ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ
ສຳນັກຂ່າວຕ່າງປະເທດລາຍງານໃນວັນທີ 1 ກໍລະກົດ 2025, ພາຍຫຼັງສານລັດຖະທຳມະນູນຮັບຄຳຮ້ອງ ສະມາຊິກວຸດທິສະພາ ປະເມີນສະຖານະພາບ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ກ່ຽວກັບກໍລະນີທີ່ມີຄລິບສຽງສົນທະນາກັບ ທ່ານ ສົມເດັດ ຮຸນເຊັນ ອະດີດຜູ້ນຳກຳປູເຈຍ ດ້ວຍຄະແນນມະຕິ 7-2 ໂດຍສັ່ງໃຫ້ຢຸດປະຕິບັດໜ້າທີ່ຊົ່ວຄາວ ແລະ ຈະໄດ້ມີການປະເມີນອີກ 15 ວັນຂ້າງໜ້າ.
ຕາມການລາຍງານລະບຸວ່າ: ຮອງນາຍົກລັດຖະມົນຕີ ທີ່ຈະເຂົ້າມາປະຕິບັດໜ້າທີ່ຮັກສາການນາຍົກລັດຖະມົນຕີແທນ ກໍຄື ທ່ານ ສຸຣິຍະ ຈຶງຮຸ່ງເຮືອງກິດ ເຊິ່ງຈະມີອຳນາດເຕັມຈະຕ້ອງນຳເລື່ອງເຂົ້າທີ່ປະຊຸມຄະນະລັດຖະມົນຕີ ເພືື່ອແຕ່ງຕັ້ງຮອງນາຍົກລັດຖະມົນ ໃຫ້ສາມາດສັ່ງການກ່ຍວກັບການແຕ່ງຕັ້ງບຸກຄາລາກອນ ແລະ ງົບປະມານໄດ້.
ສຳລັບເສັ້ນທາງທາງການເມືອງ ຂອງ ທ່ານ ສຸຣິຍະ ຈຶງຮຸ່ງເຮືອງກິດ:
ເລີ່ມເຂົ້າສູ່ການເມືອງ 1998 ໃນຖານະລັດຖະມົນຕີຊ່ວຍວ່າການກະຊວງອຸດສາຫະກຳ, ເຂົ້າຮ່ວມພັກໄທຮັກໄທ ໃນປີ 2001 ແລະ ດຳລົງຕຳແໜ່ງເລຂາທິການພັກ, ໄດ້ຍຸບພັກ ແລະ ຖືກຕັດສິດທາງການເມືອງ 5 ປີ (2007-2012) ພາຍຫຼັງຖືກຈຕັດສິດເຂົ້າຮ່ວມຕັ້ງພັກພູມໃຈໄທ ປີ 2009 ແລະ ຕໍ່ມາຮ່ວມ ພັກພະລັງປະຊາລັດ ໃນປີ 2018 ໃນຖານະຫົວໜ້າກຸ່ມ 3 ມິດ, ຂຶ້ນດຳລົງຕຳແໜ່ງລັຖະມົນຕີກະຊວງອຸດສາຫະກຳ ຫຼາຍສະໄໝ (2001-2002, 2005-2006, 2019-2023), ເຄີຍດຳລົງຕຳແໜ່ງ ລັດຖະມົນຕີວ່າການກະຊວງຄົມມະນາຄົມ ຊ່ວງ ລັດຖະບານທັກສິນ (2002-2005) ແລະ ກັບມາດຳລົງຕຳແໜ່ງນີ້ອີກຄັ້ງຕັ້ງແຕ່ວັນທີ 1 ກັນຍາ 2023 ແລະ ໄດ້ຮັບຕຳແໜ່ງຮອງນາຍົກລັດຖະມົນຕີ ເມື່ອວັນທີ 27 ເມສາ 2024.
ແຫຼ່ງຂ່າວ: BIGHT TV