spot_img
Homeຂ່າວພາຍ​ໃນລັກຊັບພົນລະເມືອງ ໄປບໍ່ລອດຖືກເຈົ້າໜ້າທີ່ຕໍາຫຼວດ ຈັບມາດໍາເນີນຄະດີ

ລັກຊັບພົນລະເມືອງ ໄປບໍ່ລອດຖືກເຈົ້າໜ້າທີ່ຕໍາຫຼວດ ຈັບມາດໍາເນີນຄະດີ

Published on

ເຈົ້າໜ້າທີ່ວິຊາສະເພາະ ປກສ ເມືອງຄໍາເກີດ ແຂວງບໍລິຄໍາໄຊ ໃຫ້ຮູ້ວ່າ: ໃນວັນທີ 16 ທັນວາ 2022 ທີ່ຜ່ານມາ ສາມາດກັກຕົວຜູ້ຖືກຫາທີ່ກະທໍາຜິດ ໃນຂໍ້ຫາລັກຊັບພົນລະເມືອງໄດ້ 01 ຄົນ ຄື: ທ້າວ ຈິດຕະກອນ ໂສລັດຕະນະວົງ ອາຍຸ 23 ປີ, ປະຊາຊົນ ບ້ານໂພນໄຊ ເມືອງຄໍາເກີດ ແຂວງບໍລິຄໍາໄຊ ມາສືບສວນ-ສອບສວນ ເຊີ່ງຜູ້ຖືກຫາໄດ້ຮັບສາລະພາບຕໍ່ເຈົ້າໜ້າທີ່ວ່າ: ໃນໄລຍະຜ່ານມາຜູ້ກ່ຽວແມ່ນເຄື່ອນໄຫວລັກຊັບມາແລ້ວ ຈໍານວນ 4 ຄັ້ງ ແລະ ແຕ່ລະຄັ້ງທີ່ຈະລົງມືແມ່ນໄດ້ຕິດຕາມການເຄື່ອນໄຫວຂອງເປົ້າໝາຍ ເປັນເວລາ 01 ວັນ.

อาจเป็นรูปภาพของ 5 คน, ผู้คนกำลังยืน และ สถานที่ในร่ม

ຄັ້ງທີ 1 ແລະ ຄັ້ງທີ 2 ໃນໄລຍະກາງປີ 2022 ແມ່ນໄດ້ກໍ່ເຫດລັກຊັບຢູ່ຮ້ານຂາຍເຄື່ອງປະດັບ, ຮ້ານຊື້-ຂາຍ ເງິນ-ຄໍາ ພາຍໃນຕະຫຼາດແສນອຸດົມ ເມືອງຄໍາເກີດ ແຂວງບໍລິຄໍາໄຊ ໂດຍໃຊ້ຄີມ ແລະ ໄຂຄວງ ເຈາະເພດານແລ້ວປີນຂື້ນຕາມໂຄງເຫຼັກ ແລ້ວລົງສູ່ຮ້ານ ໄດ້ເອົາສາຍຄໍຄໍາ ປະມານ 30 ກວ່າເສັ້ນ, ສາຍແຂນຄໍາ 8 ເສັ້ນ, ແຫວນສີເຫຼືອງ 15 ວົງ, ປອກຂາຄໍາ 1 ເສັ້ນ, ສາຍແຂນເງິນ ປະມານ 3 ເສັ້ນ ແລະ ເງິນສົດ 2.900.000 ກີບ. 02 ວັນຕໍ່ມາ ໄດ້ນໍາເອົາວັດຖຸທີ່ລັກໄປນັ້ນ ໄປຂາຍຢູ່ຮ້ານຂາຍຄໍາ ແຫ່ງໜື່ງໃນ ນະຄອນຫຼວງວຽງຈັນ ໄດ້ເງິນຈໍານວນ 28.000.000 ກີບ, ແລະ ວັດຖຸຈໍານວນໜື່ງ ແມ່ນເປັນຂອງປອມຈີ່ງບໍ່ໄດ້ຂາຍ, ແລະ ເງິນຈໍານວນດັ່ງກ່າວແມ່ນໃຊ້ຈ່າຍຈົນໝົດ.

