spot_img
Homeຂ່າວພາຍ​ໃນຫຼົງກິນກາເຟປະສົມສານເສບຕິດ ໝົດສະຕິເກືອບເອົາຊີວິດບໍ່ລອດ

ຫຼົງກິນກາເຟປະສົມສານເສບຕິດ ໝົດສະຕິເກືອບເອົາຊີວິດບໍ່ລອດ

Published on

ໃນປັດຈຸບັນ ບັນຫາຢາເສບຕິດເປັນໄພນາບຂູ່ມາກັບສັງຄົມ ນັບມື້ນັບຍິ່ງມີຢາເສບຕິດມາໃນຮູບແບບໃໝ່ເລື່ອຍໆ ຈຶ່ງເຮັດໃຫ້ກຸ່ມຄົນທີ່ເສບສານເສບຕິດກວ້າງຂຶ້ນ ໂດຍຢາເສບຕິດຮູບແບບໃໝ່ທີ່ບໍ່ແມ່ນພຽງແຕ່ປະເພດຢາບ້າ ກໍມີຄື: ກາເຟມ່ວນ, ຄໍລາເຈນ, ນໍ້າສະຫວັນ, ນໍ້າໃບກະທ້ອມ, ສານລະເຫີຍ ເປັນລັກສະນະແບບປູມເປົ້າ ແກັສສໍາລັບສູດດົມ ແລະ ອື່ນໆ.

ສານເສບຕິດດັ່ງກ່າວນີ້ ມີບາງກຸ່ມກໍນຳໃຊ້ດ້ວຍຄວາມຕັ້ງໃຈ ແຕ່ບາງກຸ່ມກໍຫຼົງເສບ ແບບບໍ່ຮູ້ໂຕເຊັ່ນກໍລະນີນີ້ ຖືກເຜີຍແຜ່ຜ່ານເຟສບຸກສ່ວນໂຕຂອງ ນາງ ລຳພອນ ວົງໄຊ ວ່າ: ກາເຟປະສົມສານເສບຕິດ ເມື່ອກິນຖ້າຮ່າງກາຍບໍ່ເເຂງເເຮງ ເວລາດື່ມເຂົ້າໄປຈະເຮັດໃຫ້ມີອາການຫາຍໃຈຍາກ ບໍຮູ້ສະຕິ ຂາດເລືອດໄປລໍ່ລ້ຽງຫົວໃຈ ເຮັດໃຫ້ຊອັກໝົດສະຕິ, ໂດຍຕົນແລະ ສາມີ ໄດ້ຊື້ກາເຟ ໂດຍຕອນຊື້ກິນກໍຄິດພຽງວ່າເປັນກາເຟທົ່ວໄປ ແລ້ວເອົາມາແບ່ງກັນຄົນລະເຄິ່ງຊອງ ເມື່ອກິນເຂົ້າໄປພຽງ 2 ກືນບໍ່ຮອດ 5 ນາທີກໍໝົດສະຕິແລ້ວຖືກນຳສົ່ງໂຮງໝໍ.

ແລະ ນາງ ລຳພອນ ກໍໄດ້ກ່າວຕື່ມອີກວ່າ: ກາເຟດັ່ງກ່າວໄດ້ຊື້ມາຈາກຄາຊິໂນ ແລະ ຕົນກໍປອດໄພແລ້ວ.

ທັ້ງນີ້ ຈຶ່ງຢາກມາເຕືອນທຸກຄົນ ເມື່ອໄປທ່ຽວໃນສະຖານບັນເທີງຄວນລະມັດລະວັງໃນການດື່ມສິ່ງຕ່າງໆ ເພາະທ່ານອາດບໍ່ໂຊກດີແບບນີ້ ແລະ ຍັງມີບາງກໍລະນີທີ່ເສບເກີນຂະໜາດຈົນເຮັດໃຫ້ເສຍຊີວິດ.

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...