spot_img
Homeນານາສາລະຜົນເສຍຕໍ່ສາຍຕາຂອງການເຮັດວຽກ ແລະ ຮຽນອອນລາຍ ຍາວນານຈົນເກີນໄປ

ຜົນເສຍຕໍ່ສາຍຕາຂອງການເຮັດວຽກ ແລະ ຮຽນອອນລາຍ ຍາວນານຈົນເກີນໄປ

Published on

ນັບຕັ້ງແຕ່ພະຍາດ ໂຄວິດ-19 ລະບາດ, ບ່ອນເຮັດວຽກ, ຫ້ອງການ ສ່ວນໃຫຍ່ ລວມທັງໂຮງຮຽນ ຢູ່ທົ່ວໂລກລ້ວນແຕ່ຕ້ອງໄດ້ໃຊ້ມາດຕາການ Work from home (ການເຮັດວຽກຢູ່ບ້ານ) ແລະ ຮຽນຢູ່ບ້ານ ເພື່ອຫຼຸດຜ່ອນການເດີນທາງ, ຫຼຸດໂອກາດສ່ຽງໃນການຕິດ ແລະ ແຜ່ເຊື້ອ ເຊິ່ງຊ່ວງທໍາອິດ ມາດຕາການນີ້ ໃນຕອນນັ້ນເປັນພຽງໄລຍະສັ້ນເທົ່ານັ້ນ ແຕ່ເມື່ອຕ້ອງປະຕິບັດຢ່າງຕໍ່ເນື່ອງຈົນເກືອບຮອດ 2 ປີເຕັມ ຫຼາຍບ່ອນເຮັດວຽກ ກໍຍັງຕ້ອງໄດ້ປະຕິບັດມາດຕະການນີ້ ເຊິ່ງການເຮັດວຽກຢູ່ບ້ານດົນໆ ກໍໄດ້ສ້າງຜົນເສຍຕໍ່ສຸຂະພາບສາຍຕາໃນໄລຍະຍາວໄດ້ຂອງຜູ້ປະຕິບັດໄດ້.

Work From Home ເຮັດໃຫ້ເວລາໃນການເຮັດວຽກຍາວຂຶ້ນ

ສາເຫດມາຈາກການທີ່ເຮົາເຮັດວຽກຢູ່ບ້ານແມ່ນຕ້ອງໄດ້ໃຊ້ສາຍຕາກັບໜ້າຈໍຄອມຫຼາຍຂຶ້ນ ເຮັດໃຫ້ໄລຍະເວລາຂອງຊ່ວງພັກຜ່ອນບໍ່ມີຄວາມຊັດເຈນ ໂດຍພົບວ່າການເຮັດວຽກຢູ່ບ້ານ ແມ່ນຈະມີຊ່ວງພັກໜ້ອຍກວ່າການເຮັດວຽກຢູ່ຫ້ອງການ ແລະ ເມື່ອເວລາມີປະຊຸມຜ່ານໜ້າຈໍ ຈະເຮັດໃຫ້ລະສາຍຕາຈາກຄອມພິວເຕີບໍ່ໄດ້ ຈົນເກີດໂລກທາງສາຍຕາຂຶ້ນມາ.

ສ່ວນອາການຕາລ້າຈະເກີດຈາກການເຮັດວຽກໃນສະພາບແວດລ້ອມທີ່ມີແສງບໍ່ພຽງພໍ ການກຶ້ງຕາອ່ານໜັງສືທີ່ມີຂະໜາດນ້ອຍ ຫຼື ໜ້າຈໍທີ່ີມີຂະໜາດນ້ອຍເກີນໄປ ໂດຍພົບວ່າຄົນທີ່ເຮັດວຽກກັບໜ້າຈໍທີ່ມີຄວາມສະຫວ່າງຫຼາຍເກີນໄປ ຈະມີແນວໂນ້ມທີ່ຈະເກີດອາການເບິ່ງເຫັນເງົາດໍາລອຍໄປມາໄດ້ຫຼາຍທີ່ສຸດ.

