ສປປ ລາວ ຕັ້ງເປົ້າ ຍາດເອົາ 5 ຫຼຽນຄໍາ ໃຫ້ໄດ້ ຈາກງານມະຫະກໍາ ກິລາ ຊີເກມ (SEA Games) ທີ່ຈະຈັດຂຶ້ນ ໃນເດືອນພຶດສະພາ 2023 ນີ້ ທີ່ປະເທດ ກໍາປູເຈຍ.
ໃນງານຖະແຫຼງຂ່າວ ກະກຽມຄວາມພ້ອມ ຊີເກມ 2023 ທີ່ຈັດຂຶ້ນ ຢູ່ນະຄອນຫຼວງວຽງຈັນ ເມື່ອບໍ່ດົນຜ່ານມານີ້ ຮອງນາຍົກລັດຖະມົນຕີ ທ່ານ ກິແກ້ວ ໄຂຄໍາພິທູນ ໄດ້ກ່າວວ່າ ໃນຈໍານວນ 32 ກິລາ ຈາກທັງໝົດ 46 ປະເພດກິລາ ທີ່ລາວ ຈະເຂົ້າຮ່ວມແຂ່ງຂັນ, ລາວຕັ້ງເປົ້າ ຍາດໃຫ້ໄດ້ 5 ຫຼຽນຄໍາ.
ໃນກິລາຊີເກມ 2022 ຢູ່ຫວຽດນາມ ລາວ ສາມາດຍາດໄດ້ 2 ຫຼຽນຄໍາ 7 ເງິນ 32 ທອງ ຢູ່ອັນດັບທີ່ 9 ຈາກທັງໝົດ 11 ປະເທດ ທີ່ເຂົ້າຮ່ວມ.
ທີ່ມາ: Lao Youth Radio FM 90.0 Mhz