spot_img
Homeຂ່າວພາຍ​ໃນລວມພາບ ເຫດເຮືອບິນ ກອງທັບອາກາດຕົກທີ່ແຂວງຊຽງຂວາງ

ລວມພາບ ເຫດເຮືອບິນ ກອງທັບອາກາດຕົກທີ່ແຂວງຊຽງຂວາງ

Published on

ພາບ/ຂໍ້ຄວາມຈາກ facebook.com/LaosPictures  ຂໍອະໄພ ບາງພາບບໍ່ເອາມາສະແດງ

ແຈ້ງຂ່າວເສົ້າສະຫລົດໃຈ

ຄະນະບໍລິຫານງານສູນກາງພັກ, ສະພາແຫ່ງຊາດ, ລັດຖະບານ, ສູນກາງແນວລາວ ສ້າງຊາດ,ກະຊວງປ້ອງກັນ ປະເທດ,ກະຊວງປ້ອງກັນ ຄວາມສະຫງົບ,ນະຄອນຫລວງວຽງຈັນ, ຄະນະໂຄສະນາອົບຮົມສູນກາງພັກ, ພ້ອມດ້ວຍຄອບຄົວພິຈິດ, ຄອບຄົວແສງອາພອນ, ຄອບຄົວມະຫາລາດ ແລະ ຄອບຄົວສົມບູນຂັນ ຂໍແຈ້ງຂ່າວດ້ວຍຄວາມເສົ້າສະຫລົດໃຈມາຍັງສະມາຊິກພັກ, ພະນັກງານ, ນາຍ ແລະ ພົນທະຫານ, ນາຍ ແລະ ພົນຕຳຫລວດ ແລະ ພີ່ນ້ອງຮ່ວມຊາດ ຊາບທົ່ວເຖິງກັນວ່າ:
ສະຫາຍ ພົນໂທ ດວງໃຈ ພິຈິດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ;
ສະຫາຍ ທອງບັນ ແສງອາພອນ, ເລຂາທິການສູນກາງພັກ,ລັດຖະມົນ ຕີວ່າການກະຊວງປ້ອງກັນຄວາມສະຫງົບ
ສະຫາຍ ສຸກັນ ມະຫາລາດ,ເລຂາທິ ການສູນກາງພັກ,ເລຂາຄະນະພັກ,ທັງເປັນ ເຈົ້າຄອງນະຄອນຫລວງວຽງຈັນ,
ສະຫາຍ ເຈືອງ ສົມບູນ ຂັນ, ເລຂາທິການສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກ
ໄດ້ເຖິງແກ່ມໍລະນະກຳແລ້ວ, ຍ້ອນອຸບັດເຫດຍົນອານ 74 TK 300 ຂອງກອງທັບອາກາດລາວຕົກເມື່ອວັນທີ17/05/2014, ເວລາປະມານ7:00ໂມງ ໃນເວລາເດີນທາງໄປປະຕິບັດໜ້າ ທີ່ທາງລັດຖະການ ຢູ່ແຂວງຊຽງຂວາງ.

ເພື່ອຈາລຶກຄຸນງາມຄວາມດີຂອງ 4 ສະຫາຍທີ່ໄດ້ອຸທິດແກ່ປະເທດຊາດ ແລະ ການປະຕິວັດເປັນເວລາຫລາຍສິບປີ, ດ້ວຍຄວາມອາໄລອາວອນຢ່າງສຸດຊຶ້ງຕໍ່ 4 ສະຫາຍ, ຊຶ່ງເປັນພະນັກງານການນຳຂັ້ນສູງຂອງ ພັກ ແລະ ລັດ,ຄະນະບໍລິຫານງານສູນກາງພັກ, ສະພາແຫ່ງຊາດ, ລັດຖະບານ, ສູນກາງແນວລາວສ້າງຊາດ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ນະຄອນຫລວງວຽງຈັນ, ຄະນະ ໂຄສະນາອົບອົມສູນກາງພັກ, ໄດ້ຕົກລົງຈັດຕັ້ງພິທີຊາປະນະກິດສົບ ແລະ ພິທີໄວ້ອາໄລເຖິງ 4 ສະຫາຍຢ່າງສົມກຽດເປັນເວລາ 3 ວັນ ນັບແຕ່ວັນທີ 17ເຖິງ19 ພຶດສະພາ 2014.

ປະຈຸບັນສົບຂອງສະຫາຍ ພົນໂທ ດວງໃຈ ພິຈິດ ໄດ້ບຳເພັນກຸສົນໄວ້ຢູ່ ທີ່ສະໂມສອນກະຊວງປ້ອງກັນປະເທດ (ໂພນເຄັງ),
ສົບຂອງ ສະຫາຍ ທອງບັນ ແສງອາພອນ ໄດ້ບຳເພັນກຸສົນໄວ້ຢູ່ ທີ່ສະໂມສອນກະຊວງປ້ອງກັນຄວາມສະຫງົບ,
ສະຫາຍ ສຸກັນ ມະຫາ ລາດ ໄດ້ບຳເພັນກຸສົນໄວ້ ຢູ່ທີ່ສະໂມສອນ ຫ້ອງວ່າການນະຄອນຫລວງ,
ສະຫາຍ ເຈືອງ ສົມບູນຂັນ ໄດ້ບຳເພັນກຸສົນໄວ້ຢູ່ ທີ່ເຮືອນຂອງເພິ່ນເອງ ບ້ານຄຳຮຸ່ງ ເມືອງໄຊທານີ,
ວັນຊາປະນະກິດສົບຈະໄດ້ຈັດຂຶ້ນຢ່າງເປັນທາງການໃນວັນຈັນ, ວັນທີ 19/05/2014.

ສ່ວນວັນ ແລະ ສະຖານທີ່ ຈັດພິ ທີຊາປະນະກິດສົບ ຈະໄດ້ແຈ້ງຂ່າວໃຫ້ຊາບພາຍຫລັງ.

ດັ່ງນັ້ນ, ຈຶ່ງແຈ້ງຂ່າວມາຍັງມາສະມາຊິກພັກ, ພະນັກງານ, ນາຍ ແລະ ພົນທະຫານ, ນາຍ ແລະ ພົນຕຳຫລວດ ແລະ ປະຊາຊົນບັນດາ ເຜົ່າໃນ ທົ່ວປະເທດເພື່ອຊາບ.

ນະຄອນຫລວງ ວຽງຈັນ, ວັນທີ 17 ພຶດສະພາ 2014
ຄະນະບໍລິຫານງານສູນກາງພັກ
ສະພາແຫ່ງຊາດ
ລັດຖະບານ
ສູນກາງແນວລາວສ້າງຊາດ
ກະຊວງປ້ອງກັນປະເທດ
ກະຊວງປ້ອງກັນຄວາມສະຫງົບ
ນະຄອນຫລວງວຽງຈັນ
ຄະນະໂຄສະນາອົບຮົມສູນກາງພັກ

ສຳນັກຂ່າວສານປະເທດລາວ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...