spot_img
Homeຂ່າວຕ່າງປະເທດ4 ປະເທດສະມາຊິກອາຊຽນມີຍອດຜູ້ຕິດເຊື້ອໂຄວິດ-19 ເພີ່ມຂຶ້ນບໍ່ຢຸດ

4 ປະເທດສະມາຊິກອາຊຽນມີຍອດຜູ້ຕິດເຊື້ອໂຄວິດ-19 ເພີ່ມຂຶ້ນບໍ່ຢຸດ

Published on

ສະພາບການລະບາດຂອງໄວຮັດໂຄວິດ-19 ໂດຍສະເພາະໃນ 4 ປະເທດສະມາຊິກອາຊຽນຍັງມີຍອດຜູ້ຕິດເຊື້ອເພີ່ມຂຶ້ນຢ່າງຕໍ່ເນື່ອງໃນປະເທດສິງກະໂປ, ອິນໂດເນເຊຍ, ຟິລິບປິນ ແລະ ມາເລເຊຍ ທ່າມກາງຄວາມກັງວົນໂດຍສະເພາະ ສິງກະໂປ ກັບ ອິນໂດເນເຊຍ ທີ່ກາຍເປັນ 2 ປະເທດໃນອາຊຽນທີ່ມີຍອດຜູ້ຕິດເຊື້ອເພີ່ມສູງຂຶ້ນ.

ມີລາຍງານວ່າ ສິງກະໂປ ຍອດຜູ້ຕິດເຊື້ອສະສົມ 16,169 ຄົນ ຫຼັງຈາກພົບຜູ້ຕິດເຊື້ອລາຍວັນອີກ 528 ຄົນ ສ່ວນໃຫຍ່ເປັນແຮງງານຕ່າງຊາດທີ່ພັກອາໃສຕາມຫໍພັກແຮງງານ ສ່ວນຍອດຜູ້ເສຍຊີວິດຢູ່ທີ່ 15 ຄົນ. ແຕ່ ອິນໂດເນເຊຍ ກາຍເປັນປະເທດທີສອງຂອງອາຊຽນທີ່ມີຍອດຜູ້ຕິດເຊື້ອສະສົມ 10,118 ຄົນ ມີຍອດຜູ້ເສຍຊີວິດ 792 ຄົນ.

ໃນຂະນະດຽວກັນ ຟິລິບປິນມີຜູ້ຕິດເຊື້ອໃໝ່ 276 ຄົນ ເຮັດໃຫ້ຍອດຜູ້ຕິດເຊື້ອສະສົມ 8,488 ຄົນ ເສຍຊີວິດ 10 ຄົນ ສ່ວນປະເທດມາເລເຊຍ ມີຜູ້ຕິດເຊື້ອໃໝ່ອີກ 57 ຄົນ ເຮັດໃຫ້ມີຍອດຜູ້ຕິດເຊື້ອ 6,002 ຄົນ ເສຍຊີວິດ 2 ຄົນ.

ສຳລັບ ສປປ ລາວ ບໍ່ມີລາຍງານພົບຜູ້ຕິດເຊື້ອໂຄວິດ-19 ເພີ່ມ ເປັນເວລາ 18 ວັນຕິດຕໍ່ກັນ ເຮັດໃຫ້ມີຍອດຜູ້ຕິດເຊື້ອສະສົມທີ່ 19 ຄົນ, ເສຍຊີວິດ 0 ຄົນ ຮັກສາຫາຍແລ້ວ 11 ຄົນ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: www.bangkokbiznews.com

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...