spot_img
Homeຂ່າວພາຍ​ໃນນາໂປລີ ດັບຝັນ ຟິອໍເຣນທິນາ ຄອງແຊັມ ໂຄບປາ ອີຕາລີ ສະໄໝທີ 5

ນາໂປລີ ດັບຝັນ ຟິອໍເຣນທິນາ ຄອງແຊັມ ໂຄບປາ ອີຕາລີ ສະໄໝທີ 5

Published on

B
ນາໂປລີ ແຊັມ ໂຄບປາ ອິຕາລີ ສະໄໝທີ 5.
BB
ແກ໊ງກ໊ອງ ແຊັມ ເຟຣນ ຄັບ ສະໄໝທີ 2

 

ນາໂປລີ ສາມາດເອົາຊະນະ ຟິອໍເຣນຕິນາ ໄປຢ່າງສຸດມັນ 3-1 ຄອງແຊັມເປັນສະໄໝທີ 5 ຂອງສະໂມສອນໄດ້ສຳເລັດ ໃນການແຂ່ງຂັນບານາເຕະຊີງຂັນ ໂຄບປາ ອີຕາລີ ນັດຊີງຊະນະເລີດ ເມື່ອວັນທີ 3 ເມສາທີ່ຜ່ານມາ.ຂະນະທີ່ ແກ໊ງກ໊ອງ ໄດ້ໄປແຂ່ງຂັນບານເຕະ ຢູໂຣປາ ລີກ ຫຼັງໄດ້ແຊັມ ເຟຣນ ຄັບ ສະໄໝທີ 2.

ການແຂ່ງຂັນບານເຕະ ໂຄບປາ ອີຕາລີ ປະຈໍາລະດູການ 2013-2014 ຟິອໍເຣນທິນາ ຕ້ອງຂາດ ຮວນ ກວາດຣາໄດ ທີ່ຕິດໂທດ ແຕ່ຍັງໄດ້ ເນໂຕ, ກອນຊາໂລ ໂຣດຣິເກຊ ແລະ ບໍຊາ ບາເລໂຣ ສ່ວນ ນາໂປລີ ທີມີ ໂຊເຊ ກາເຢຊອນ, ມາເຣັດ ຮຳຊິກ,​ ລໍເຣນໂຊ ອິນຊິນເຢ ແລະ ກອນຊາໂລ ອິກວາອິນ ຫາຍເຈັບກັບມາ.

ກ່ອນເລີ່ມການແຂ່ງຂັນມີບັນຫານອກສະໜາມ ເມື່ອແຟນບານ ນາໂປລີ ຖືກຍິງອາການສາຫັດ ເຮັດໃຫ້ກອງເຊຍຂອງພວກເຂົາຮຽກຮ້ອງໃຫ້ຍົກເລີກໄປກ່ອນ ແຕ່ຫຼັງຈາກໄດ້ພິຈາລະນາເປັນເວລານານທຸກຝ່າຍກໍ່ຕັດສິນໃຫ້ແຂ່ງຂັນຕໍ່ໄປ ເຖິງຈະເລີ່ມຊ້າໄປ 45 ນາທີ.

ຜົນປະກົດວ່າ: ການແຂ່ງຂັນເລີ່ມຕົ້ນພຽງ 11 ຈາກຈັງຫວະສວນກັບໄວທີ່ ຮໍາຊິກ ຜ່ານບານເຂົ້າເຂດໂທດໃຫ້ ອິນຊິນເຢ ປັ່ນດ້ວຍຂວາບານໂຄ້ງເຂົ້າເສົາສອງໄປຢ່າງສວຍງາມຂຶ້ນນຳ 1-0 ແລະ 6 ນາທີຕໍ່ມາກໍ່ໜີຫ່າງເປັນ 2-0 ຫຼັງ ອິກວາອິນ ຫຼຸດເຂົ້າທາງຂວາ ກ່ອນສົ່ງບານເຂົ້າກາງໃຫ້ ອິນຊິນເຢ ຊັດດ້ວຍຊ້າຍບານສະແລັບ ເນນາດ ໂທໂມວິຊ ບານປ່ຽນທາງເຂົ້າໄປ 2-0.

ຢ່າງໃດກໍ່ຕາມ: ຟິອໍເຣນທິນາ ຍັງບໍ່ໝົດຄວາມຫວັງໄລ່ຂຶ້ນມາເປັນ 1-2 ໃນນາທີໆ 28 ອິລິຊິຊ ຈ່າຍບານໃຫ້ ຮວນ ມານູເອລ ວາກັສ ຫຼຸດດ່ຽວເຂົ້າໄປຍິງດ້ວຍຊ້າຍບານເຂົ້າໄປ ຈົບການແຂ່ງຂັນ 45 ນາທີທຳອິດ ນາໂປລີ ຂຶ້ນນຳໄປກ່ອນ 2-1.

ເລີ່ມຕັ້ງທີ 2 ນາທີໆ 79 ຟິອໍເຣນທິນາ ເດີນໜ້າກົດດັນ ນາໂປລີ ຢ່າງຕໍ່ເນື່ອງຈົນເຮັດໃຫ້ທີມດັ່ງກ່າວຕ້ອງເຫຼືອນັກເຕະ 10 ຄົນ ຫຼັງ ໂກຄານ ອິນແລ ໄປເຮັດຟາວ ອິລິຊິຊ ໄດ້ຮັບໃບເຫຼືອງທີ 2 ອອກຈາກສະໜາມທັນທີ ແລະ ຟິອໍເຣນທິນາ ອາໄສຜູ້ຫຼິ້ຫຼາຍກວ່າຫວັງຕີສະເໝີໄດ້ໂອກາດງາມ ອິລິຊິຊ ໄດ້ບານຍິງເຕັມໆບານຫຼຸດເສົາໄປຫວຸດຫວິດ.

ເວລາທີເຫຼືອ ຟິອໍເຣນທິນາ ຍັງບຸກໜັກ ແຕ່ກັບມາຖືກໜີຫ່າງເພີ່ມໃນທົດເວາລາບາດເຈັບ ເມື່ອ ກາເຢຊອນ ຈ່າຍໃຫ້ ເມີເທນ ຍິງສວນ ເນໂຕ ເຂົ້າປະຕູໄປ ຈົບເກມ ນາໂປລີ ເອົາຊະນະ ຟິອໍເຣນທິນາ 3-1 ໄດ້ແຊັມ ໂຄບປາ ອີຕາລີ ສະໄໝທີ 5 ໄດ້ສໍາເລັດ.

ຂະນະທີ່ການແຂ່ງຂັນຊີງຂັນບານເຕະ ເຟຣນ ຄັບ ຂອງຝຣັ່ງ ໃນວັນດຽວກັນນັ້ນ ແກ໊ງກ໊ອງ ງັດຟອມເກັ່ງເອົາຊະນະ ແຣນ ທີມຄູ່ແຂ່ງຮ່ວມລີກເອິງໄປ 2-0 ໄດ້ແຊັມ ເຟຣນ ຄັບ ສະໄໝທີ 2 ໃນການແຂ່ງຂັນຮອບຊີງຊະນະເລີດ ພ້ອມທັງໄດ້ຮັບສິດໄປແຂ່ງຂັນບານເຕະ ຢູໂຣປາ ລີກ ລະດູການໜ້າເປັນໂບນັດ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...