spot_img
Homeຂ່າວການພັດທະນາສະຫະລັດອາເມຣິກາ ສືບຕໍ່ຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

ສະຫະລັດອາເມຣິກາ ສືບຕໍ່ຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

Published on

ameracaa

ໃນວັນທີ 16 ຕຸລານີ້, ທ່ານ ເບັນຈາມິນ ຣອດ (Benjamin Rhodes) ຮອງທີ່ປຶກສາດ້ານຄວາມໝັ້ນຄົງແຫ່ງຊາດສະຫະລັດອາເມລິກາ, ໄດ້ປະກາດໃຫ້ທຶນມູນຄ່າ 2,2 ລ້ານໂດລາສະຫະລັດ, ເພື່ອສະໜັບສະໜູນວຽກງານເກັບກູ້ລະເບີດບໍ່ທັນແຕກ (UXO) ຢູ່ ສປປ ລາວ ໂດຍສະເພາະຢູ່ແຂວງຫົວພັນ, ຊຽງຂວາງ, ຄຳມ່ວນ, ສະຫວັນນະເຂດ,ສາລະວັນ ແລະ ຈຳປາສັກ.

ທ່ານຮອງທີ່ປືກສາດັ່ງກ່າວເວົ້າວ່າ: ສະຫະລັດ ອາເມລິກາ ມີຄວາມມຸ່ງໝັ້ນທີ່ຈະຊ່ວຍເຫຼືອລາວ ໃນການເກັບກູ້ລະເບີດບໍ່ທັນແຕກ ອອກຈາກພື້ນທີ່ທີ່ຍັງມີລະເບີດຕົກຄ້າງ ເພື່ອຫຼຸດຜ່ອນອັດຕາການເສຍຊີວິດ, ເພີ່ມເຂດພື້ນທີ່ການປູກຝັງ ແລະ ທັງຫຼຸດຜ່ອນຄວາມທຸກຍາກຂອງປະຊາຊົນລາວບັນດາເຜົ່າ. ຂະນະທີ່ໃນວັນທີ 17 ຕຸລານີ້, ທ່ານຮອງທີ່ປືກສາດ້ານຄວາມໝັ້ນຄົງແຫ່ງຊາດສະຫະລັດ, ໄດ້ໄປຢ້ຽມ ຢາມທີມງານເກັບກູ້ລະເບີດຂອງລາວ ທີ່ປະຕິບັດຫນ້າທີ່ເກັບກູ້ລະເບີດບໍ່ທັນແຕກຢູ່ບ້ານປາກອູແຂວງຫຼວງພະບາງ ແລະ ທ່ານໄດ້ກ່າວສະແດງຄວາມປະທັບໃຈ ຕໍ່ຄວາມມຸ້ງໝັ້ນຂອງທີມເກັບກູ້ລະເບີດລາວທີ່ໄດ້ປະກອບສ່ວນເຂົ້າໃນວຽກງານດັ່ງກ່າວ, ເຊິ່ງເຫັນວ່າມັນມີຄວາມສຳຄັນຫຼາຍທີ່ສຸດສຳລັບຄົນລາວ.

ນັບແຕ່ປີ 1993 ເປັນຕົ້ນມາ, ສະຫະລັດອະເມລິກາ, ໄດ້ໃຫ້ການຊ່ວຍເຫຼືອໃນວຽກງານເກັບກູ້ລະເບີດບໍ່ທັນແຕກຢູ່ລາວ, ມີມູນຄ່າຫຼາຍກວ່າ 83 ລ້ານໂດລາສະຫະລັດ, ສະເພາະປີ 2015 ອາເມລິກາໄດ້ໃຫ້ທຶນເປັນມູນຄ່າຫລາຍກວ່າ 15 ລ້ານໂດລາສະຫະລັດ, ເພື່ອນໍາໃຊ້ເຂົ້າໃນການສະໜັບສະໜູນ ການເກັບກູ້ລະເບີດບໍ່ທັນແຕກທີ່ໄດ້ຄົ້ນພົບໃນເຂດພື້ນທີ່ມີລະເບີດຕົກຄ້າງໃນຂອບເຂດທົ່ວປະເທດ. ນອກຈາກນີ້, ຍັງມີໂຄງການຊ່ວຍເຫລືອຜູ້ຖືກເຄາະຮ້າຍ, ເຊິ່ງຈະເຮັດຫນ້າທີ່ສະໜອງການບໍລິການໂດຍກົງຕໍ່ຜູ້ລອດຊີວິດ ຈາກອຸປະຕິເຫດລະເບີດບໍ່ທັນແຕກ ແລະ ຄອບຄົວຂອງເຂົາເຈົ້າ ເພື່ອຊ່ວຍສ້າງຄວາມເຂັ້ມແຂງໃນການຊ່ວຍເຫຼືອເບື້ອງຕົ້ນ, ການຕອບສະໜອງສຸກເສີນ ໃນດ້ານການຊ່ວຍເຫຼືອສິ່ງອຳນວຍຄວາມສະດວກ ອັນສຳຄັນທາງດ້ານສຸຂະພາບ ແລະ ທຶນສໍາລັບການປູກຈິດສໍານຶກຕໍ່ກັບຄວາມສ່ຽງ, ໂດຍສະເພາະແມ່ນເດັກນ້ອຍ ຕໍ່ຄວາມອັນຕະລາຍຂອງລະເບີດບໍ່ທັນແຕກ ກໍຈະສືບຈັດຕັ້ງປະຕິບັດໄປຄຽງຄູ່ກັນໃຫ້ຫລາຍຂຶ້ນເລື້ອຍໆ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...

ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ

ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40...

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ມູນຄ່າ 15 ຕື້ດົງ

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ. ວັນທີ 11 ເມສາ 2025,​ ໄດ້ມີພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ແຕ່ກ່ອນແມ່ນອາຄານຫ້ອງການພະແນກການຕ່າງປະເທດແຂວງ ຫຼື​ ອາຄານເກົ່າຫ້ອງວ່າການແຂວງ.​...