ມະາຫວິທະຍາໄລແຫ່ງຊາດໄດ້ປະກາດຮັບສະໝັກນັກສຶກສາ ສົກຮຽນ 2018-2019 ໂດຍການຮັບສະໝັກທາງອອກນໄລນ໌ ມາແຕ່ວັນທີ 16 ກໍລະກົດ 2018 ແລະ ຈະນຳເນີນຈົນເຖິງວັນທີ 22 ສິງຫາ 2018ນີ້. ສ່ວນການສອບເສັງຕົວຈິງແມ່ນມີຂຶ້ນໃນວັນທີ 25 ສິງຫາ 2018ນີ້, ດັ່ງນັ້ນກ່ອນຈະເຂົ້າຫ້ອງເສັງມີບາງເລື່ອງທີ່ນ້ອງໆຄວນຮັບຮູ້ໄວ້

1. ຫ້າມນັກສຶກສາຂອງ ມຊ ທີ່ກຳລັງຮຽນຢູ່ແຕ່ລະຄະນະວິຊາ ສະໝັກສອບເສັງເດັດຂາດ.
2. ຫ້າມນຳເອົາປື້ມຕຳລາຮຽນ, ສຳເນົາສູດຄິດໄລ່ ຫຼື ບົດຄຳຕອບ, ອປະກອນເອເລັກໂທຣນິກ (ໂທລະສັບມືຖື, ເຄື່ອງຄິດເລກ, ໂມງດິຈີຕອນ, ບັນທັດທີ່ມີສູດຄິດໄລ່ ແລະ ອື່ນໆ) ເຂົ້າໃນຫ້ອງສອບເສັງ ຜູ້ລະເມີດຈະຖືກຕັດສິດສອບເສັງ, ສຳລັບອຸປະກອນທີ່ຢຶດມາໄດ້ຄະນະກຳມະການຈະສົ່ງຄືນພາຍຫຼັງສິ້ນສຸດການສອບເສັງ.
3. ຫ້າມໃສ່ເລກລະຫັດບັດເຂົ້າຫ້ອງເສັງຂອງຄົນອື່ນ ຫຼື ປ່ຽນແທນກັນ ມາເສັງແທນົນອື່ນ ໃສ່ເຄື່ອງໝາຍ ຫຼື ສັນຍາລັກຕ່າງໆໃສ່ເຈ້ຍຄຳຕອບ.
4. ຫ້າມຖືອາວຸດ ຫຼື ຂອງມີຄົມທຸກຊະນິດ, ສານເຄມີທີ່ຮ້າຍແຮງເຂົ້າຫ້ອງສອບເສັງ,​ເຊິ່ງອາດຈະນຳມາເປັນເຄື່ອງມືໃນການກໍ່ຄວາມບໍ່ສະຫງົບ ຫຼື ທຳຮ້າຍຮ່າງກາຍຄົນອື່ນ.
5. ຫ້າມກ່າຍໝູ່ ຫຼື ເອົາໃຫ້ໝູ່ກ່າຍ ແລະ ໃຊ້ສັນຍານຕ່າງໆທີ່ເປັນເຄື່ອງມືທຈະລິດໃນການສອບເສັງ.
6. ຫ້າມເວົ້າ, ສົນທະນາ ລື ສົ່ງສຽງດັງໃນເວລາສອບເສັງ, ຫ້າມນຳເຄື່ອງກິນ ແລະ ເຄື່ອງດື່ມເຂົ້າໃນຫ້ອງສອບເສັງ.
7. ຫ້າມອອກຈາກຫ້ອງໃນເວລາສອບເສັງຢູ່ຍົກເວັ້ນກໍລະນີຈຳເປັນ, ແຕ່ຕ້ອງໄດ້ຮັບອະນຸຍາດ ແລະ ມີກຳມະການຕິດຕາມໄປນຳ.
8. ຫ້າມອອກມາຈາກຫ້ອງຈົນກວ່າຈະໝົດເວລສອບເສັງ ເຖິງແມ່ນວ່າຜູ້ສອບເສັງຈະຕອບສຳເລັດແລ້ວກໍ່ຕາມ.
9. ຫ້າມສືບຕໍ່ໝາຍຄຳຕອບເື່ອໄດ້ຮັບສັນຍານໝົດເວລາ ແລະ ຕ້ອງຂວ້ຳເຈ້ຍຄຳຕອບໄວ້ເທິງໜ້າໂຕະຂອງຕົນ.
10. ຫ້າມນຳເອົາບົດສອບເສັງ ແລະ ເຈ້ຍທກຊະນິດອອກຈາກຫ້ອງສອບເສັງ.

ໝາຍເຫດ: ຜູ້ລະເມີດຂໍ້ກຳນົດ (ຂໍ້ຫ້າມ) ສະບັບນີ້ຈະຖືກຕັກເຕືອນ ຫຼື ຕັດສິດໃນການສອບເສັງທັນທີ.

ແຫ່ງຂ່າວ:​ http://entrance.nuol.edu.la ແລະ ຂ່າວເສດຖະກິດ-ການຄ້າ