spot_img
Homeອຸບັດເຫດແລະປາກົດການຫຍໍ້ທໍ້4 ຄົນຮ້າຍສັນຊາດຈີນປຸ້ນເຮືອນປະຊາຊົນ ຈັບໄດ້ 2 ອີກສອງໜີໄປໄດ້

4 ຄົນຮ້າຍສັນຊາດຈີນປຸ້ນເຮືອນປະຊາຊົນ ຈັບໄດ້ 2 ອີກສອງໜີໄປໄດ້

Published on

ເຈົ້າໜ້າທີ່ ປກສ ເມືອງໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ ເວລາປະມານ 17:10 ໂມງຂອງວັນທີ 20 ມີນາ 2018 ນີ້, ໄດ້ມີຄົນຮ້າຍ 4 ຄົນ, ສັນຊາດຈີນ ໄດ້ປຸ້ນເຮືອນປະຊາຊົນຫລັງໜຶ່ງຢູ່ເຂດບ້ານໂພນທັນ ເມືອງໄຊເສດຖາ, ເຊິ່ງເຮືອນຫລັງດັ່ງກ່າວອອກຊື່ນາງ ສຸມາໄລ ອາຍຸ 52 ປີຢູ່ແຂວງຈໍາປາສັກ ແລ້ວໄດ້ໃຫ້ທ້າວ ວັງຟູເຢຍ, ສັນຊາດຈີນ, ອາຊີບນັກທຸລະກິດເຊົ່າຢູ່.

ໂດຍຄົນຮ້າຍໄດ້ໃຊ້ລົດຕູ້ສະຕາແລັກສີປອນເລກທະບຽນ ມດ 8866 ກໍາແພງນະຄອນ ຂີ່ມາຈອດໜ້າເຮືອນແລ້ວບຸກລົງມາມັດມືນາງ ປາ ຈັນທະວົງເດືອນ ອາຍຸ 31 ປີຢູ່ບ້ານສະພັງໝໍ້ເມືອງໄຊເສດຖາ, ເຊິ່ງເປັນແຟນຂອງທ້າວ ວັງຟູເຢຍ. ຈາກນັ້ນໄດ້ມີພົນລະເມືອງດີເຫັນເຫດການ ຈຶ່ງໄດ້ແຈ້ງໃຫ້ເຈົ້າໜ້າທີ່ ປກສ ບ້ານນໍາກໍາລັງເຂົ້າປິດລ້ອມ ແລະ ສາມາດຈັບຕົວຄົນຮ້າຍໄດ້ສອງຄົນ (ເບື້ອງຕົ້ນຍັງບໍ່ຊາບຊື່) ແລະ ອີກສອງຄົນສາມາດຫລົບໜີໄປໄດ້, ໂດຍອຸປະກອນທີ່ນໍາໃຊ້ໃນການກໍ່ເຫດຄັ້ງນີມີພ້າດວງໜຶ່ງຍາວປະມານ 50 ຊັງຕີແມັດ, ສ່ວນຊັບສີນທີ່ເສຍຫາຍຍັງບໍ່ສາມາດລະບຸໄດ້, ເນື່ອງຈາກທ້າວ ວັງຟູເຢຍ ກໍ່ໄດ້ເອົາຕົວຫລົບໜີເຊັ່ນກັນ.

ປັດຈຸບັນຄົນຮ້າຍສອງຄົນທີ່ຈັບໄດ້ແມ່ນມອບໃຫ້ເຈົ້າໜ້າທີ່ ປກສ ນະຄອນຫລວງເອົາຕົວໄປສືບສວນ-ສອບສວນ ຂະຫຍາຍຜົນຫາຜູ້ຮ່ວມຂະບວນການ ເພື່ອຈັບຕົວມາດໍາເນີນຄະດີຕາມລະບຽບກົດໝາຍ ແລະ ຄະດີມີຄວາມຄືບໜ້າແນວໃດພວກເຮົາຈະລາຍງານໃຫ້ຊາບຕື່ມອີກ.

 

ແຫລ່ງຂ່າວ : ໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...