Homeເລື່ອງແປກເມື່ອການຕາຍເປັນເລື່ອງຜິດກົດໝາຍ

ເມື່ອການຕາຍເປັນເລື່ອງຜິດກົດໝາຍ

Published on

ເກີດແກ່ເຈັບຕາຍເປັນເລື່ອງທຳມະຊາດທີ່ບໍ່ມີໃຜສາມາດຫ້າມໄດ້ ແຕ່ວ່າຢູ່ເມືອງລອງເຢຍບຽນ ແຫ່ງເກາະ ສະຟານບານ, ດິນແດນຂົ້ວໂລກທີ່ສຸດແສນໜາວ ການຕາຍໃນປະເທດນັ້ນຖືເປັນເລື່ອງຜິດກົດໝາຍ. ກ່ອນຈະລາໂລກນີ້ໄປ ຜູ້ກ່ຽວຕ້ອງໄດ້ອອກນອກປະເທດ ເພື່ອບໍ່ໃຫ້ມີການຝັງສົບໃນເມືອງ.

ອີງຕາມຂໍ້ມູນຈາກເວັບໄຊ້ ladbible.com, ກົດໝາຍນີ້ຖືກສ້າງຂຶ້ນມາຍ້ອນວ່າ ເມືອງແຫ່ງນີ້ຕັ້ງຢູ່ໃນເຂດວົງມົນລະຕິຈູດ (Arctic Circle) ທີ່ຢູ່ເໜືອສຸດຂອງໂລກ ເຮັດໃຫ້ສະພາບອາກາດໃນເມືອງມີຄວາມໜາວເຢັນຈົນເຖິງຂັ້ນເປັນນໍ້າກ້ອນ ບໍ່ວ່າຈະເທິງດິນ ຫຼື ໃຕ້ດິນ ກໍສາມາດຖືກແຊ່ແຂງໄດ້ບໍ່ຍາກ. ດ້ວຍຄວາມໜາວເຢັນເຖິງພຽງນີ້ ເຮັດໃຫ້ສົບຂອງປະຊາຊົນໃນເມືອງບໍ່ຍ່ອຍສະຫຼາຍ ແລະ ຄົງສະພາບຢູ່ແບບນັ້ນ ເຮັດໃຫ້ພື້ນທີ່ໃນການຝັງສົບມີຈໍາກັດ, ແລະ ອີກໜຶ່ງເຫດຜົນທີ່ສຳຄັນຂອງ ກົດໝາຍຫ້າມເສຍຊີວິດໃນເມືອງ ກໍເພື່ອປ້ອງກັນການລະບາດຂອງເຊື້ອໂລກ ເນື່ອງຈາກເຊື້ອໂລກໃດກໍຕາມທີ່ຢູ່ໃນສົບທີ່ຖືກແຊ່ແຂງ ກໍຈະເຮັດໃຫ້ເຊື້ອໂລກນັ້ນຄົງສະພາບ ບໍ່ສະຫຼາຍໄປເຊັ່ນກັນ.

ຕົ້ນກໍາເນີດຂອງການຕັ້ງກົດໝາຍນີ້ ແມ່ນໃນປີ 1918 ໄດ້ມີການລະບາດຂອງໂລກໄຂ້ຫວັດໃຫຍ່ໃນທົ່ວໂລກ ເຮັດໃຫ້ມີຜູ້ເສຍຊີວິດເຖິງ 50-100 ລ້ານຄົນ, ແລະ ການລະບາດຄັ້ງນັ້ນ ເຮັດໃຫ້ປະຊາຊົນໃນເມືອງລອງເຢຍ ເສຍຊີວິດ 11 ຄົນ ແລະ ໄດ້ຝັງສົບໄວ້ໃຕ້ດິນ. 32 ປີຜ່ານໄປ, ປະຊາຊົນນເມືອງໄດ້ພົບຄວາມຈິງວ່າ ສົບທີ່ຝັງຢູ່ໃຕ້ດິນບໍ່ເໜົ່າສະຫຼາຍ ເຮັດເກີດການປ່ຽນແປງກົດໝາຍ ບໍ່ໃຫ້ມີການຕາຍເກີດຂຶ້ນໃນເມືອງ ເພື່ອບໍ່ໃຫ້ມີໃຜຖືກຝັງໃນເມືອງນີ້ອີກ ແລະ ປ້ອງກັນໂລກລະບາດ.

ແລະ ຍັງມີອີກໜຶ່ງເຫດການທີ່ພິສູດໃຫ້ເຫັນວ່າເຊື້ອໂລກຍັງຄົງສະພາບຢູ່ໃນສົບ, ເມື່ອນັກວິທະຍາສາດກຸ່ມໜຶ່ງມາສຶກສາເລື່ອງຜູ້ເສຍຊີວິດໃນເກາະນີ້ໃນປີ 1990, ພວກເຂົາໄດ້ຂຸດສົບທີ່ເສຍຊີວິດຈາກໄຂ້ຫວັດໃຫຍ່ຂຶ້ນມາໜຶ່ງສົບເພື່ອສຶກສາ ແລະ ເຊື້ອໄວຣັດດັ່ງກ່າວເຮັດໃຫ້ນັກວິທະຍາສາດຄົນໜຶ່ງໃນກຸ່ມເສຍຊີວິດລົງ.

ແຫຼ່ງຂ່າວ: dailymail.co.uk, ຮູບ: visitsvalbard

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...