spot_img
Homeຂ່າວຕ່າງປະເທດນິວຊີແລນ ຈະບໍ່ນຳໃຊ້ຖົງພາສຕິກ ໃນການຊື້-ຂາຍ ສິນຄ້າ

ນິວຊີແລນ ຈະບໍ່ນຳໃຊ້ຖົງພາສຕິກ ໃນການຊື້-ຂາຍ ສິນຄ້າ

Published on

ສຳນັກຂ່າວຕ່າງປະເທດລາຍງານຈາກເມືອງຫລວງ ເວລລິງຕັນ, ປະເທດ ນິວຊີແລນ ເມື່ອວັນທີ 10 ສິງຫາ ວ່ານາຍົກລັດຖະມົນຕີ ຈາຊິນດາ ອາເດີຣ໌ນ ກ່າວວ່າ ນິວຊີແລນກຳລັງຜະເຊີນຫນ້າກັບຄວາມທ້າທາຍດ້ານສີ່ງແວດລ້ອມທີ່ຫລາຍຂື້ນທຸກເວລາ ບວກກັບຄວາມຕ້ອງການຂອງປະຊາຊົນ ທີ່ຕ້ອງການໃຫ້ລັດຖະບານມີນະໂຍບາຍຈິງຈັງ ໃນການຫລຸດປະລິມານການນຳໃຊ້ຖົງຢາງພາສຕິກໃນປະເທດ. ດ້ວຍເຫດນີ້, ທີ່ກອງປະຊຸມຄະນະລັດຖະມົນຕີຊື່ງມີຄະນະພັກ Green ຮ່ວມນຳຈື່ງມີມະຕິເຫັນດີໃຫ້ອອກກົດຫມາຍຫ້າມການໃຊ້ຖົງຢາງພາສຕິກ ໃນການຊຳລະຈັດຈ່າຍຕ່າງໆ.

ຢ່າງໃດກໍຕາມ ຜູ້ນຳນິວຊີແລນກ່າວວ່າ ລັດຖະບານມີໄລຍະເວລາໃນການຜ່ອນຜັນ 6 ເດືອນໃຫ້ກັບຜູ້ປະກອບການ. ຫລັງຈາກນັ້ນກໍຄື ນັບຕັ້ງແຕ່ຕົ້ນປີຫນ້າ ຫາກກວດພົບເຫັນການຝ່າຝືນ ເຈົ້າຂອງກິດຈະການອາດຕ້ອງຊໍາລະຄ່າປັບສູງເຖີງ 100,000 ໂດລານິວຊີແລນ (ປະມານ 546ລ້ານກີບ).

ທັງນີ້ ລາຍງານຂອງສະຫະປະຊາຊາດ (UN) ລະບຸວ່າ ນິວຊີແລນ ເປັນຫນື່ງໃນປະເທດພັດທະນາແລ້ວ ທີ່ມີປະລິມານການໃຊ້ຖົງຢາງພາສຕິກສູງທີ່ສຸດເປັນອັນດັບຕົ້ນໆຂອງໂລກ, ໂດຍສະຖິຕິສະເລ່ຍເມື່ອປີທີ່ຜ່ານມາແມ່ນສູງເຖີງ 750 ລ້ານຖົງ ຫລື ສະເລ່ຍຢູ່ທີ່ 154 ຖົງ/ປີ/ຄົນ.

 

 

 

ແຫລ່ງຂ່າວຕ່າງປະເທດ: TDN

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...