spot_img
Homeຂ່າວພາຍ​ໃນທ່ານອາຊາງ ລາວລີ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊຍະບູລີ

ທ່ານອາຊາງ ລາວລີ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊຍະບູລີ

Published on

wed25sep6

ໃນລະຫວ່າງວັນທີ22- 23 ກັນຍາ 2013 ທ່ານອາ ຊາງ ລາວລີ ຮອງນາຍົກລັດ ຖະມົນຕີ, ຜູ້ຊີ້ນຳວຽກງານວັດ ທະນະທຳ-ສັງຄົມພ້ອມ ດ້ວຍຄະນະໄດ້ເດີນທາງ ເຄື່ຶອນໄຫວ, ຊຸກຍູ້ ແລະ ຕິດ ຕາມການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຢູ່ແຂວງໄຊຍະບູລີ. ໂດຍໄດ້ຮັບການຕ້ອນຮັບ ຢ່າງອົບອຸ່ນຈາກການນຳຂອງ ແຂວງ.
ໃນໂອກາດດັ່ງກ່າວທ່ານ ຮອງນາຍົກລັດຖະມົນຕີພ້ອມ ດ້ວຍຄະນະກໍ່ໄດ້ຮັບຟັງການ ລາຍງານສະພາບພົ້ນເດັ່ນໃນ ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ 11
ເດືອນຂອງແຂວງ ໂດຍ ທ່ານ  ດຣ ລຽນ ທິແກ້ວ ເຈົ້າແຂວງ ໄຊຍະບູລີ ເຊິ່ງທົ່ວແຂວງຍັງ ຮັກສາໄດ້ສະຖຽນລະພາບ ທາງດ້ານການເມືອງອັນໝັກ ແໜ້ນ, ມີຄວາມສະຫງົບປອດ ໄພ ແລະ ມີຄວາມເປັນລະ ບຽບຮຽບຮ້ອຍໃນສັງຄົມ, ອັນ
ເປັນພື້ນຖານອັນດີໃຫ້ແກ່ ການພັດທະນາເສດຖະກິດ-ສັງຄົມ ແລະ ການແກ້ໄຂ ຄວາມທຸກຍາກຂອງປະຊາ ຊົນນັບມື້ນັບດີຂຶ້ນ.ລວມຍອດ ຜະລິດຕະພັນພາຍໃນບັນລຸ 5.200 ກວ່າຕື້ກີບ, ອັດຕາ ການເຕີບໂຕຂອງເສດຖະກິດ ບັນລຸ 10%, ລາຍຮັບສະເລ່ຍ  ບັນລຸ 1.850 ໂດລາຕໍ່ຄົນຕໍ່ປີ ລຶ່ນຄາດໝາຍທີ່ວາງໄວ້.ພ້ອມດຽວກັນນັ້ນ,ກໍ່ໄດ້ຮັບຟັງ ສະພາບການປະຕິບັດລາຍ ຮັບ-ລາຍຈ່າຍງົບປະມານ ຂອງລັດ, ການສົ່ງອອກ-ນຳ ເຂົ້າ, ສະພາບການລົງທຶນ ເປັນຕົ້ນການຈັດຕັ້ງປະຕິບັດ ການລົງທຶນຂອງລັດ, ການຜະ
ລິດກະສິກຳ,ສະບຽງອາຫານ, ລ້ຽງສັດ ໂດຍຕິດພັນກັບການ ປຸງແຕ່ງ ແລະ ສົ່ງອອກໄດ້ມີ ການຂະຫຍາຍຕົວ, ການປັກ
ດຳເຂົ້ານາປີບັນລຸຕາມລະ ດັບຄາດໝາຍ. ການຜະລິດ ກະສິກຳເປັນສິນຄ້າສ່ວນໃຫຍ່ໄດ້ບັນລຸຕາມແຜນທີ່ ວາງໄວ້. ພື້ນຖານໂຄງລ່າງໄດ້ ຮັບການແກ້ໄຂໂດຍພື້ນຖານ,  ມີເສັ້ນທາງລົດເຂົ້າເຖິງແລ້ວ  99% ຂອງບ້ານທັງໝົດ. ຂະ ຫຍາຍຕາຂ່າຍໄຟຟ້າໄປເຖິງ ທຸກໆເມືອງ 88% ຂອງຈຳ ນວນຄອບຄົວທັງໝົດ. ພ້ອມ ນັ້ນ, ຍັງໄດ້ສຸມໃສ່ກໍ່ສ້າງລະ ບົບນ້ຳປະປາສຳເລັດ 8 ຕົວ ເມືອງ. ວຽກງານຄຸນນະພາບ ການສຶກສາ ແລະ ສາທາລະ ນະສຸກ ໄດ້ມີການຂະຫຍາຍ ຕົວສະແດງອອກຈາກອັດຕາ ການເຂົ້າຮຽນເພີ່ມຂຶ້ນໄດ້ເອົາ ໃຈໄສ່ຄຸ້ມຄອງແຮງງານຕ່າງ ປະເທດໃຫ້ເຂົ້າສູ່ລະບຽບຫຼັກ ການ, ສູ້ຊົນປະຕິບັດເປົ້າໝາຍ ສະຫັດສະຫວັດດ້ານການ ພັດທະນາໄດ້ມີຜົນສຳເລັດ ຈຳນວນໜຶ່ງ, ວຽກງານການ ກໍ່ສ້າງຮາກຖານການເມືອງ  ພັດທະນາຊົນນະບົດຮອບ ດ້ານ ແລະ ລຶບລ້າງຄວາມທຸກ
ຍາກ. ຄຽງຄູ່ກັບຜົນສຳເລັດທີ່ ພົ້ນເດັ່ນ, ທ່ານເຈົ້າແຂວງຍັງ ໄດ້ຍົກບາງຂໍ້ຄົງຄ້າງທີ່ຈະ ຕ້ອງໄດ້ເອົາໃຈໃສ່ແກ້ໄຂ ລວມທັງທິດທາງ, ຄາດໝາຍ
ລວມແຕ່ນີ້ຮອດປີ 2014.
ຈາກນັ້ນທ່ານຮອງນາຍົກ
ລັດຖະມົນຕີກໍ່ໄດ້ສະແດງ ຄວາມຊົມເຊີຍ ແລະ ຕີລາ ຄາສູງຕໍ່ຜົນງານທີ່ແຂວງສາ ມາດຍາດມາໄດ້ ພ້ອມທັງໃຫ້ ທິດຊີ້ນຳບາງບັນຫາທີ່ຕ້ອງ ໄດ້ເອົາໃຈໃສ່ຄື: ສືບຕໍ່ເສີມ ຂະຫຍາຍວຽກງານການປ້ອງ ກັນຊາດ-ປ້ອງກັນຄວາມສະ ຫງົບພາຍໃນແຂວງ, ແກ້ໄຂ ບັນຫາຫຍໍ້ທໍ້ຕ່າງໆ,ຫ້າມການ ທຳລາຍປ່າສະຫງວນ-ປ່າ ປ້ອງກັນ, ແຂວງ-ເມືອງຕ້ອງ ເອົາໃຈໃສ່ກວດກາຢ່າງເຂັ້ມ ງວດໃນການຕັດໄມ້. ນອກ ນັ້ນ, ທ່ານຍັງໄດ້ເນັ້ນໜັກຕື່ມ ຕໍ່ການດຶງດູດການທ່ອງທ່ຽວ ດ້ວຍຫຼາຍຮູບຫຼາຍແບບຫຼາຍ ວິທີ ລວມທັງສ້າງຄວາມສາ ມາດໃຫ້ພະນັກງານນຳທ່ຽວ ພ້ອມທັງລະດົມໃຫ້ບໍລິສັດ  ທັງພາຍໃນ ແລະ ຕ່າງປະເທດ  ມາລົງທຶນນັບມື້ນັບຫຼາຍຂຶ້ນ   ໂດຍຕິດພັນກັບການຮັກສາ ຮີດຄອງປະເພນີອັນດີງາມ  ຂອງຊາດ ເປັນຕົ້ນ ການນຸ່ງຖື, ພາສາ. ຕໍ່ການຄຸ້ມຄອງແຮງ ງານລາວໄປຕ່າງປະເທດ ແລະ ແຮງງານຕ່າງດ້າວພາຍ ໃນແຂວງກໍ່ໃຫ້ເອົາໃຈໃສ່ ອອກທະບຽນຫຼືຂຶ້ນບັນຊີໃຫ້ ຄົບຖ້ວນ ແລະ ລະອຽດທັງ ປະຕິບັດລະບຽບກົດໝາຍ ຂອງປະເທດເຮົາ. ພ້ອມນັ້ນກໍ່ ຕ້ອງເອົາໃຈໃສ່ຄຸ້ມຄອງບັນ ຫາສິ່ງແວດລ້ອມ, ບັນຫາທີ່ ດິນ ແລະ ການຈັດຕັ້ງປະຕິບັດ  ເປົ້າໝາຍສະຫັດສະຫວັດ ດ້ານການພັດທະນາ. ຫຼັງຈາກ ພົບປະໂອ້ລົມກັບອົງການປົກຄອງແຂວງແລ້ວທ່ານ  ຮອງນາຍົກລັດຖະມົນຕີຍັງ ໄດ້ລົງຕິດຕາມຊຸກຍູ້ໂຄງການ ຕ່າງໆ ເປັນຕົ້ນໂຄງການກໍ່ ສ້າງເຂື່ອນໄຟຟ້າພະລັງນ້ຳ ຂອງ, ໂຮງງານໄຟຟ້າພະລັງ ຄວາມຮ້ອນຫົງສາ.

ທີ່ມາhttp://www.kongthap.gov.la

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...