อาจเป็นรูปภาพของ 5 คน, ผู้คนกำลังยืน และ สถานที่ในร่ม

ຄັ້ງທີ 3: ໃນເວລາປະມານ 23 ໂມງ ຂອງວັນທີ 23 ພະຈິກ 2022 ໄດ້ກໍ່ເຫດລັກຊັບ ຢູ່ຮ້ານຊື້ຂາຍເງິນ-ຄໍາ ເພັນ ກີມເຮີຍ ບ້ານຫຼັກ20 ເມືອງຄໍາເກີດ ດ້ວຍການປີນຂື້ນຕາມຄອມແອ ເຂົ້າຊ່ອງວ່າງເທິງເພດານແລ້ວໃຊ້ໄຂຄວງ ແລະ ສີ່ວເຈາະເພດານເປັນຮູພໍຫຼົມໂຕ ແລ້ວລອດລົງໄປໃນຮ້ານ ໄດ້ລັກເອົາ ສາຍແຂນຄໍາປະມານ 10 ເສັ້ນ, ຕ້າງຫູຄໍາປະມານ 10 ຄູ່, ແຜ່ນຄໍາປະມານ 5 ແຜ່ນນ້ອຍ, ເງິນຈໍານວນ 25.000.000 ກີບ, ແລ້ວ 3 ວັນຕໍ່ມາ ຜູ້ກ່ຽວໄດ້ນໍາເອົາຄໍາຈໍານວນດັ່ງກ່າວມາຈູດເພື່ອຫຼອມໃຫ້ເປັນກ້ອນດຽວຈົນສໍາເລັດ, 03 ວັນຕໍ່ມາຜູ້ກ່ຽວ ໄດ້ນໍາເອົາຄໍາຈໍານວນນັ້ນໄປຂາຍຢູ່ ນະຄອນຫຼວງວຽງຈັນ ໄດ້ເງິນສົດຈໍານວນ 26.000.000 ກີບ ແລ້ວນໍາໄປໄຊ້ຈ່າຍຈົນໝົດ.

ຄັ້ງທີ 4: ໃນເວລາປະມານ 22 ໂມງ ຂອງວັນທີ 10 ທັນວາ 2022 ຜູ້ກ່ຽວໄດ້ກໍ່ເຫດລັກຊັບ ໂດຍໃຊ້ມີດງັດປະຕູ ແລະ ເຫຼັກກັນຂະໂມຍທາງດ້ານຫຼັງຂອງຮ້ານ ຂອງນາງ ສຸກັນດາ ທີ່ຢູ່ດ້ານນອກຂອງຕະຫຼາດແສນອຸດົມ ເມື່ອເຂົ້າໄປໄດ້ ຜູ້ກ່ຽວໄດ້ລັກເອົາສາຍຄໍເງິນ ປະມານ 10 ກວ່າເສັ້ນ, ສາຍແຂນເງິນ ປະມານ 7 ເສັ້ນ, ແຫວນເງິນ ປະມານ 20 ວົງ, ເງິນ ບາດ 1.020 ບາດ, ເງິນກີບ 175.000 ກີບ ສໍາເລັດແລ້ວຈີ່ງໄດ້ກັບອອກມາທາງເກົ່າ ແລ້ວ ສືບຕໍ່ລັກຊັບທີ່ຮ້ານຂາຍຄໍາ ຂອງທ້າວຄໍານຸ່ນ ທີ່ຢູ່ໃກ້ກັນກັບຮ້ານ ນາງ ສຸກັນດາ ໂດຍໃຊ້ມີດງັດເງະທາງຊ່ອງດູດອາກາດຫ້ອງນໍ້າ ແລ້ວປີນເຂົ້າໄປລັກເອົາຊັບສິນມີຄ່າຄື: ເງິນກີບຫົວໜາມ 37 ກີບ, ເງິນຝັກ 5 ຝັກ, ເຕົ້າປູນ 2 ອັນ, ພະ 3 ອົງ, ຊີ້ນສ່ວນຂອງເງິນ ປະມານ 3 ກິໂລ ເມື່ອສໍາເລັດກໍ່ໄດ້ກັບອອກມາທາງເກົ່າແລ້ວ ກັບຄືນເມືອເຮືອນຂອງຜູ້ກ່ຽວເຮັດຄືບໍ່ມີຫຍັງເກີດຂື້ນ. ຕົກມາຮອດ ວັນທີ 16 ທັນວາ 2022 ໃນລະຫວ່າງທີ່ຜູ້ກ່ຽວ ນໍາເອົາ ວັດຖຸມີຄ່າ ໄປສະກັດເພື່ອເອົາຄໍາອອກຈາກເງິນ ຢູ່ທີ່ຮ້ານແຫ່ງໜື່ງພາຍໃນເມືອງ ຄໍາເກີດ ເມືອເຫັນດັ່ງນັ້ນເຈົ້າຂອງຮ້ານຈີ່ງມີຄວາມສົງໃສ ແລະ ບອກວ່າບໍ່ວ່າງ ຖ້າຈະສະກັດຕ້ອງແມ່ນມື້ຕໍ່ໄປ ຈາກນັ້ນ ກໍ່ໄດ້ແຈ້ງເຈົ້າໜ້າທີ່ເພື່ອຊາບ, ຕົກມາຮອດເວລາປະມານ 19 ໂມງຂອງວັນດຽວກັນ ເຈົ້າໜ້າທີ່ວິຊາສະເພາະຈີ່ງໄດ້ນໍາກໍາລັງໄປກັກຕົວຜູ້ກ່ຽວ ມາດໍາເນີນຄະດີຕາມກົດໝາຍ.

