spot_img
Homeຂ່າວພາຍ​ໃນ​ເຈົ້າ​ຄອງນ​ະ​ຄອນຫຼວງວຽງ​ຈັນພົບ​ປະຜູ້​ວ່ານະ​ຄອນຫຼວງບາງກອກຫາ​ລື​ການ​ຮ່ວມ​ມື​ໃນ​ອ​​ະ​ນາ​ຄົດ

​ເຈົ້າ​ຄອງນ​ະ​ຄອນຫຼວງວຽງ​ຈັນພົບ​ປະຜູ້​ວ່ານະ​ຄອນຫຼວງບາງກອກຫາ​ລື​ການ​ຮ່ວມ​ມື​ໃນ​ອ​​ະ​ນາ​ຄົດ

Published on

ໃນ​ວັນ​ທີ 19 ພຶດ​ສະ​ພາ 2023 ທີ່​ນະ​ຄອນຫຼວງ​ບາງກອກ ລາ​ຊະ​ອາ​ນາ​ຈັກ​ໄທ ທ່ານ ອາ​ດ​ສະ​ພັງ​ທອງ ສີ​ພັນ​ດອນ ເຈົ້າ​ຄອງ​ນະ​ຄ​ອ​ນຫຼວງວຽງ​ຈັນ ພ້ອ​ມ​ຄະ​ນະ ເຂົ້າ​ພົບ​ປະ ທ່ານ ຊັດ​ຊາດ ສິດ​ທິ​ພັນ ຜູ້​ວ່າ​ນະ​ຄອນຫຼວງບ​າງ​ກອກ ພ້​ອມ​ຄະ​ນະ ເພື່ອ​ຫາ​ລື​ການ​ຮ່ວມ​ມື​​ລະ​ຫວ​່າງ​ສອງ​ຝ່າຍໃນ​ອ​ະ​ນາ​ຄົດ.

ການພົບປະຄັ້ງດັ່ງກ່າວ ທ່ານເຈົ້າຄອງນະຄອນຫຼວງວຽງຈັນ ໄດ້ແລກປ່ຽນກັນ 3 ປະເດັນ ໄດ້ແກ່ ການສຶກສາ ສາທາລະນະສຸກ ແລະ ການທ່ອງທ່ຽວ ນອກຈາກນີ້ ຍັງໄດ້ຫາລືເພີ່ມເຕີມກ່ຽວກັບລາຍລະອຽດ ໂຄງການພາຍໃຕ້ບົດບັນທຶກການຮ່ວມມືລະຫວ່າງສອງຝ່າຍທີ່ໄດ້ລົງນາມ ໃນປີ 2008.

ດ້ານການສຶກສາ ທັງສອງຝ່າຍໄດ້ແລກປ່ຽນກ່ຽວກັບການສອນຂອງບຸຄະລາກອນຂອງທັງສອງນະຄອນຫຼວງ ໃນສອງປະເທດ ແລະ ລິເລີ່ມໂຄງການແລກປ່ຽນນັກຮຽນໃນສັງຄົມ ຂອງສອງຝ່າຍ ແລະ ການນໍາເຕັກໂນໂລຊີເຂົ້າມາເພີ່ມປະສິດທິພາບດ້ານການຮຽນການສອນຜ່ານສື່ເອເລັກໂຕຣນິກ (E-Learning).

ດ້ານສາທາລະນະສຸກ ແມ່ນໄດ້ແລກປ່ຽນຄວາມຮູ້ດ້ານການປະຕິບັດທີ່ດີທີ່ສຸດດ້ານ Telemedicine ຜ່ານການນໍາມາໃຊ້ໃນແອັບພລິເຄເຊິນ ແລະ ການຮ່ວມມືດ້ານການແພດກັບໂຮງຫມໍວະຊີຣະ ແລະ ການບໍລິຫານຈັດການເມືອງ (City Lab) ກັບ ມະຫາວິທະຍາໄລນະວະມິນທຣາທິຣາຊ ໂດຍມີການຈັດຕັ້ງແຜນການເຝິກຊ້ອມ Tebletop Exercise ຜ່ານວີດີໂອທາງໄກ ລະຫວ່າງບຸຄະລາກອນທາງການແພດຂອງທັງສອງນະຄອນ ເພື່ອໃຫ້ມີທັກສະ ແລະ ຄວາມພ້ອມໃນການປະຕິບັດງານ.

ດ້ານການທ່ອງທ່ຽວ ການຮ່ວມມືການທ່ອງທ່ຽວດ້ານປະຫວັດສາດ ແລະ ນະວັດຕະກໍາລະຫວ່າງ ນະຄອນຫຼວງວຽງຈັນ ແລະ ນະຄອນຫຼວງບາງກອກ ໂດຍໄດ້ແລກປ່ຽນແນວທາງການສົ່ງເສີມເສດຖະກິດກາງຄືນ (Midnight Economy) ເພື່ອເພີ່ມປະສິດທິພາບການເຕີບໂຕ ຂອງທຸລະກິດກາງຄືນ ແລະ ການສົ່ງເສີມເສດຖະກິດໃນຕົວເມືອງ ເຊັ່ນ: ການຈັດສັນພື້ນທີ່ໃນຕົວເມືອງເພື່ອຂາຍສິນຄ້າ ຫຼື ການຍົກຄຸນະພາບຂອງອາຫານຂາຍຕາມແຄມທາງໃຫ້ດີຂຶ້ນ ໃນການດຶງດູດນັດທ່ອງທ່ຽວຊາດອື່ນເຂົ້າມາ.

ແຫຼ່ງຂ່າວຈາກ ວຽງຈັນໃໝ່

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...