spot_img
Homeຂ່າວພາຍ​ໃນຮ້ານໃດຈະຖ່າຍທອດບານໂລກໃຫ້ລູກຄ້າເບິ່ງ ຕ້ອງໄປຈ່າຍເງິນໃຫ້ທີວີລາວກ່ອນ

ຮ້ານໃດຈະຖ່າຍທອດບານໂລກໃຫ້ລູກຄ້າເບິ່ງ ຕ້ອງໄປຈ່າຍເງິນໃຫ້ທີວີລາວກ່ອນ

Published on

ຮ້ານອາຫານຫຼືສະຖານບັນເທີງແຫ່ງໃດ ຖ້າຈະຖ່າຍທອດສົດບານໂລກ ໃຫ້ລູກຄ້າຂອງຕົນເບິ່ງນັ້ນ ຕ້ອງໄດ້ໄປຈ່າຍເງິນຊື້ລິຂະສິດກັບ ບໍລິສັດທີວີລາວກ່ອນ 5,000,000 ກີບ ບໍ່ດັ່ງນັ້ນກໍຈະຖືກປັບໃໝຖານລະເມີດລິຂະສິດ.

ໜັງສືແຈ້ງການຈາກຫ້ອງການ ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ ແຈ້ງວ່າ ບໍລິສັດ ທີວີລາວ ໄດ້ຮັບລິຂະສິດ ໃນການຖ່າຍທອດສົດ ການແຂ່ງຂັນເຕະບານໂລກ 2018 ແລະຖ້າໃນກໍລະນີ ບຸກຄົນ, ນິຕິບຸກຄົນ ຫຼືອົງການຈັດຕັ້ງໃດໜຶ່ງ ຢາກຖ່າຍທອດສົດຕໍ່ເພື່ອຜົນປະໂຫຍດທາງທຸລະກິດ ແມ່ນໃຫ້ໄປພົວພັນນຳ ບໍລິສັດ ທີວີລາວກ່ອນ. ພ້ອມກັນນັ້ນກໍຫ້າມຮັບສັນຍານຈາກທີວີຕ່າງປະເທດມາກະຈາຍຕໍ່.

ຕໍ່ແຈ້ງການດັ່ງກ່າວນັ້ນ, ຄໍບານຈຳນວນຫຼາຍເວົ້າວ່າ ຈະໜີໄປເບິ່ງຈາກຊ່ອງຟຣີທີວີ ຈາກປະເທດເພື່ອນບ້ານກໍໄດ້, ແຕ່ວ່າໃນໜັງສືແຈ້ງການຈາກ ບໍລິສັດ ທີວີລາວ ສະບັບອອກວັນທີ 22 ພຶດສະພາ 2018 ໄດ້ແຈ້ງວ່າ ທຸກການບໍລິການຖ່າຍທອດສົດບານໂລກ 2018 ໃນທົ່ວປະເທດ ຕ້ອງໄດ້ຮັບການອະນຸຍາດຈາກ ບໍລິສັດ ທີວີລາວກ່ອນ, ຖ້າທ່ານເປີດກ່ອງສັນຍານອື່ນ ຫຼືຮັບສັນຍານຈາກໃສກໍແລ້ວແຕ່ ທີ່ບໍ່ແມ່ນຂອງທີວີລາວ ທ່ານຈະຖືກປັບໃໝເທົ່າໂຕ.

ໃນຂະນະທີ່ຜູ້ມັກບານສ່ວນໜຶ່ງຈົ່ມວ່າ ທີວີລາວ ຄວນຈະເກັບເງິນຈາກການຂາຍໂຄສະນາໃນເວລາຖ່າຍທອດສົດເຕະບານໂລກ ຫຼາຍກວ່າການເກັບເງິນຈາກຜູ້ຊົມເຕະບານ.

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...