อาจเป็นรูปภาพของ 3 คน

ແຫຼ່ງຂ່າວ ປກສ ບໍລິຄຳໄຊ

ບົດຄວາມຫຼ້າສຸດ

ໂຫດຮ້າຍ! ຊາຍຊາວຈີນຖືກປະຕິເສດຮ່ວມຮັກກັບສາວປະເພດສອງຈຶ່ງລົງມືຄາຕະກຳສຸດໂຫດ

ຊາຍຊາວຈີນກໍ່ເຫດຄາຕະກຳສາວປະເພດສອງຢ່າງໂຫດຫ້ຽມ ທີ່ຈັງຫວັດຊົນບູລີ ປະເທດໄທ ສຳນັກຂ່າວຕ່າງປະເທດລາຍງານໃນວັນທີ 26 ເມສາ 2025, ເຈົ້າໜ້າທີ່ຕຳຫຼວດເມືອງພັດທະຍາ  ໄດ້ຮັບແຈ້ງເຫດຄາຕະກຳ ພາຍໃນອາພາດເມັ້ນແຫ່ງໜຶ່ງ ຢູ່ອຳເພີບາງລະມຸງ ຈັງຫວັດຊົນບູລີ ຫຼັງໄດ້ຮັບແຈ້ງລາຍງານ ຈຶ່ງນຳກຳລັງກອງພິສູດຫຼັກຖານ ແລະ...

ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບ ປະທານປະເທດ ແຫ່ງ ສສ ຫວຽດນາມ

ນາຍົກລັດຖະມົນຕີ ພົບປະກັບ ປະທານປະເທດ ແຫ່ງ ສສ ຫວຽດນາມ ໃນຕອນບ່າຍວັນທີ 25 ເມສາ 2025 ຢູ່ຫ້ອງວ່າການສໍານັກງານນາຍົກລັດຖະມົນຕີ, ສະຫາຍ ສອນໄຊ ສີພັນດອນ ນາຍົກລັດຖະມົນຕີ...

ຂ່າວດີ! ສປປ ລາວ ຫາລືກຽມອອກຈາກສະຖານະພາບ ປະເທດດ້ອຍພັດທະນາ ໃນປີ 2026

ຂ່າວດີໃນປີໜ້າ! ສປປ ລາວ ຫາລືກຽມອອກຈາກສະຖານະພາບ ປະເທດດ້ອຍພັດທະນາ ກະຊວງການຕ່າງປະເທດ ຈັດກອງປະຊຸມຄະນະຊີ້ນໍາລະດັບຊາດ ເພື່ອຈັດຕັ້ງປະຕິບັດແຜນດໍາເນີນງານຂອງ ສປຊ ສໍາລັບປະເທດດ້ອຍພັດທະນາ ໃນວັນທີ 24 ເມສາ 2025 ໂດຍການເປັນປະທານຂອງ...

ປະທານປະເທດ ລາວ ແລະ ຫວຽດນາມ ຮ່ວມເປັນສັກຂີພິຍານ ໃນພິທີລົງນາມເອກະສານສຳຄັນ ຈໍານວນ 03 ສະບັບ

ລາວ-ຫວຽດນາມ ສືບຕໍ່ຮັດແໜ້ນສາຍພົວພັນແບບພິເສດ ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ, ສະຫາຍ...