spot_img
Homeຂ່າວພາຍ​ໃນວັກຊິນຈອນສັນແອນຈອນສັນ ມີກໍານົດສັກພ້ອມກັນທົ່ວປະເທດອາທິດໜ້າ

ວັກຊິນຈອນສັນແອນຈອນສັນ ມີກໍານົດສັກພ້ອມກັນທົ່ວປະເທດອາທິດໜ້າ

Published on

ກະຊວງສາທາລະນະສຸກແຈ້ງໃຫ້ຮູ້ວ່າ: ວັກຊິນຈອນສັນແອນຈອນສັນ ມີກໍານົດສັກພ້ອມກັນທົ່ວປະເທດໃນວັນທີ 2 ສິງຫາ ຫຼື ອາທິດໜ້າ ຕາມໂຮງໝໍແຫ່ງຕ່າງໆ ເຊິ່ງຜູ້ທີ່ຍັງບໍ່ທັນໄດ້ຮັບວັກຊິນແມ່ນສາມາດລົງທະບຽນຜ່ານແອັບທີ່ທາງການກໍານົດໄວ້ ແລະຕ້ອງໄດ້ໄປຮັບວັກຊິນໃຫ້ທັນຕາມເວລາທີ່ນັດໝາຍ.

ທ່ານ ດຣ. ພອນປະເສີດ ອຸນາພົມ, ຫົວໜ້າກົມອະນາໄມ ແລະ ສົ່ງເສີມສຸຂະພາບ, ກະຊວງສາທາລະນະສຸກ ກ່າວວ່າ: ຈະເລີ່ມສັກວັກຊິນ ຈອນສັນແອນຈອນສັນ ຈໍານວນ 1.008.000 ໂດສພ້ອມກັນທົ່ວປະເທດໃນອາທິດໜ້ານີ້ ເຊິ່ງວັກຊິນຊະນິດດັ່ງກ່າວສາມາດສ້າງພູມຄຸ້ມກັນໄດ້ຄົບຖ້ວນໃນເຂັມດຽວ, ຄາດວ່າອັດຕາພູມຄຸ້ມກັນໃນປະຊາກອນຂອງລາວ ຈະກວມໄດ້ 29% ຫຼັງຈາກສຳເລັດການສັກວັກຊິນຈອນສັນແອນຈອນສັນ.

ສໍາລັບເປົ້າໝາຍທີ່ຈະໄດ້ວັກຊິນ ແມ່ນເລັງໃສ່ຜູ້ອາຍຸສູງ, ຜູ້ມີພະຍາດປະຈໍາຕົວ, ແລະພະນັກງານຢູ່ສູນຈໍາກັດບໍລິເວນ, ຜູ້ເຮັດວຽກຢູ່ຈຸດຜ່ານແດນ ຕາມເຂດຊາຍແດນທີ່ມີຄວາມສ່ຽງຕໍ່ການຕິດພະຍາດໂຄວິດ19. ສ່ວນການແບ່ງປັນວັກຊິນຊະນິດດັ່ງກ່າວແມ່ນອີງໃສ່ 3 ຫຼັກການຄື: ເຂດທີ່ມີການລະບາດ, ເຂດທີ່ມີຄວາມສ່ຽງ ໂດຍສະເພາະແຂວງທີ່ມີຊາຍແດນຕິດກັບປະເທດທີມີການລະບາດ ແລະອີງໃສ່ຈໍານວນປະຊາກອນຂອງແຕ່ລະແຂວງ.

ລັດຖະບານ ສປປ ລາວ ມີຄວາມມຸ່ງໝັ້ນຈະສັກວັກຊິນໃຫ້ປະຊາຊົນລາວ ໃຫ້ໄດ້ 50% ໃນທ້າຍປີ 2021 ສຳລັບຜູ້ມີອາຍຸ 18 ປີຂຶ້ນໄປ, ເພື່ອຍົກລະດັບພູມຄຸ້ມກັນຂອງປະຊາຊົນໃນການຕ້ານພະຍາດໂຄວິດ-19 ໃຫ້ສູງຂຶ້ນ.

ຢ່າງໃດກໍຕາມ, ອົງການອະນາໄມໂລກ ຍັງບໍ່ມີຂໍ້ແນະນໍາໃຫ້ສັກວັກຊິນ 2 ຊະນິດ ປະສົມກັນຕາມທີ່ເປັນຂ່າວລືຢູ່ບາງປະເທດ ຖ້າໃຜສັກວັກຊິນເຂັມທີ 1 ຊະນິດໃດ ກໍໃຫ້ສືບຕໍ່ສັກເຂັມທີ 2 ຊະນິດນັ້ນ ຈິ່ງຈະສາມາດສ້າງພູມຄຸ້ມກັນທີ່ປອດໄພໄດ້.

ຂໍ້ມູນຈາກ: Lao National Radio 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...