spot_img
Homeຂ່າວທ້ອງຖິ່ນໄຊຍະບູລີ ມີຜົນເສຍຫາຍຈາກສໍ້ລາດບັງຫຼວງ 2,2 ຕື້ກີບ

ໄຊຍະບູລີ ມີຜົນເສຍຫາຍຈາກສໍ້ລາດບັງຫຼວງ 2,2 ຕື້ກີບ

Published on

5 ປິຜ່ານມາຄະນະພັກອົງການປົກຄອງຄະນະກວດກາແຕ່ລະຂັ້ນໃນແຂວງໄຊຍະບູລີ ໄດ້ມີຄວາມເອົາໃຈໃສ່ ຢ່າງຕໍ່ເນື່ອງປະຕິບັດໜ້າທີ່ພາລະບົດບາດຂອບເຂດສິດຂອງຕົນຕາມກົດໝາຍວ່າດ້ວຍການສໍ້ລາດບັງຫຼວງ ຊຶ່ງສາມາດພົບເຫັນທັງໝົດ 13 ເລື່ອງ ມີຜົນເສຍຫາຍ 2,2 ຕື້ກີບ ໃນນີ້ຢູ່ຂັ້ນແຂວງມີ 7 ເລື່ອງ, ຂັ້ນເມືອງ 5 ເລື່ອງ.
ເມື່ອວັນທີ 24 ຕຸລາ 2016 ນີ້ແຂວງໄຊຍະບູລີ ໄດ້ໄຂກອງປະຊຸມວຽກງານກວດກາທົ່ວແຂວງຄັ້ງທີ III ຂຶ້ນ ຢ່າງເປັນທາງການ ໂດຍເປັນປະທານຂອງສະຫາຍ ພົງສະຫວັນ ສິດທະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງໄຊຍະບູລີ, ມີສະຫາຍຮອງ ເລຂາພັກແຂວງ, ກຳມະການປະຈຳພັກ ແຂວງ, ຄະນະພັກອົງການກວດສອບ ແຫ່ງລັດປະຈຳພາກເໜືອ ມີບັນດາສະ ຫາຍເລຂາພັກເມືອງ ເລຂາຄະນະພັກ ປ້ອງກັນຊາດ-ປ້ອງກັນຄວາມສະຫງົບ ແຂວງ ເລຂາຄະນະພັກຮາກຖານເລຂາ ໜ່ວຍພັກອ້ອມຂ້າງແຂວງບັນດາສະ ຫາຍຄະນະກວດກາແຂວງ ແລະເມືອງ ເຂົ້າຮ່ວມ 200 ຄົນ.

ໃນກອງປະຊຸມສະຫາຍ ດວງຕາ ໄຊວຸດ ປະທານຄະນະກວດກາພັກແຂວງຫົວໜ້າພະແນກກວດກາລັດແຂວງ ໄດ້ ຂຶ້ນຕີລາຄາຄືນການເຄື່ອນໄຫວວຽກງານ ຕິດຕາມກວດກາໃນ 5 ປີ ຜ່ານ ມາແຕ່ປີ 2011-2015 ພ້ອມທັງວາງທິດທາງແຜນການວຽກງານກວດກາແຕ່ປີ 2016-2020 ຊຶ່ງປະຈຸບັນທົ່ວແຂວງມີຮາກຖານພັກທັງໝົດ 1.182 ຮາກຖານ, ມີສະມາຊິກພັກທົງໝົດ 15.407 ສະຫາຍ,ຍິງ 3.614 ສະຫາຍ ຜ່ານການກວດກາຕິດຕາມໄດ້ພົບເຫັນກໍລະນີໜ່ວຍພັກມີ 11 ກໍລະນີ ມີ 42 ໜ່ວຍ, ກໍລະນີສະມາຊິກພັກມີ 11 ກໍລະນີ ມີ 208 ສະຫາຍ, ຍິງ 7 ສະຫາຍ.

