spot_img
Homeຂ່າວພາຍ​ໃນລາວສະຫຼອງສຽງແຄນລາວເປັນມໍລະດົກໂລກຢ່າງຍິ່ງໃຫຍ່

ລາວສະຫຼອງສຽງແຄນລາວເປັນມໍລະດົກໂລກຢ່າງຍິ່ງໃຫຍ່

Published on

ຕອນເຊົ້າວັນທີ 11 ເມສາ 2018 ຢູ່ທີ່ນະຄອນຫຼວງວຽງຈັນ ໄດ້ມີພິທີແຫ່ແຄນ ເພື່ອສະເຫຼີມສະຫຼອງທີ່ ອົງການອຸຍເນສໂກ ໄດ້ຮັບຮອງເອົາ “ສຽງແຄນລາວ” ເຂົ້າເປັນມໍລະດົກໂລກທາງດ້ານວັດທະນະທຳທີ່ຈັບຕ້ອງບໍ່ໄດ້.

ຮູບ: ພິທີແຫ່ແຄນ ສະຫຼອງສຽງແຄນລາວເປັນມໍລະດົກໂລກ / ວິທະຍຸກະຈາຍສຽງແຫ່ງຊາດ

ພິທີດັ່ງກ່າວໄດ້ຈັດຂຶ້ນທີ່ເດິ່ນອະນຸສາວະລີ ເຈົ້າຟ້າງຸ່ມ ມະຫາລາດ (ວິລະກະສັດອົງຍິ່ງໃຫຍ່ທີ່ທ້ອນໂຮມບັນຫາຫົວເມືອງລາວ ເຂົ້າເປັນອານາຈັກລາວລ້ານຊ້າງ) ເຊິ່ງເຂົ້າຮ່ວມເປັນປະທານຂອງທ່ານ ປອ ບໍ່ແສງຄຳ ວົງດາລາ ລັດຖະມົນຕີກະຊວງ ຖວທ, ໃຫ້ກຽດເຂົ້າຮ່ວມໂດຍທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ການນຳຈາກກະຊວງ ຖວທ, ບັນດາເຈົ້າແຂວງ, ຮອງເຈົ້າແຂວງ, ການນຳນະຄອນຫຼວງ ແລະມວນຊົນລາວເຂົ້າຮ່ວມຢ່າງຫຼວງຫຼາຍ.

ໃນພິທີໄດ້ມີການສະແດງຄາລະວະຫຼືຄອບໄຄວ່ບັນພະບຸລຸດເຊື້ອຊາດລາວ ຜູ້ໃຫ້ກຳເນີດຊາດລາວແລະແຄນລາວ ຢູ່ທີ່ສວນເຈົ້າຟ້າງຸ່ມ ແລ້ວໄດ້ຈັດຂະບວນແຫ່ແຄນໄປຕາມຖະໜົນສາຍສຳຄັນໃນນະຄອນຫຼວງວຽງຈັນ ໂດຍມີໃບຢັ້ງຢືນການຮັບເອົາສຽງແຄນລາວເຂົ້າເປັນມໍລະດົກໂລກນຳໜ້າຂະບວນ.

ຮູບ: ພິທີແຫ່ແຄນ ສະຫຼອງສຽງແຄນລາວເປັນມໍລະດົກໂລກ / ວິທະຍຸກະຈາຍສຽງແຫ່ງຊາດ

ວັນພະຫັດ ທີ 7 ທັນວາ 2017 ທີ່ຜ່ານມາ, ໃນກອງປະຊຸມຄະນະກຳມະການດ້ານພູມປັນຍາທາງວັດທະນະທຳ ອົງການສຶກສາ ວິທະຍາສາດ ແລະວັດທະນະທຳ (UNESCO) ໃນລະຫວ່າງວັນທີ 4-9 ທັນວາ 2017 ທີ່ເກາະເຊຈູ ປະເທດເກົາຫຼີໃຕ້ ໄດ້ປະກາດ “ສຽງແຄນລາວ” ຂຶ້ນເປັນມໍລະດົກພູມປັນຍາທາງວັດທະນະທຳ ທີ່ຈັບຕ້ອງບໍ່ໄດ້ ແລະຖືກຮັບຮອງຢ່າງເປັນທາງການຈາກກອງປະຊຸມດັ່ງກ່າວ.

ເຫດການດັ່ງກ່າວນີ້ ຖືເປັນຄວາມພາກພູມໃຈຂອງຄົນລາວໂດຍສັນຊາດ ກໍຄືຊົນເຜົ່າລາວທົ່ວໂລກ ເນື່ອງຈາກວ່າແຄນ ແມ່ນດົນຕີພື້ນເມືອງທີ່ເປັນເອກະລັກຂອງຊົນເຜົ່າລາວທຸກຄົນທັງໃນແລະຢູ່ຕ່າງປະເທດ ທີ່ມີມາແຕ່ບູຮານນະການ.

ທຸກຊົນເຜົ່າໃນລາວລ້ວນແຕ່ຮູ້ຈັກແຄນແລະຮູ້ໃຊ້ແຄນເປັນເຄື່ອງດົນຕີປະສານສຽງຂັບສຽງລຳຂອງຊົນເຜົ່າຕົນຢ່າງກົມກືນ ເຊິ່ງອາດຈະແຕກຕ່າງທາງດ້ານຈັງຫວະທຳນອງເປັນເອກະລັກສະເພາະຂອງແຕ່ລະທ້ອງຖິ່ນ ແລະຮູບລັກສະນະຂອງແຄນກໍແຕກຕ່າງກັນໃນບາງຊົນເຜົ່າ ເຊັ່ນ ຊົນເຜົ່າມົ້ງ ແລະ ຊົນເຜົ່າລາວເທິງ ກໍຈະມີແຄນເປັນເອກະລັກຂອງເຜົ່າໄປອີກແບບໜຶ່ງ.

ແຄນມີປະຫວັດຄວາມເປັນມາອັນຍາວນານ, ກຳເນີດຂຶ້ນດ້ວຍພູມປັນຍາຂອງຊົນຊາດລາວ ແລະຢູ່ກັບຄົນທຸກບ່ອນທັງພາຍໃນແລະຕ່າງປະເທດ ຈຶ່ງເປັນການຢັ້ງຢືນວ່າ ແຄນແມ່ນມໍລະດົກທາງດ້ານສິລະປະວັດທະນະທຳທີ່ເປັນເອກະລັກສະເພາະຂອງຄົນລາວຢ່າງແທ້ຈິງ.

ຮູບ: ພິທີແຫ່ແຄນ ສະຫຼອງສຽງແຄນລາວເປັນມໍລະດົກໂລກ / ວິທະຍຸກະຈາຍສຽງແຫ່ງຊາດ

 

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...