spot_img
Homeຂ່າວຕ່າງປະເທດລາຄາໂລກຄຳເພີ່ມຂຶ້ນສູງທີ່ສຸດໃນຮອບ 7 ປີ!

ລາຄາໂລກຄຳເພີ່ມຂຶ້ນສູງທີ່ສຸດໃນຮອບ 7 ປີ!

Published on

ລາຄາຄຳໂລກທຸບສະຖິຕິຂຶ້ນສູງສຸດໃນຮອບ 7 ປີ ຫຼ້າສຸດ, ມີລາຍງານວ່າ ລາຄາຄຳໂລກໃນວັນທີ 20 ກຸມພາ 2020 ໃນຕະຫຼາດໂລກປັບຕົວສູງຂຶ້ນເຖິງ 1,600 ໂດລາ/ອອນ ໂດຍປິດລາຄາການຂາຍຢູ່ທີ່ 1,609.90 ໂດລາ/ອອນ ເຊິ່ງເປັນລາຄາສູງທີ່ສຸດໃນຮອບ 7 ປີ ສົ່ງຜົນໃຫ້ລາຄາຄຳໃນລາວເພີ່ມຂຶ້ນໄປຕາມໆກັນ.

ທັງນີ້, ສຳລັບປັດໄຈທີ່ເຮັດໃຫ້ລາຄາຄຳສູງຂຶ້ນຢ່າງຕໍ່ເນື່ອງເກີດຈາກດອກເບ້ຍທົ່ວໂລກມີໂອກາດປັບຕົວຫຼຸດລົງ ໂດຍມີການເປີດເຜີຍວ່າ ລາຄາຄຳໄດ້ມີການປັບຕົວເພີ່ມຂຶ້ນນັບຕັ້ງແຕ່ທ້າຍປີ 2012 ຈົນຮອດປັດຈຸບັນ ເຊິ່ງເປັນຜົນຂ້າງຄຽງມາຈາກທະນາຄານກາງໃຫຍ່ຂອງໂລກມີວິໄສທັດໃນການທີ່ຈະປັບອັດຕາດອກເບ້ຍຫຼຸດລົງ ບໍ່ວ່າຈະເປັນທະນາຄານກາງຂອງສະຫະລັດ, ຍີ່ປຸ່ນ ຫຼື ໃນເອີຣົບ ສົ່ງຜົນໃຫ້ນັກລົງທຶນບໍ່ກ້າເຂົ້າມາລົງທຶນໃນຫຸ້ນ ແລະ ເລືອກລົງທຶນໃນຄຳແທນ ເພື່ອສ້າງກຳໄລໃນໄລຍະສັ້ນ.

ລາຄາຄຳໃນຕະຫຼາດບ້ານເຮົາປະຈຳວັນທີ 21 ກຸມພາ 2020 ມີການຂາຍຢູ່ທີ່ 1 ບາດ 7.459.000 ກີບ ແລະ 1 ສະລຶງຂາຍ 1.869.000 ກີບ.

ໃນຂະນະທີ່ຜົນກະທົບຈາກການແພ່ລະບາດຂອງເຊື້ອໄວຣັດໂຄໂຣນາ ຕໍ່ເສດຖະກິດໂລກ ສົ່ງຜົນໃຫ້ຄົນຫັນມາລົງທຶນກັບຄຳຫຼາຍຂຶ້ນ ເພາະເປັນຊັບສິນປອດໄພ. ນອກຈາກນີ້, ຍັງມີປັດໄຈເລື່ອງຄ່າເງິນບາດທີ່ອ່ອນລົງ ຄວາມຮຸນແຮງຂອງສົງຄາມການຄ້າລະຫວ່າງຈີນ-ສະຫະລັດ ແລະ ສະຖານະການຄວາມຂັດແຍ້ງໃນຕະເວັນອອກກາງ ທີ່ເປັນແຮງຈູງໃຈທີ່ເຮັດໃຫ້ລາຄາຄຳເພີ່ມສູງຂຶ້ນອີກດ້ວຍ.

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...