ມະນຸດຕ້ອງຝຶກທັກສະແຮງງານໃໝ່ເພື່ອກຽມພ້ອມສູ້ກັບຫຸ່ນຍົນ (ມີຄລິບ)

0
154

ສໍານັກຂ່າວ ເອເອຟພີລາຍງານ ເມື່ອວັນທີ 17 ກັນຍາທີ່ຜ່ານມານີ້ວ່າ  ເວີລອີໂຄໂນມິກຟໍຣັມ (World Economic FOrum) ໄດ້ເຜີຍແຜ່ການສຶກສາວິໄຈເຖິງ ບົດບາດຂອງຫຸ່ນຍົນໃນການເຮັດວຽກແທນຄົນໃນອະນາຄົດ ໂດຍໄດ້ມີການລະບຸໄວ້ວ່າ:

ພາຍໃນປີ ພ.ສ 2025 ທີ່ຈະມາເຖິງນີ້, ຫຸ່ນຍົນຈະເຂົ້າມາມີບົດບາດຮັບຜິດຊອບວຽກງານສູງເຖິງ 52% ຂອງວຽກປະຈໍາ, ເຊິ່ງເປັນສັດ-ສ່ວນທີ່ສູງຂຶ້ນເກືອບ 2 ເທົ່າຂອງປະຈຸບັນ ທີ່ມີພຽງ 29%, ເຮັດໃຫ້ມະນຸດມີຄວາມຈໍາເປັນຕ້ອງປັບປຸງທັກສະ ເພື່ອຮັບມືກັບບົດບາດໃໝ່ ນັ້ນກໍຄືຄວາມສາມາດໃນການເຮັດວຽກຮ່ວມກັບເຄື່ອງຈັກ ແລະ ໂປຣແກຣມຄອມພິວເຕີພາຍໃຕ້ສະຖານະການຂອງການປ່ຽນແປງຄັ້ງໃຫຍ່ນີ້. ພ້ອມທັງຍັງໄດ້ຄາດການເອົາໄວ້ອີກດ້ວຍວ່າ: ການປ່ຽນແປງຢ່າງວ່ອງໄວຂອງຈັກກະວານ ແລະ  ອັງກໍຣິທຶມຂອງຄອມພິວເຕີນັ້ນ (ອັງກໍຣິທຶມ: Algorithm ໝາຍເຖິງຂະບວນການແກ້ໄຂບັນຫາທີ່ສາມາດອະທິບາຍເປັນຂັ້ນຕອນຢ່າງຊັດເຈນໃນລະບົບຄອມພິວເຕີ) ອາດຈະສ້າງບົດບາດໃໝ່ 133 ລ້ານຮູບແບບຂຶ້ນມາ ແທນທີ່ 75 ລ້ານຮູບແບບທີ່ຈະລ້າສະໄໝໄປຈາກຕອນນີ້ ຈົນເຖິງປີ 2022.

ຫຸ່ນຍົນແມ່ນຈະເຂົ້າມາແທນທີ່ມະນຸດເຮົາໄດ້ຢ່າງວ່ອງໄວໃນດ້ານການເຮັດວຽກບັນຊີ, ການບໍລິຫານຈັດການລູກຄ້າ, ອຸດສາຫະກໍາ, ໄປສະນີ ແລະ ວຽກງານດ້ານເລຂານຸການ. ສ່ວນວ່າວຽກງານທີ່ຍັງຕ້ອງໃຊ້ທັກສະຂອງມະນຸດແມ່ນໄດ້ແກ່: ການຂາຍ, ການຕະຫຼາດ, ການບໍລິການລູກຄ້າ ເຊັ່ນດຽວກັນກັບ ອີຄອມເມີສ ແລະ ການບໍລິຫານຈັດການ, ການໃຊ້ໂຊຊຽວມີເດຍຈະມີຄວາມຕ້ອງການເພີ່ມຂຶ້ນຫຼາຍ.

ສິ່ງດັ່ງກ່າວນີ້ ໄດ້ເຮັດໃຫ້ເຮົາຮູ້ເຖິງຄວາມກ້າວໜ້າ ແລະ ທັນສະໄໝຂອງໂລກເຮົາໃນປະຈຸບັນ ແລະ ອີກຄວາມທ້າທາຍທີ່ສໍາຄັນທີ່ສຸດກໍຄື: ການຝຶກທັກສະແຮງງານໃໝ່ ໂດຍສະເພາະຢ່າງຍິ່ງແມ່ນໃນດ້ານແນວຄວາມຄິດສ້າງສັນ, ການວິເຄາະ, ທັກສະໃນການຈູງໃຈເພື່ອໃຫ້ເຮົາທັນກັບທຸກສະພາບການຂອງການປ່ຽນແປງນັ້ນເອງ.

 

 

 

ຂຽນໂດຍ: ໃບບົວ ຈັນທະລັງສີ

ແຫຼ່ງຂ່າວຈາກ: Matichon.co.th, ຮູບພາບຈາກ: New18

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.