spot_img
Homeຂ່າວທ້ອງຖິ່ນສະໜາມບິນ ອຸດົມໄຊ ຈະເປີດໃຫ້ບໍລິການໃໝ່ຕັ້ງແຕ່ມື້ນີ້ເປັນຕົ້ນໄປ

ສະໜາມບິນ ອຸດົມໄຊ ຈະເປີດໃຫ້ບໍລິການໃໝ່ຕັ້ງແຕ່ມື້ນີ້ເປັນຕົ້ນໄປ

Published on

ຫຼັງຈາກ, ລັດວິສາຫະກິດການບິນລາວ ໄດ້ອອກແຈ້ງປິດສະໜາມບິນອຸດົມໄປຊ່ວງຕົ້ນເດືອນ ກຸມພາ 2019 ຜ່ານມານີ້. ລ່າສຸດກົມການບິນພົນລະເຮືອນກໍໄດ້ອອກແຈ້ງການມາວ່າ ສະໜາມບິນດັ່ງກ່າວ, ໄດ້ສໍາເລັດການສ້ອມແປງແລ້ວ ເຊິ່ງສາຍການບິນລາວ (Lao airlines)  ແລະ ລາວເດີນອາກາດ (Laoskyway) ຈະເລີ່ມເປີດບໍລິການແຕ່ວັນທີ 22 ກຸມພາ 2019 ນີ້ເປັນຕົ້ນໄປ.

ກົມການບິນພົນລະເຮືອນ, ກະຊວງໂຍທາທິການ ແລະ ຂົນສົ່ງ ໄດ້ອອກແຈ້ງການສະບັບເລກທີ 0456/ກບພຮ, ລົງວັນທີ 20 ກຸມພາ 2019 ເຖິງຫົວໜ້າກົມທະຫານອາກາດ ກະຊວງປ້ອງກັນປະເທດ, ຫົວໜ້າກອງສະໜາມບິນລາວ, ຫົວໜ້າກອງຈະລາຈອນທາງອາກາດລາວ, ຜູ້ອໍານວຍການລັດວິສາຫະກິດການບິນລາວ ແລະ ຜູ້ອໍານວຍການລັດວິສາຫະກິດລາວເດີນອາກາດ ເລື່ອງການນໍາໃຊ້ສະໜາມບິນ ອຸດົມໄຊ ຫຼັງສໍາເລັດຈາກການສ້ອມແປງທາງແລ່ນຂຶ້ນ-ລົງຂອງເຮືອບິນ. ແຈ້ງການຍັງລະບຸວ່າຕື່ມ: ກົມການບິນພົນລະເຮືອນ ຂໍແຈ້ງມາຍັງທ່ານຊາບວ່າ ສະໜາມບິນອຸດົມໄຊ ໄດ້ສໍາເລັດການສ້ອມແປງທາງແລ່ນຂຶ້ນ-ລົງເຮືອງບິນທີ່ເປ່ເພ ແລະ ໄດ້ຜ່ານການກວດກາຈາກຄະນະກໍາມະການກວດກາແລ້ວ. ສະນັ້ນ, ຈຶ່ງເຫັນດີອະນຸມັດໃຫ້ສືບຕໍ່ເປີດນໍາໃຊ້ສະໜາມບິນອຸດົມໄຊ ເລີ່ມແຕ່ວັນທີ 22 ກຸມພາ 2019 ເປັນຕົ້ນໄປ.

ການປັບປຸງສະໜາມບິນອຸດົມໄຊ ຖືເປັນເທື່ອທີ່ສອງ ຫຼັງປີ 2017 ຜ່ານມາ, ກອງຄຸ້ມຄອງສະໜາມບິນໄດ້ອອກແຈ້ງການປິດປັບປຸງຊົ່ວຄາວໃນວັນທີ 26 ມິຖຸນາ 2017 ເຊິ່ງໄດ້ມີການກໍານົດປັບປຸງໃນລະຫວ່າງວັນທີ 1 ກໍລະກົດ ຫາວັນທີ 1 ຕຸລາ 2017, ຕໍ່ມາຕົ້ນເດືອນກຸມພາ 2019 ກໍມີແຈ້ງການປິດການນໍາໃຊ້ສະໜາມບິນຊົ່ວຄາວອີກຄັ້ງ. ປັດຈຸບັນ, ໄດ້ສໍາແລັດການສ້ອມແປງແລ້ວໂດຍພື້ນຖານ ພ້ອມຈະເປີດບໍລິການໃໝ່ໃນມື້ນີ້ເປັນຕົ້ນໄປ.

 

 

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບົວຈັນທະລັງສີ

ແຫຼ່ງຂໍ້ມູນຈາກ: laoedaily.com.la

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...