spot_img
Homeຂ່າວພາຍ​ໃນອາລິອັນສ໌ປະກັນໄພລາວ ຂະຫຍາຍເຄື່ອຂ່າຍທຸລະກິດ

ອາລິອັນສ໌ປະກັນໄພລາວ ຂະຫຍາຍເຄື່ອຂ່າຍທຸລະກິດ

Published on

20131220141547

ບໍລິສັດ ອາ​ລິ​ອັນສ໌​ປະກັນ​ໄພ​ລາວ (AGL) ໄດ້​ເຊັນ​ສັນຍາ​ຮ່ວມ​ທຸລະ​ກິດ​ກັບ​ທະນາຄານ​ຮ່ວມ​ພັດທະນາ ເພື່ອ​ພັດທະນາ​ການ​ບໍລິການ ຂາຍ​ປະກັນ​ໄພ​ຜ່ານ​ທະນາຄານ ແບບ​ເຕັມ​ຮູບ​ແບບ ໂດຍ​ຄູ່​ຮ່ວມ​ທຸລະ​ກິດ​ທັງ​ສອງ ໄດ້​ເຫັນ​ໂອກາດ​ທາງ​ທຸລະ​ກິດ​ຂອງ​ການ​ປະກັນ​ໄພ ທີ່​ນັບ​ມື້​ມີ​ການ​ຂະຫຍາຍຕົວ ຕາມ​ບາດກ້າວ​ຂະຫຍາຍຕົວ​ຂອງ​ເສດຖະກິດ ແລະ ເລັ່ງ​ເຫັນ​ຄວາມ​ສຳຄັນ ໃນ​ການ​ປະກັນ​ໄພ​ຂອງ​ບັນດາ​ຜູ້​ຊົມໃຊ້​ນັບ​ມື້​ນັບ​ເພີ່ມ​ຂຶ້ນ ດັ່ງນັ້ນ ທັງ​ສອງ​ຈຶ່ງ​ໄດ້​ເຊັນ​ສັນຍາ​ຮ່ວມ​ມື​ທາງ​ທຸລະ​ກິດ ໂດຍ​ທາງ​ທະນາຄານ​ດັ່ງກ່າວ​ເປັນ​ຜູ້ນຳ​ສະເໜີ​ຂາຍ​ປະກັນ​ໄພ​ຂອງ​ປະກັນ​ໄພ​ລາວ ແກ່​ລູກ​ຄ້າ​ທະນາຄານ ຢູ່​ສຳນັກງານ​ໃຫຍ່​ຂອງ​ທະນາຄານ​ສາຂາ ແລະ ປ່ອງ​ບໍລິການ​ຕ່າງໆ.

ຜະລິດ​ຕະ​ພັນ​ທີ່​ເປັນ​ຈຸດ​ສຸມ ທາງ​ທະນາຄານ​ຈະ​ນຳ​ສະເໜີ​ປະກອບ​ມີ ປະກັນ​ໄພ​ທີ່ຢູ່​ອາໄສ ປະກັນ​ໄພ​ທຸລະ​ກິດ​ຂະໜາດ​ນ້ອຍ ທີ່​ໃຫ້ການ​ຄຸ້ມ​ຄອງ​ຄວາມ​ເສຍ​ຫາຍ ທີ່​ອາດ​ຈະ​ເກີດ​ຈາກ​ອັກຄີ​ໄພ ປະກັນ​ສຸຂະພາບ ປະກັນ​ອຸປະຕິເຫດ​ແຮງ​ງານ ປະກັນ​ອຸປະຕິເຫດ​ທາງ​ດ້ານ​ຮ່າງກາຍ ປະກັນ​ໄພ​ການ​ເດີນທາງ ແລະ ປະກັນ​ໄພ​ອີກ​ຫຼາຍ​ປະເພດ ສຳລັບ​ໂຮງ​ຈັກ​ໂຮງງານ ຫົວໜ່ວຍ​ທຸລະ​ກິດ ແລະ ໂຄງການ​ກໍ່ສ້າງ​ຕ່າງໆ ເພື່ອ​ນຳ​ສະເໜີ​ແກ່​ລູກ​ຄ້າ​ສິນ​ເຊື່ອ​ທີ່​ມີ​ເຮືອນ ແລະ ອາຄານ ເປັນ​ຫຼັກ​ຊັບ​ຄ້ຳປະກັນ ປະກັນ​ໄພ​ລົດ ສຳລັບ​ລູກ​ຄ້າ​ສິນ​ເຊື່ອ​ເພື່ອ​ຊື້​ລົດ ເປັນຕົ້ນ ໂດຍ​ທັງ​ສອງ​ຝ່າຍ​ມີ​ແຜນ​ຮ່ວມ​ກັນ ພັດທະນາ​ດ້ານ​ການ​ຜະລິດ​ຕະ​ພັນ​ປະກັນ​ໄພ ແລະ ການ​ດຳເນີນ​ງານ ເພື່ອ​ຕອບ​ສະໜອງ​ຄວາມ​ສະດວກ​ສະບາຍ​ໃຫ້​ແກ່​ລູກ​ຄ້າ​ຂອງ​ທະນາຄານ​ຮ່ວມ​ ພັດທະນາ ແລະ ບໍລິສັດ ອາ​ລິ​ອັນສ໌​ປະກັນ​ໄພ​ລາວ ສາມາດ​ເຂົ້າ​ມາ​ຊື້​ໄດ້​ທີ່​ທະນາຄານ​ຮ່ວມ​ພັດທະນາ​ທີ່​ສຳນັກງານ​ໃຫຍ່ ແລະ ໜ່ວຍ​ບໍລິການ​ທົ່ວ​ປະເທດ.

ການ​ເຊັນ​ສັນຍາ​ຮ່ວມ​ທຸລະ​ກິດ​ດັ່ງກ່າວ ໄດ້​ຈັດ​ຂຶ້ນ​ໃນ​ວັນ​ທີ 20 ທັນວາ 2013 ທີ່​ສຳນັກງານ​ໃຫຍ່ ທະນາຄານ​ຮ່ວມ​ພັດທະນາ ລະຫວ່າງ​ທ່ານ ກິ ອາໂປ​ວີ ຜູ້ອຳນວຍການ​ບໍລິສັດ ອາ​ລິ​ອັນສ໌​ປະກັນ​ໄພ​ລາວ ແລະ ທ່ານ ທອງ​ຈະເລີນ ເຄນ​ມີ່ງ​ມົງ​ຄົນ ຜູ້ອຳນວຍການ​ໃຫຍ່​ທະນາຄານ​ຮ່ວມ​ພັດທະນາ ໂດຍ​ມີ​ທ່ານ ​ດຣ. ວິວັດ ກິດ​ຕິ​ພົງ​ໂກສົນ ປະທານ​ສະພາ​ທີ່​ປຶກສາ​ຂອງ​ທະນາຄານ​ຮ່ວມ​ພັດທະນາ ແລະ ທ່ານ ໄພ​ຍະ​ເອກ ທຳ​ມະ​ນາມ ຫົວໜ້າ​ພະແນກການ​ຕະຫຼາດ ແລະ ການ​ຄ້າ ບໍລິສັດ ອາ​ລິ​ອັນສ໌​ປະກັນ​ໄພ​ລາວ ພ້ອມ​ດ້ວຍ​ພະນັກງານ​ຂອງ​ທັງ​ສອງ​ຝ່າຍ ເຂົ້າ​ຮ່ວມ.

ທີ່ມາ http://www.vientianemai.net/teen/khao/1/10837

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...