 

ຜົນກະທົບຕໍ່ນັກຮຽນ ແລະ ນັກສຶກສາ

ຮອງປະທານສະມາຄົມຜູ້ຊ່ຽງຊານທາງດ້ານສາຍຕາປະເທດສິງກະໂປ ລະບຸວ່າ ເດັກນ້ອຍ ແລະ ຊາວໜຸ່ມ ມີບັນຫາທາງດ້ານສາຍຕາເພີ່ມຂຶ້ນ ຈົນຕ້ອງໃສ່ແວ່ນເພີ່ມຈໍານວນໜຶ່ງ ເຊິ່ງສ່ວນໜຶ່ງແມ່ນເກີດມາຈາກການຮຽນອອນລາຍເປັນເວລາດົນ ເຊິ່ງເຮັດໃຫ້ເດັກນ້ອຍນັກຮຽນ ຢູ່ກັບໜ້າຈໍຄອມຫຼາຍຂຶ້ນຈົນສາຍຕາເພີ່ມຫຼາຍຂຶ້ນອີກດ້ວຍ.

ເຮົາຈະມີວິທີປົກປ້ອງສາຍຕາແນວໃດ?

ຜູ້ຊ່ຽວຊານໄດ້ໃຫ້ຄໍາແນະນໍາວ່າ ການພັກສາຍຕາ ແລະ ກະພິບຕາຫຼາຍໆເທື່ອ ລວມໄປເຖິງການຈັດວາງອຸປະກອນອິເລັກໂທນິກໃຫ້ຖືກບ່ອນ ລ້ວນແຕ່ຊ່ວຍປົກປ້ອງສາຍຕາໄດ້ ໂດຍການພັກສາຍຕາຈາກໜ້າຈໍ ດ້ວຍການເບິ່ງໄກໆຢ່າງໜ້ອຍ 3 ແມັດ ເປັນເວລາ 20 ວິນາທີເຖິງ 20 ນາທີ.

ດຣ.ເວສລີ ຊົງ ແນະນໍາວ່າ ການຕັ້ງໜ້າຈໍຄອມ 5-40 ອົງສາ ຕໍ່າກວ່າລະດັບສາຍຕາຂອງຕົນເອງ ແລະ ຕັ້ງໜ້າຈໍໃຫ້ຫ່າງອອກໄປ 0,61 ແມັດ ຈະເປັນລະດັບທີ່ເໝາະສົມ ແລະ ສະບາຍຕາ, ລໍາຄໍ ຫຼາຍທີ່ສຸດ ແລະ ຄວນພາຕົນເອງອອກໄປຍືດເສັ້ນຍືດສາຍພ້ອມ.

ດຣ.ນາຕາຊາ ລິມ ເຈົ້າຂອງຄຣີນິກສາຍຕາ ລະບຸວ່າ ເມື່ອເຮົາໃຊ້ຄອມພິວເຕີ ຫຼື ໂທລະສັບ ອັດຕາການການກະພິບຕາຈະຫຼຸດລົງຈາກປົກກະຕິທຸກໆ 15 ວິນາທີ ກາຍມາເປັນ 2-3 ນາທີແທນ, ດັ່ງນັ້ນ ຄົນທີ່ຕ້ອງນັ່ງເຮັດວຽກກັບຈໍູຄອມເປັນດວລາດົນ ຄວນເຕືອນຕົວເອງໃຫ້ກະພິບຕາຢູ່ເລື້ອຍໆ ລວມທັງຄວນໃຊ້ນໍ້າຕາທຽມຢອດຕາເພື່ອເີ່ມຄວາມຊຸມຊື່ນ ແລະປັກປ້ອງກະຈົກຕາ ເພາະການທີ່ປ່ອຍໃຫ້ຕາແຫ້ງ ຈະເຮັດໃຫ້ເບິ່ງເຫັນພາບຊ້ອນໄດ້.

ທີ່ມາ ໄທຣັດ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...