spot_img
Homeຂ່າວຕ່າງປະເທດກຳປູເຈຍ ສົ່ງໜັງສືປະທ້ວງບໍລິສັດອິນເດຍ ຄັດຄ້ານການປຸກສິ່ງກໍ່ສ້າງຮຽນແບບ ຜາສາດຫີນນະຄອນວັດ!

ກຳປູເຈຍ ສົ່ງໜັງສືປະທ້ວງບໍລິສັດອິນເດຍ ຄັດຄ້ານການປຸກສິ່ງກໍ່ສ້າງຮຽນແບບ ຜາສາດຫີນນະຄອນວັດ!

Published on

INDIA-CAMBODIA-RELIGION-ARCHITECTURE-TOURISM-FILES

ກຳປູເຈຍ ສົ່ງໜັງສືປະທວ້ງບໍລິສັດອິນເດຍ ຫລັງພົບວ່າມີແຜນຈະສ້າງສິ່ງປຸກສ້າງ ຮຽນແບບຜາສາດຫີນນະຄອນວັດທີ່ມີຊື່ສຽງຂອງປະເທດ.

ສຳນັກຂ່າວຕ່າງປະເທດ ລາຍງານໃນວັນທີ 6 ມິຖຸນາຜ່ານມານີ້ວ່າ ທ່ານ ກອຍ ເກືອງ ໂຄສົກກະຊວງການຕ່າງປະເທດ ແລະ ການຮ່ວມມືລະຫວ່າງປະເທດ ແຫ່ງຣາຊະອານາຈັກກຳປູເຈຍ ໄດ້ອ່ານຖະແຫລງວ່າ ລັດຖະບານກຳປູເຈຍ ໄດ້ສົ່ງໜັງສືປະທ້ວງໄປຍັງກະຊວງການຕ່າງປະເທດຂອງອິນເດຍ ເພື່ອຕ້ອງການໃຫ້ ບໍລິສັດ Mahavir Mandir Trust ຂອງອິນເດຍ ຢຸດຕິການກໍ່ສ້າງທີ່ຮຽນແບບຈາກຜາສາດຫີນນະຄອນວັດຂອງກຳປູເຈຍ ໂດຍໜັງສືປະທ້ວງໄດ້ລະບຸວ່າ ລັດຖະບານກຳປູເຈຍ ເຫັນການກໍ່ສ້າງທີ່ເປັນການຈຳລອງ ຜາສາດຫີນນະຄອນວັດຂອງພວກເຮົາ ເພື່ອຈຸດປະສົງໃນທາງການຄ້າ ເຊິ່ງເປັນການລະເມີດຢ່າງຮ້າຍແຮງ ຕໍ່ກັບຊັບສິນມໍລະດົກໂລກທີ່ມີຄຸນຄ່າຄວາມໂດດເດັ່ນໃນລະດັບສາກົນ ແລະ ຍິ່ງໄປກ່ວານັ້ນ ຜາສາດຫີນນະຄອນວັດ ຍັງເປັນສັນຍາລັກທີ່ໃຊ້ໃນທຸງຊາດຂອງກຳປູເຈຍ ມານັບເປັນເວລາຫລາຍສະຕະວັດ.

ທັງນີ້ ບໍລິສັດ Mahavir Mandir Trust ມີແຜນຈະສ້າງສິ່ງປູກສ້າງທີ່ຖອດແບບມາຈາກຜາສາດຫີນ ນະຄອນວັດ ເຊິ່ງຈະສ້າງຂຶ້ນຢູ່ແຂວງພິຫານ ຂອງປະເທດອິນເດຍ.

ຜາສາດຫີນນະຄອນວັດ ແມ່ນຕັ້ງຢູ່ແຂວງສຽມຣາດ ທາງພາກຕາເວັນຕົກສຽງເໜືອຂອງກຳປູເຈຍ ໄດ້ຖືກຈັດໃຫ້ເປັນມໍລະດົກໂລກ ໃນປີ 1992 ແລະ ເປັນສະຖານທີ່ທ່ອງທ່ຽວຍອດນິຍົມທີ່ສຸດແຫ່ງໜຶ່ງ ໃນປະເທດກຳປູເຈຍ.

 

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...