spot_img
Homeຂ່າວທ້ອງຖິ່ນລາຄາຄໍາຢູ່ລາວສູງເປັນປະຫວັດສາດເກືອບ 8 ລ້ານກີບຕໍ່ໜຶ່ງບາດ

ລາຄາຄໍາຢູ່ລາວສູງເປັນປະຫວັດສາດເກືອບ 8 ລ້ານກີບຕໍ່ໜຶ່ງບາດ

Published on

ໜັງສືພິມວຽງທາມ ລາຍງານໃຫ້ຮູ້ວ່າ ໃນວັນທີ 2 ມິຖຸນາ ທີ່ຜ່ານມາ ລາຄາຕະຫຼາດຄໍາຢູ່ລາວໃນປັດຈຸບັນສູງເປັນປະຫວັດສາດເກືອບ 8 ລ້ານກີບຕໍ່ໜຶ່ງບາດ. ລາຄາຄໍາມື້ນີ້ ວັນທີ 9 ມິຖຸນາ 2020 ແມ່ນ 7.779.000 ກີບ ໂດຍລາຄາຄໍາທີ່ສູງນີ້ ແມ່ນນັບແຕ່ເດືອນ ພຶດສະພາ 2020 ນີ້ເປັນຕົ້ນມາ ຄືປະມານ 7.700.000 ຫາ 7.800.000 ຕໍ່ບາດ ຫຼັງຈາກທີ່ບັນດາຮ້ານຄໍາຕ່າງໆ ໄດ້ເລີ່ມເປີດບໍລິການ ພາຍຫຼັງທີ່ໄດ້ປິດກິດຈະການມາ ເປັນເວລາ 1 ເດືອນ ຄືໃນເດືອນເມສາ ຍ້ອນມາດຕະການປ້ອງກັນພະຍາດໂຄວິດ-19.

ໃນໄລຍະ 3 ເດືອນຕົ້ນປີຄືເດືອນ ມັງກອນ ຫາ ເດືອນ ມີນາ 2020 ລາຄາຄໍາມີພຽງແຕ່ 7.000.000 ຫາ 7.200.000 ກີບ ຕໍ່ບາດເທົ່ານັ້ນ.

ທ່ານ ຈັນທະວົງ ພະມີສິດ ຜູ້ບໍລິຫານຮ້ານຄໍາແຫ່ງໜຶ່ງໄດ້ກ່າວວ່າ ສາເຫດທີ່ໄດ້ເຮັດໃຫ້ລາຄາຄໍາສູງຂຶ້ນຍ້ອນວ່າ: ຄໍາເປັນຊັບສິນໝູນວຽນລະຫວ່າງປະເທດ ແລະ ທຸກໆປະເທດໃນໂລກນີ້ແມ່ນໃຊ້ຄໍາເປັນໂຕຮັບປະກັນຄວາມສ່ຽງເລື່ອງອັດຕາເງິນເຟີ້ ແລະ ຄໍາເປັນທຶນສໍາຮອງລະຫວ່າງປະເທດ, ເຊິ່ງປະຈຸບັນຄວາມຕ້ອງການຄໍາແມ່ນສູງຍ້ອນຄວາມບໍ່ແນ່ນອນຂອງສະພາບການແຜ່ລະບາດຂອງພະຍາດໂຄວິດ-19, ຍ້ອນສົງຄາມການຄ້າລະຫວ່າງ ປະເທດມະຫາອໍານາດ. ດັ່ງນັ້ນ, ເຮັດໃຫ້ຊັບສິນທີ່ມີຄ່ານີ້ ຍິ່ງມີຄວາມຕ້ອງການຫຼາຍຂຶ້ນ ແລະ ອີກບັນຫາໜຶ່ງ ໃນໄລຍະມີມາດຕະການປ້ອງກັນການແຜ່ລະບາດຂອງພະຍາດໂຄວິດ -19 ໄດ້ເຮັດໃຫ້ການສົ່ງອອກສິນຄ້າຢູ່ລາວຈໍານວນໜຶ່ງໄດ້ຢຸດສະງັກໄປ ແຕ່ລາວເຮົາຍັງມີການນໍາເຂົ້າສິນຄ້າຈາກຕ່າງປະເທດຫຼາຍກວ່າສົ່ງອອກ, ເຊິ່ງໄດ້ເຮັດໃຫ້ຄ່າເງິນກີບຂອງລາວໄດ້ອ່ອນຄ່າລົງເລັກນ້ອຍ ເມື່ອເປັນແນວນັ້ນ ຖ້າເຮົາເອົາເງິນກີບຊື້ຄໍາ ລາຄາຄໍາກໍ່ສູງຂຶ້ນນັ້ນເອງ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...