spot_img
Homeຂ່າວການພັດທະນານະຄອນຫລວງວຽງຈັນ ປັບປຸງການເສັງໃບຂັບຂີ່ ເປັນລະບົບທັນສະໄໝ ແລະ ໂປ່ງໃສ!

ນະຄອນຫລວງວຽງຈັນ ປັບປຸງການເສັງໃບຂັບຂີ່ ເປັນລະບົບທັນສະໄໝ ແລະ ໂປ່ງໃສ!

Published on

nuansay

ຂປລ. ​ເລີ່​ມ​ແຕ່​ປີ 2014 ​ເປັນຕົ້ນມາ ກອງ​ຄຸ້ມ​ຄອງ​ພາຫະນະ ​ແລະ ການ​ຂັບ​ຂີ່ ນະຄອນຫລວງ​ວຽງ​ຈັນ ​ໄດ້​ພັດທະນາ​ ການ​ສອບ​ເສັງ​ໃບ​ຂັບ​ຂີ່​ ໃຫ້ ​ເປັນ​ລະບົບ​ທັນ​ສະ​ໄໝ ​ໂດຍ​ການ​ນຳ​ໃຊ້ ​ລະບົບ​ຄອມ​ພິວ​ເຕີ ​ເຂົ້າ​ໃນ​ການ​ສອບ​ເສັງ​ພາກ​ທິດ​ສະ​ດີ ​ແລະ ຕົວ​ຈິງ ​ເຊິ່ງສາມາດ​ຮັບປະກັນ​ ຄວາມ​ໂປ່​ງ​​ໄສ, ຊັດ​ເຈນ, ວ່ອງ​ໄວ ທັງ​ຮັບປະກັນ​ ຄຸນ​ນະພາບ ຂອງ​ຜູ້​ຂັບ​ຂີ່.

ທ່ານ ນວນ​ໄຊ ພະ​ໄຊ​ສົມບັດ ຫົວໜ້າ​ກອງ​ຄຸ້ມ​ຄອງ​ ພາຫະນະ ​ແລະ ການ​ຂັບ​ຂີ່ ນະຄອນຫລວງ​ວຽງ​ຈັນ ​ໄດ້​ໃຫ້​ສຳພາດ​ວ່າ: ການ​ສອບ​ເສັງ​ໃບ​ຂັບ​ຂີ່ ຢູ່​ນະຄອນຫລວງ​ວຽງ​ຈັນ ​ແມ່ນ​ມີ​ຄວາມ​ໂປ່​ງ​​ ໄສ, ບໍ່​ສາມາດ​ຊື້​ຈ້າງ​ໄດ້​ຢ່າງ​ແນ່ນອນ ​ເນື່ອງ​ຈາກ​ປັດຈຸບັນ ​ແມ່ນ​ໄດ້​ພັດທະນາ​ການ​ສອບ​ເສັງ​ ໃຫ້​ເຂົ້າສູ່​ລະບົບ​ເຕັກ​ໂນ​ໂລ​ຊີ ທີ່​ທັນ​ສະ​ໄໝ, ມີ​ການ​ເກັບ​ກຳ​ຂໍ້​ມູນ ​ແລະ ​ໃຫ້​ຄະ​ແນນ​ ດ້ວຍ​ລະບົບ​ຄອມ​ພິວ​ເຕີ, ການ​ສອບ​ເສັງ​ແມ່ນ ​ເປັນ​ໄປ​ຕາມ​ກົນ​ໄກ​ທີ່​ກຳນົດ​ໄວ້​ ຜູ້​ສອບ​ເສັງ​ຕ້ອງ​ມີ​ຄວາມ​ຮູ້, ຄວາມ​ສາມາດ ​ແລະ ມີໜ້າ​ມາ​ສອບ​ເສັງ​ຕົວ​ຈິງ ຈຶ່ງ​ໄດ້​ຮັບ​ໃບ​ຂັບ​ຂີ່. ຜ່ານ​ການ​ນຳ​ໃຊ້​ລະບົບ​ດັ່ງກ່າວ ​ແມ່ນ​ເຮັດ​ໃຫ້ການ​ສອບ​ເສັງ​ ໃບ​ຂັບ​ຂີ່​ມີ​ຄວາມ​ໂປ່​ງ​ໃສ.

ທ່ານ ນວນ​ໄຊ ພະ​ໄຊ​ສົມບັດ ຍັງ​ໃຫ້​ຮູ້​ຕື່ມ​ວ່າ: ການ​ສອບ​ເສັງ​ໃບ​ຂັບ​ຂີ່​ ໃນ​ພາກ​ທິດ​ສະ​ດີ ​ແລະ ຕົວ​ຈິງ ​ແມ່ນ​​​ລະບົບ​ຄອມ​ພິວ​ເຕີ​ ​ເປັນ​ສິ່ງ​ຕັດສິນ ວ່າ​ຜູ້​ສອບ​ເສັງ​ມີ​ຄະ​ແນນ​ຜ່ານ ຫລື ບໍ່​ຜ່ານ, ພວກ​ເຮົາ​ບໍ່​ສາມາດ​ດັດ​ແປງ​ ຜົນ​ການ​ສອບ​ເສັງ​ ທີ່​ລະບົບ​ກຳນົດ​ອອກ​ໄດ້, ສຳລັບ​ກອງ​ຄຸ້ມ​ຄອງ​ພາຫະນະ ​ແລະ ການ​ຂັບ​ຂີ່ ​ແມ່ນ​ບໍ່​ມີ​ກຳມະການ​ຄວບ​ຄຸມ​ການ​ສອບ​ເສັງ ມີ​ແຕ່​ພະນັກງານ​ ຄຸ້ມ​ຄອງ​ລະບົບ​ໄອ​ທີ ​ເຊິ່ງ​ມີໜ້າ​ທີ່​ຄຸ້ມ​ຄອງ​ລະບົບ ​ບໍ່​ໃຫ້​​​ຂັດ​ຂ້ອງ, ການ​ສອບ​ເສັງ​ທຸກຂັ້ນຕອນ​ແມ່ນ ​ລະບົບ​ຄອມ​ພິວ​ເຕີ​ເປັນ​ໂຕ​ຕັດ​ສິນ ຖ້າ​ຫາກ​ຜູ້​ສອບ​ເສັງ​ມີ​ຄະ​ແນນ ​ຜ່ານ​ຕາມ​ມາດຖານ​ທີ່​ກຳນົດ​ໄວ້​ ກໍ​ຈະ​ອອກ​ໃບ​ຂັບ​ຂີ່​ໃຫ້​ພ້ອມ​ເລີຍ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສສ ຫວຽດນາມ ຕັ້ງເປົ້າໃຫ້ພາສາອັງກິດ ເປັນພາສາທີສອງ ໃນປີ 2035

ຫວຽດນາມປັບແຜນການຮຽນຄັ້ງສຳຄັນໃນປະເທດ ໂດຍຕັ້ງເປົ້າໃຫ້ພາສາອັງກິດເປັນພາສາທີສອງ ພາຍໃນປີ 2035 ເຊິ່ງຈະຄ່ອຍໆເລີ່ມໃນແຕ່ລະໂຮງຮຽນທົ່ວປະເທດ. ສຳລັບໂຄງການນີ້ ແມ່ນເລີ່ມແຕ່ປີ 2025 ໄປຈົນເຖິງປີ 2035 ແລະ ມີແຜນຈະຂະຫຍາຍໄປຕື່ມຈົນຮອດປີ 2045 ໂດຍກຳລັງຄັດເລືອກວິທະຍາໄລ ແລະ...

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...