ດ້ານການກວດກາລັດ 5 ປີຜ່ານມາສາມາດຕິດຕາມກວດກາການລົງທຶນ ຂອງລັດໄດ້ທັງໝົດ 1.022 ໂຄງການ, ມີມູນຄ່າ 24.747 ຕື້ກີບ ໃນນັ້ນທຶນ ພາຍໃນ 3.982 ຕື້ກີບ, ທຶນຕ່າງປະເທດ 20.765 ຕື້ກີບ, ທຶນຊ່ວຍເຫຼືອລ້າ ກວມເອົາ 58% ໃນນີ້ລົງທຶນເຂົ້າໃນຂົງເຂດເສດຖະກິດ 2.150 ຕື້ກີບ, ໃນຂົງ ເຂດສັງຄົມ 965 ຕື້ກີບ ແລະຂົງເຂດ ອື່ນໆ 876 ຕື້ກີບ ຕິດຕາມກວດກາການ ຄຸ້ມຄອງຂຸດຄ້ົນສຳຫຼວດແຮ່ທາດທີ່ທາງ ແຂວງ ແລະລັດຖະບານໄດ້ອອກອະນຸ ຍາດມີທັງໝົດ 11 ໂຄງການ, ມູນຄ່າ ການລົງທຶນ 102.484.817 ໂດລາສະຫະລັດ, ໄດ້ອອກໃບອານຸຍາດດ້ານແຮ່ ທາດ 44 ຫົວໜ່ວຍມີ 50 ເຂດສຳປະ ທານຂຸດຄົ້ນ.

ພ້ອມນີ້ຄະນະພັກອົງການປົກຄອງຄະນະກວດກາແຕ່ລະຂັ້ນກໍໄດ້ປະຕິບັດ ໜ້າທີ່ພາລະບົດບາດຂອບເຂດສິດຂອງ ຕົນຕາມກົດໝາຍວ່າດ້ວຍການສໍ້ລາດບັງຫຼວງມີທັງໝົດ 13 ເລື່ອງ ມີຜົນເສຍ ຫາຍທັງໝົດ 2,2 ຕື້ກີບ ໃນນີ້ຢູ່ຂັ້ນ ແຂວງມີ 7 ເລື່ອງ, ຂັ້ນເມືອງ 5 ເລື່ອງ, ໄດ້ຮັບຄຳຮ້ອງ ຄຳສະເໜີທັງໝົດ 286 ເລື່ອງ ໃນນີ້ຂັ້ນແຂວງ 64 ສະບັບ, ຂັ້ນເມືອງ 222 ສະບັບ ມີຄຳຮ້ອງອົງການ ລັດ 184 ສະບັບ.

ຄຳຮ້ອງຕໍ່ພະນັກງານລັດຖະກອນ ໃນການປະຕິບັດໜ້າທີ່ວຽກງານ 70 ສະບັບ, ຄຳຮ້ອງຕໍ່ສະມາຊິກພັກ 30 ສະບັບໄດ້ຄົ້ນຄວ້າ 77 ສະບັບ, ຄົ້ນຄວ້າ ແຈ້ງຕອບ 52 ສະບັບ, ໄດ້ແກ້ໄຂແລ້ວ 66 ສະບັບ ແລະສົ່ງໃຫ້ພາກສ່ວນທີ່ກ່ຽວ ຂ້ອງແກ້ໄຂ 38 ສະບັບ, ຄຳຮ້ອງທີ່ຫຼາຍ ກວ່າໝູ່ແມ່ນຂໍ້ຂັດແຍ່ງກ່ຽວກັບທີ່ດິນ ແລະ ບໍ່ພໍໃຈຕໍ່ຄຳຕັດສິນຂອງສານ.

ທ່ານ ດວງຕາ ໄຊວຸດ ຍັງໄດ້ກ່າວຕື່ມ ວ່າປະຈຸບັນພະນັກງານລັດຖະກອນຄະ ນະກວດກາພັກແຂວງ ແລະກວດກາພັກເມືອງມີທັງໝົດ 130 ສະຫາຍ , ຍິງ 28 ສະຫາຍ. ທຽບໃສ່ປີ 2011 ເພີ່ມຂຶ້ນ 50 ສະຫາຍ ໃນນີ້ຂັ້ນແຂວງມີ 24 ສະຫາຍ, ຍິງ 8 ສະຫາຍ, ຂັ້ນເມືອງ 106 ສະຫາຍ, ຍິງ 20 ສະຫາຍ. ນອກນີ້ຍັງມີຜູ້ຮັບຜິດ ຊອບວຽກງານກວດກາຢູ່ຂັ້ນຮາກຖານ ມີ 1.313 ສະຫາຍ, ຍິງ 196 ສະຫາຍ. ໃນນີ້ຂັ້ນແຂວງ 194 ສະຫາຍ, ຍິງ 41 ສະຫາຍ, ຂັ້ນເມືອງ 568 ສະຫາຍ, ຍິງ 112 ສະຫາຍ, ຢູ່ຂັ້ນຮາກຖານບ້ານ 551 ສະຫາຍ, ຍິງ 43 ສະຫາຍ.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...