະກັອດແລນ ໃຫ້ຮູ້ສຶກຫວັ່ນກົວ ແລະ ບໍ່ລົງປະຊາມະຕິເຫັນດີ ດ້ວຍການໂຄສະນາວ່າ ການ

ກະທຳທີ່ເປັນການແບ່ງແຍກອອກຈາກອັງກິດນັ້ນ ຈະເຮັດໃຫ້ເສດຖະກິດຂອງສະກັອດແລນເສຍຫາຍ ພ້ອມທັງ

ຍັງໄດ້ກ່າວໂຈມຕີບໍລິສັດນ້ຳມັນ ບີພີ ຂອງອັງກິດວ່າ ຈົງໃຈບິດເບືອນຂໍ້ມູນກ່ຽວກັບແຫລ່ງພະລັງງານຂອງສະກັອດ

ແລນ ໃນຂະນະທີ່ຜູ້ຄົນໃນເມືອງກລາສໂກ ເຊິ່ງເປັນເມືອງໃຫຍ່ທີ່ສຸດຂອງສະກັອດແລນ ແລະ ມີຄົນອາຊີຫລາຍຊາດ

ມາອາໄສຢູ່ຈຳນວນຫລາຍ ຕ່າງກໍໄດ້ສະໜັບສະໜູນໃຫ້ສະກັອດແລນແຍກຕົວອອກເປັນເອກະລາດ.

ໂດຍກ່ອນໜ້ານີ້ ພວກເຂົາຕ້ອງການໄດ້ຮັບສິດທິເປັນຊາວສະກັອດແລນ ຫລາຍກ່ວາເປັນຊົນເຜົ່າກຸ່ມນ້ອຍ

ໃນພື້ນທີ່ຂອງອັງກິດ ໂດຍຖ້າຫາກຜູ້ຄົນໃນສະກັອດແລນລົງປະຊາມະຕິເຫັນດີໃນເລື່ອງນີ້ ສະກັອດແລນກໍຈະກາຍ

ເປັນປະເທດທຳອິດ ທີ່ຈັດຕັ້ງຂຶ້ນໃໝ່ໃນເອີລົບ ນັບຕັ້ງແຕ່ມີການແບ່ງແຍກປະເທດຢູໂກສະລາວີ ແລະ ຈະກາຍ

ເປັນປະເທດໃໝ່ລ່າສຸດຂອງໂລກ ນັບຕັ້ງແຕ່ການກຳເນີດປະເທດຊູດານໃຕ້ ໃນປີ 2011 ເຊິ່ງຜົນຈະອອກມາເປັນ

ແນວໃດນັ້ນ ຈະສາມາດຮູ້ໄດ້ຢ່າງແນ່ນອນ ໃນມື້ລົງປະຊາມະຕິ ທີ່ຈະໄດ້ຈັດຂຶ້ນໃນວັນທີ 18 ກັນຍາ 2014 ນີ້.