spot_img
Homeຂ່າວຕ່າງປະເທດໄອຍະການເກົາຫລີໃຕ້ຊີ້ ປາກ ກຶນເຮ ສົມຮູ້ຮ່ວມຄິດສ່ຽວຮັກ ສໍ້ລາດບັງຫລວງ ຝ່າຍຄ້ານກຽມຂະບວນຖອດຖອນ

ໄອຍະການເກົາຫລີໃຕ້ຊີ້ ປາກ ກຶນເຮ ສົມຮູ້ຮ່ວມຄິດສ່ຽວຮັກ ສໍ້ລາດບັງຫລວງ ຝ່າຍຄ້ານກຽມຂະບວນຖອດຖອນ

Published on

ສຳນັກຂ່າວຕ່າງປະເທດ ລາຍງານໃນວັນທີ 20 ພະຈິກຜ່ານມານີ້ວ່າ ທ່ານ ລີ ຢອງຣຽວ ຫົວໜ້າສຳນັກງານໄອຍະການເຂດກາງ ນະຄອນຫລວງເຊອູນ ໄດ້ອອກມາຖະແຫລງວ່າ ຈາກການສອບສວນພິເສດ ນາງ ຊອຍ ຊຸນຊິນ ຊຶ່ງຖືກຕັ້ງຂໍ້ຫາແຊກແຊງກິດຈະການຂອງລັດ ໃຊ້ອິດທິພົນກົດດັນໃຫ້ບໍລິສັດຕ່າງໆ ບໍລິຈາກເງິນສະໜັບສະໜູນໃຫ້ແກ່ມູນນິທິ ແລ້ວດຳເນີນການຍັກຍອກເງິນດັ່ງກ່າວ ໄປນຳໃຊ້ສ່ວນຕົວນັ້ນ ສະຫລຸບຈາກຫລັກຖານທັງໝົດວ່າ ປະທານາທິບໍດີ ປາກ ກຶນເຮ ຂອງເກົາຫລີໃຕ້ ສົມຮູ້ຮ່ວມຄິດໃນຄະດີດັ່ງກ່າວນີ້ ສົ່ງຜົນເຮັດໃຫ້ເກີດແຮງກະຕຸ້ນ ທີ່ຮຽກຮ້ອງໃຫ້ຜູ່້ນຳເກົາຫລີໃຕ້ຄົນປັດຈຸບັນ ລາອອກຈາກຕຳແໜ່ງ.

ດ້ານພັກຝ່າຍຄ້ານຫລັກຂອງເກົາຫລີໃຕ້ຄື ພັກປະຊາທິປັດ (ເດໂມຄຣາຕິກ) ແລະ ພັກປະຊາຊົນ (ພີເພີນປາຕີ້) ໄດ້ອອກມາປະກາດວ່າ ຈະຜັກດັນຂະບວນການຖອດຖອນ ປະທານາທິບໍດີອອກຈາກຕຳແໜ່ງ ພາຍໃນລັດຖະສະພາ ຖ້າຫາກວ່າ ທ່ານ ນາງ ປາກ ກຶນເຮ ບໍ່ຍອມລາອອກດ້ວຍຕົນເອງ.

ສ່ວນປະຊາຊົນຊາວເກົາຫລີໃຕ້ ຈຳນວນນັບແສນຄົນ ໄດ້ພ້ອມກັນອອກມາເດີນຂະບວນໂຮມຊຸມນຸມ ຢູ່ໃຈກາງນະຄອນຫລວງເຊອູນ ໃນມື້ວັນເສົາທີ 19 ພະຈິກທີ່ຜ່ານມານີ້ ຊຶ່ງເປັນການໂຮມຊຸມນຸມໃຫຍ່ທ້າຍອາທິດ 4 ຄັ້ງຕິດຕໍ່ກັນ ເພື່ອຮຽກຮ້ອງໃຫ້ ທ່ານ ນາງ ປາກ ກຶນເຮ ລາອອກຈາກຕຳແໜ່ງ, ນັບເປັນການເດີນຂະບວນປະທ້ວງ ທີ່ໃຫຍ່ທີ່ສຸດໃນປະຫວັດສາດເກົາຫລີໃຕ້ ນັບຕັ້ງແຕ່ຊຸມປີ 1980 ເປັນຕົ້ນມາ.

559000012001601-1
ທ່ານ ລີ ຢອງຣຽວ ຫົວໜ້າສຳນັກງານໄອຍະການເຂດກາງ ນະຄອນຫລວງເຊອູນ
SKOREA-POLITICS-SCANDAL
ຊາວເກົາຫລີໃຕ້ນັບແສນກວ່າຄົນ ອອກມາໂຮມຊຸມນຸມ ຮຽກຮ້ອງໃຫ້ ປາກ ກຶນເຮ ລາອອກຈາກຕຳແໜ່ງ

 

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...