spot_img
Homeຂ່າວຕ່າງປະເທດຈີນຫ້າມຜູ້ຊາຍທີ່ມີລັກສະນະທ່າອຽງຄືແມ່ຍິງອອກສື່ ອ້າງຂັດວັດທະນະທຳ

ຈີນຫ້າມຜູ້ຊາຍທີ່ມີລັກສະນະທ່າອຽງຄືແມ່ຍິງອອກສື່ ອ້າງຂັດວັດທະນະທຳ

Published on

ເວັບໄຊ Global Times ລາຍງານ: ລັດຖະບານຈີນໄດ້ສັ່ງຫ້າມຜູ້ຊາຍທີ່ແຕ່ງກາຍຄ້າຍຄືແມ່ຍິງອອກອາກາດທາງໂທລະພາບ ອ້າງຂັດກັບວັດທະນະທຳ ພ້ອມເລັ່ງຂະຫຍາຍການລົນນະລົງເພື່ອຄວບຄຸມດ້ານທຸລະກິດ ແລະ ສັງຄົມ ທັງບັງຄັບໃຊ້ລະບຽບການວ່າດ້ວຍຄຸນນະທຳທີ່ທາງການກຳນົດອອກ.

ທາງການໄດ້ສັ່ງຫ້າມບັນດາສື່ອອກອາກາດຕ່າງໆໃນຈີນໃຫ້ຢຸດເຊົາໂຄສະນາສົ່ງເສີມຄວາມຄັ່ງໄຄ້ຜູ້ຊາຍທີ່ມີລັກສະນະຄ້າຍຄືແມ່ຍິງ ຫຼື ຜູ້ຊາຍທີ່ແຕ່ງກາຍຕາມແຟຊັ່ນອື່ນໆຄ້າຍຄືແມ່ຍິງ ພ້ອມທັງຫຼີກລ່ຽງການສົ່ງເສີມຄົນດັງທາງອິນເຕີເນັດທີ່ປະພຶດ ແລະ ເວົ້າຈາບໍ່ສຸພາບ ໂດຍອ້າງເຖິງຄວາມເປັນຫ່ວງເລື່ອງວັດທະນະທຳທີ່ບໍ່ຖືກຕ້ອງຕາມທຳນອງຄອງທຳ ອັນຈະເປັນການຊັກນຳເຍົາວະຊົນໃຫ້ຫຼົງປະພຶດຕົນໃນທາງທີ່ຜິດ. ພ້ອມກັນນັ້ນ, ລັດຖະບານຍັງໄດ້ຄວບຄຸມບັນດາອຸດສາຫະກຳທາງອິນເຕີເນັດຂອງຈີນຢ່າງເຂັ້ມງວດ.

ປະທານາທິບໍດີ ສີ ຈິນຜິງ ໄດ້ຮຽກຮ້ອງໃຫ້ມີ “ການຟື້ນຟູລະດັບຊາດ” ດ້ວຍການຄວບຄຸມດ້ານທຸລະກິດ, ການສຶກສາ, ວັດທະນະທຳ ແລະ ສາສະໜາຂອງພັກກອມມູຍນິດ ທັງນີ້ກໍເພື່ອເຮັດໃຫ້ສອດຄ່ອງກັບວິໄສທັດໃນການກໍ່ສ້າງປະເທດຈີນໃຫ້ມີອຳນາດເພີ່ມຂຶ້ນ ແລະ ສັງຄົມມີສຸຂະພາບດີຂຶ້ນ ຂະນະນະທີ່ລັດຖະບານຍັງໄດ້ຫຼຸດຜ່ອນການເຂົ້າເຖິງເກມອອນລາຍຂອງເດັກນ້ອຍເຍົາວະຊົນນຳອີກ.

ການຈັດຕັ້ງເຄື່ອນໄຫວດັ່ງກ່າວມີຂຶ້ນໃນຂະນະທີ່ຈີນເລີ່ມດຳເນີນການຄວບຄຸມຊີວິດສ່ວນຕົວຂອງພົນລະເມືອງຕົນໃຫ້ເຂັ້ມງວດເພີ່ມຂຶ້ນ ໂດຍມີຂ່າວວ່າ ລັດຖະບານຈີນຈະຈຳກັດການນຳໃຊ້ເກມຄອມພິວເຕີສຳລັບກຸ່ມເຍົາວະຊົນໃນຕົ້ນເດືອນນີ້.

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...