spot_img
Homeຂ່າວຕ່າງປະເທດອິນໂດເນເຊຍເລັ່ງຄົ້ນຫາສາເຫດເຮືອບິນໂດຍສານຕົກຢູ່ນອກຝັ່ງທະເລຂອງຈາກາຕາ

ອິນໂດເນເຊຍເລັ່ງຄົ້ນຫາສາເຫດເຮືອບິນໂດຍສານຕົກຢູ່ນອກຝັ່ງທະເລຂອງຈາກາຕາ

Published on

ສຳນັກຂ່າວຕ່າງປະເທດ ລາຍງານຈາກຈາກາຕາ ອິນໂດເນເຊຍໃນວັນທີ 10 ມັງກອນວ່າເນື່ອງຈາກຖ້ຽວບິນ SJ 182 ຂອງ Srivichai Air ເຮືອບິນໂດຍສານໂບອິງ 737-524 ທີ່ຜ່ານການໃຊ້ງານເກືອບ 27 ປີໂດຍມີຜູ້ໂດຍສານ 50 ຄົນ ແລະ ລູກເຮືອ 12 ຄົນໄດ້ປະສົບອຸບັດຕິເຫດຕົກລົງຝັ່ງທະເລຂອງເກາະ Kepulauan ພຽງ 4 ນາທີ ຫຼັງບິນຂຶ້ນສະໜາມບິນສາກົນ ຊູກາໂນ-ອັດຕາ ເຂດຊານເມືອງຈາກາຕາ ເພື່ອມຸ່ງໜ້າໄປສູ່ເມືອງປອນເຕຍນັກ ແຂວງກາລີມັນຕັນຕະເວັນຕົກ ເທິງເກາະບໍນຽວ ເມື່ອວັນເສົາທີ່ຜ່ານມາ.

ກະຊວງຄົມມະນາຄົມອິນໂດເນເຊຍ ແລະ ສຳນັກງານກູ້ໄພ ແລະ ຊອກຫາແຫ່ງຊາດ ໄດ້ອອກຖະແຫຼງການໃນວັນອາທິດນີ້ ວ່າເຈົ້າໜ້າທີ່ຈາກທຸກຂະແໜງການທີ່ກ່ຽວຂ້ອງລະດົມທຸກກຳລັງທີ່ມີຢູ່ເລັ່ງຄົ້ນຫາສາເຫດທີ່ເປັນໄປໄດ້. ໃນຕອນເລີ່ມຕົ້ນຈຸດສຸມແມ່ນການຊອກຫາພື້ນທີ່ທີ່ອາດຈະເປັນສະຖານທີ່ເກີດອຸປະຕິເຫດຂອງເຮືອບິນ ແລະ ຄົ້ນຫາສັນຍານຂອງເຄື່ອງບັນທຶກການບິນ ຫຼື ກ່ອງດຳ ເພື່ອໃຫ້ງ່າຍຕໍ່ການກຳນົດຂອບເຂດການຊອກຫາ.

ຕໍ່ມາມີລາຍງານວ່າ ພົບແຜ່ນເຫຼັກທີ່ອາດຈະເປັນຊິ້ນສ່ວນຈາກເຮືອບິນ ແລະ ເສື້ອຜ້າຟູຂຶ້ນໜ້າຜິວນໍ້າໃນບໍລິເວນທີ່ທຸກພາກສ່ວນຮ່ວມກັນຄົ້ນຫາ ເຊິ່ງເຈົ້າໜ້າທີ່ໄດ້ເຮັດການກວດສອບວ່າແມ່ນຊິ້ນສ່ວນຈາກເຮືອບິນ Srivichai Air ຫຼື ບໍ່ ໃນ​ເວ​ລາ​ດຽວ​ກັນ ລັດຖະບານອິນໂດເນເຊຍສ້າງຕັ້ງສູນປະຕິບັດງານສຸກເສີນຢູ່ຈາກາຕາ ແລະ ແຂວງກາລີມັນຕັນຕະເວັນຕົກ ເພື່ອໃຫ້ການຊ່ວຍເຫຼືອຄອບ ຄົວຂອງຜູ້ສູນຫາຍ 62 ຄົນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...