spot_img
Homeຂ່າວຕ່າງປະເທດຣັດເຊຍ-ຈີນ ຕົກລົງກັນ​ເພີ່ມ​ທະວີ​ການ​ຮ່ວມ​ມື​ດ້ານ​ຄວາມໝັ້ນຄົງທາງທະຫານ

ຣັດເຊຍ-ຈີນ ຕົກລົງກັນ​ເພີ່ມ​ທະວີ​ການ​ຮ່ວມ​ມື​ດ້ານ​ຄວາມໝັ້ນຄົງທາງທະຫານ

Published on

ສຳນັກຂ່າວ ອັລຈາຊີລາ ໄດ້ລາຍ​ງານ​ຈາກ​ນະຄອນຫຼວງ​ປັກ​ກິ່ງ​ຂອງ​ຈີນ​ໃນ​ວັນ​ທີ 20 ກັນຍາ​ນີ້​ວ່າ: ທ່ານ​ ນິໂກຄໄລ ​ປາ​ຕູ​ເຊ​ຟ ປະທານ​ສະພາ​ຄວາມ​ໝັ້ນຄົງ​ແຫ່ງ​ຊາດຂອງຣັດ​ເຊຍ ໄດ້ຖະ​ແຫຼງ​ການ​ໃນ​ລະ​ຫວ່າງ​ການ​ຢ້ຽມ​ຢາມ​ປັກ​ກິ່ງ ໃນວັນຈັນທີ່ຜ່ານມາວ່າ​ ຈີນ ​ແລະ ຣັດ​ເຊຍ​ໄດ້​ບັນລຸ​ຂໍ້​ຕົກລົງ​ກັນ ກ່ຽວ​ກັບ​ການ​ເພີ່ມ​ທະວີ​ການ​ຮ່ວມ​ມື​ດ້ານ​ຄວາມໝັ້ນຄົງ “ກ້າວ​ຂຶ້ນ​ອີກລະ​ດັບ​” ເພື່ອ​ຂະ​ຫຍາຍ​ຂອບ​ເຂດ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ ແລະ​ ການ​ຮ່ວມ​ມື​ທີ່​ກ່ຽວ​ຂ້ອງ​ ໃນຖານະເປັນລັດຖະບານມອສໂກ ໃຫ້​ຄວາມ​ສຳຄັນ​ໂດຍ​ບໍ່​ມີ​ເງື່ອນ​ໄຂ ຕໍ່​ຈີນ​ໃນ​ການ​ຊຸກຍູ້​ນະ​ໂຍບາຍ​ການ​ຕ່າງປະ​ເທດ.

​ປາ​ຕູ​ເຊ​ຟ ເປັນໜຶ່ງ​ໃນ​ເຈົ້າ​ໜ້າ​ທີ່​ລະດັບ​ສູງ​ສຸດ​ຂອງ​ລັດຖະບານ​ມອສໂກ ແລະ ເປັນໜຶ່ງໃນ ບຸກຄົນພາຍໃນ ຂອງປະທານາທິບໍດີ ວະລາດິເມຍ ປູຕິນກ່າວຕໍ່ໄປວ່າ ສະພາບ​ການ​ທົ່ວ​ໂລກ​ໃນ​ປະຈຸ​ບັນ ຊີ້​ໃຫ້​ເຫັນ​ວ່າ​ມັນ​ມີ​ຄວາມ​ສໍາ​ຄັນ ​ແລະ ​ຈໍາ​ເປັນ​ທີ່ລັດຖະບານ​ປັກ​ກິ່ງ ​ແລະ ຣັດ​ເຊຍ ​ຕ້ອງ​ສະ​ແດງ​ຄວາມກຽມ​ພ້ອມ​ຂອງ​ຕົນ ໃນ​ການ​ສະໜັບ​ສະໜູນ​ເຊິ່ງ​ກັນ​ແລະ​ກັນ​ ແລະ​ ພັດ​ທະ​ນາ​ການ​ຮ່ວມ​ມື​ທີ່​ກ່ຽວ​ຂ້ອງ​.

ຜູ້ນຳຣັດ​ເຊຍ ​ແລະ​ ທ່ານ ​ສີ​ ຈິ້ນ​ຜິ​ງ ຜູ້ນຳປະເທດ​ຈີນ​ໄດ້​ພົບ​ປະຫາລື​ກັນ ນອກ​ກອງ​ປະຊຸມ​ອົງການ​ຮ່ວມ​ມື​ຊຽງ​ໄຮ້ (SCO) ຢູ່​ເມືອງ Samarkand ໃນອຸສເບກິສຖານ ໃນອາ​ທິດ​​ແລ້ວນີ້ ນັບເປັນຄັ້ງ​ທຳ​ອິດ​ທີ່​ຜູ້ນຳ​ສອງ​ປະ​ເທດ​ໄດ້​ພົບ​ປະ​ກັນ ນັບ​ແຕ່​ສົງຄາມ​ຢູ່​ຢູ​ແຄຣນ​ໄດ້​ເກີດ​ຂຶ້ນ ​ໃນ​ວັນ​ທີ 24 ກຸມພາ​ທີ່ຜ່ານມານີ້, ​ເຊິ່ງທ່ານ ປູຕິນ ​ໄດ້​ຍ້ອງຍໍວ່າ “ຮັກສາ​ທ່າ​ທີ​ທີ່​ສົມ​ດູນ” ຂອງຈີນ ຂະນະດຽວກັນ ຣັດເຊຍຮັບຮູ້ ແລະ ມີຄວາມເຂົ້າໃຈເປັນຢ່າງດີຕໍ່ “ຄວາມວິຕົກກັງວົນ ແລະ ຄວາມສົງໄສ” ຂອງລັດຖະບານປັກກິ່ງທີ່ມີຕໍ່ສົງຄາມ.

 

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...