ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິການ ເມື່ອວັນທີ 20 ພຶດສະພາ 2018 ວ່າ ລັດຖະບານວໍຊິງຕັນໄດ້ຢຸດຕິມາດຕະການກຳແພງພາສີ 25% ກັບສິນຄ້າຂອວຈີນ 1,300 ລາຍການ ເຊິ່ງສ່ວນໃຫຍ່ເປັນສິນຄ້າທີ່ກ່ຽວຂ້ອງກັບອຸດສາຫະກຳ ແລະ ເທັກໂນໂລຢີ ຄິດເປັນມູນຄ່າລວມ 50,000 ລ້ານໂດລາ ທີ່ຕາມກຳນົດຕ້ອງມີຜົນໃນອາທິດນີ້ ໃນຂະນະທີ່ທັງສອງປະເທດພະຍາຍາມດຳເນີນການຮ່ວມມືກັນຕາມກອບແຜນຍຸດທະສາດການຄ້າສະບັບໃໝ່ ໃຫ້ເໝາະສົມກັບສິນຄ້າແຕ່ລະລາຍການ ເຊິ່ງໃນສ່ວນຂອງສິນຄ້າດ້ານການກະເສດໜ້າຈະຊ່ວຍເພີ່ມມູນຄ່າການສົ່ງອອກໄດ້ລະຫວ່າງ 35%-40% ສະເພາະໃນປີນີ້ รั

ທັງນີ້ ຄະນະຜູ້ແທນເຈລະຈາຂອງຈີນນຳໂດຍທ່ນ ຫລິວ ເຮີ່ ຮອງນາຍົກລັດຖະມົນຕີ ແລະ ທີ່ຶກສາດ້ານນະໂຍບາຍເສດຖະກິດຂອງຈີນ ແລະ ຄະນະຜູ້ແທນເຈລະຈາຂອງສະຫະລັດອອກຖະແຫຼງານຮ່ວມກັນ ຫຼັງສຳເລັດການເຈລະຈາ ທີ່ນະຄອນຫຼວງ ວໍຊິງຕັນ ເມື່ອວັນເສົາທີ່ຜ່ານມາ “ບໍ່ຕໍ່ສູ້ກັນໃນສົງຄາມການຄ້າ” ແລະ “ຢຸດຕິຕັ້ງກຳແພງການຄ້າເຊິ່ງກັນ ແລະ ກັນ” ຮ່ວມເຖິງການທີ່ຈີນຈະນຳເຂົ້າສິນຄ້າການກະເສດ ແລະ ເພີ່ມການສະໜັບສະໜູນອຸດສະຫະກຳພະລັງງານຂອງສະຫະລັດອີກດ້ວຍ ໂດຍເມື່ອປິທີ່ຜ່ານມາສະຫະລັດຂາດດູນການຄ້າຕໍ່ຈີນຫຼາຍເຖິງ 375,200 ລ້ານໂດລາ