ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນທີ 21 ເມສາ 2018ວ່າ ລັດຖະບານປັກກິ່ງມີຄວາມເຊື່ອໝັ້ນຕໍ່ການຕັດສິນໃຈຂອງເກົາຫຼີເໜືອໃນການຢຸດຕິໂຄງກາານທົດສອບຂີປະນາວຸດ ແລະ ອາວຸດນິວເຄຣຍ ຕັ້ງແຕ່ນີ້ເປັນຕົ້ນໄປ ຕະຫຼອດຈົນຮອດການຢຸດຕິພາລະກິດພາຍໃນນິຄົມນິວເຄຣຍປຸງກະເຢ-ຣີ ເພື່ອການພັດທະນາເສດຖະກິດ ແລະ ສັນຕິພາບຢ່າງໝັ້ນຄົງໃນແຫຼມໃນແຫຼມເກົາຫຼີ ຂະນະດຽວກັນຈີນພ້ອມຍິນດີ ແລະ ສະໜັບສະໜູນແກ່ລັດປຽງຢາງໃນການຫາລືເຈລະຈາກັບທຸກຝ່າຍທີ່ກ່ຽວຂ້ອງ ເພື່ອຄາຍຄວາມຂັດແຍ້ງ ແລະ ຟື້ນຟູຄວາມສຳພັນໃຫ້ດີຂຶ້ນ
ລາຍງານຂ່າວກ່າວວ່າ ການຕັດສິນໃຈຄັ້ງນີ້ມີຜົນທັນທີໃນວັນເສົານີ້ ຕາມເວລາທ້ອງຖິ່ນ. ໃນຄຳປະກາດ ລັດຖະບານເກົາຫຼີເໜືອລະບຸວ່າ ທາງການຕ້ອງການປ່ຽນການໃຫ້ຄວາມສຳຄັນຂອງນະໂຍບາຍມາສູ່ການພັດທະນາເສດຖະກິດ. ຂ່າວການລະງັບໂຄງການນິວເຄຼຍຄັ້ງນີ້ ເກີດຂຶ້ນບໍ່ເຖິງໜຶ່ງອາທິດກ່ອນການພົບກັນຂອງຜູ້ນຳເກົາຫຼີເໜືອ ນັ້ນກໍຄື ທ່ານ ຄິມ ຈອງອຶນ ແລະ ປະທານາທິບໍດີເກົາຫຼີໃຕ້ ທ່ານ ມຸນ ເເຈອິນ ໃນວັນທີ 27 ເມສາ. ນອກຈາກນັ້ນ ສະຫະລັດ ແລະ ເກົາຫຼີເໜືອຕຽມເຈລະຈາສຸດຍອດກັນ.