ນາງສາວລາວ 2016 ປີນີ້ ຖືວ່າຄຶກຄັກກວ່າທຸກປີ ເພາະຫຼັງຈາກນາງສາວລາວໄດ້ຮັບຕຳແໜ່ງ ກໍ່ມີຂ່າວຜົນງານຂອງເຫຼົ່າບັນດານາງງາມມາອັບເດດໃຫ້ແຟນບັນເທີງອ່ານຢູ່ເປັນປະຈຳ ແລະ ມື້ນີ້ກໍ່ມີອີກໜຶ່ງຂ່າວຄາວຈະມາອັບເດດໃຫ້ໄດ້ອ່ານນຳກັນ ເພາະຕອນນີ້ທາງ ເພສ ນາງສາວລາວ ໄດ້ເປີດເຜີຍໃຫ້ຮູ້ວ່າ. ປັດຈຸບັນມີ 4 ນາງສາວລາວ ທີ່ເຂົ້າຮ່ວມການຮ່ວມຄັດເລືອກນັກສະແດງຫຼັກ ໃນຮູບເງົາເລື່ອງໃໝ່ ເປັນຮູບເງົາ ການຮ່ວມມືລະຫວ່າງ ລາວ ແລະ ຈີນ ແຕ່ຈະເປັນຊື່ເລື່ອງຫຍັງນັ້ນ ຂໍປິດໄວ້ກ່ອນ
ເຊິ່ງ 4 ນາງສາວທີ່ເຂົ້າຮ່ວມການຄັດເລືອກນັກສະແດງຫຼັກໃນຄັ້ງນີ້ປະກອບມີ
ບຸດສະບາ ນາງສາວລາວ 2016, ໄໝຄຳ ຮອງອັນດັບສາມນາງສາວລາວ 2016, ສະຕິວ ຮອງອັນດັບສີ່ ນາງສາວລາວ 2016 ແລະ ອາພັດຊະລິນຍາ ໜຶ່ງໃນຜູ້ເຂົ້າປະກວດນາງສາວລາວ 2016
ບົດທີ່ໄດ້ທົດສອບການສະແດງແມ່ນບົດຂອງຕົວຫຼັກຂອງເລື່ອງ ເຊິ່ງທັງ 4 ນາງສາວ ຕ້ອງໄດ້ສະແດງບົດດຣາມານ້ຳຕານອງ ເຊິ່ງຕ້ອງໄດ້ສະແດງຄວາມຮູ້ສຶກເສົ້າ, ເສຍໃຈ ທີ່ຕ້ອງພັດພາກຈາກຄົນຮັກ
ງານນີ້ບອກເລີຍວ່າບໍ່ແມ່ນເລື່ອງກ້ວຍໆຂອງ 4 ນາງສາວແລ້ວ ແຕ່ທຸກຄົນກໍ່ເຮັດຜົນງານອອກມາດີເກີນຄາດ ເອົາເປັນວ່າເຮົາຕ້ອງຕິດຕາມກັນຕໍ່ໄປ ວ່າໃຜຈະຖືກເລືອກໃຫ້ເປັນນັກສະແດງໃນຮູບເງົາເລື້ອງນີ້ ເຊິ່ງຮູບເງົາເລື່ອງດັ່ງກ່າວຈະເປີດກ້ອງຖ່າຍທຳໃນວັນທີ 30 ທັນວານີ້, ຫາກມີຂ່າວຄືບໜ້າແນວໃດ ແອັດມິນຈະມາອັບເດດໃຫ້ຮູ້ນຳກັນແນ່ນອນ
ແຕ່ຕອນນີ້ເຮົາມາເບິ່ງການສະແດງຂອງທັງ ສີ່ສາວງາມກັນດີກວ່າວ່າພວກນາງສະແດງອອກມາເປັນແນວໃດ
ເລີ່ມຈາກສາວຄົນນີ້ ບຸດສະບາ ແສງປັນ ນາງສາວລາວ 2016 ອາລົມກຳລັງຮູ້ສຶກເສົ້າ, ເສຍໃຈ ທີ່ຕ້ອງພັດພາກຈາກຄົນຮັກ
ໄໝຄຳ ຮອງອັນດັບສາມນາງສາວລາວ 2016 ອາລົມກຳລັງຮູ້ສຶກເສົ້າ, ເສຍໃຈ ທີ່ຕ້ອງພັດພາກຈາກຄົນຮັກ
ສະຕິວ ຮອງອັນດັບສີ່ ນາງສາວລາວ 2016 ອາລົມກຳລັງຮູ້ສຶກເສົ້າ, ເສຍໃຈ ທີ່ຕ້ອງພັດພາກຈາກຄົນຮັກ
ອາພັດຊະລິນຍາ ໜຶ່ງໃນຜູ້ເຂົ້າປະກວດນາງສາວລາວ 2016 ອາລົມກຳລັງຮູ້ສຶກເສົ້າ, ເສຍໃຈ ທີ່ຕ້ອງພັດພາກຈາກຄົນຮັກ
ເຫັນພາບການສະແດງຂອງທັງສີ່ສາວ ຕ້ອງບອກຄຳດຽວເລີຍວ່າສຸດຍອດກັນທັງນັ້ນ ດັ່ງນັ້ນຢ່າລືມຕິດຕາມຜົນງານດ້ານການບັນເທີງຂອງພວກນາງດ້ວຍ ເບິ່ງແຕ່ລະຄົນອານາຄົດງານບັນເທີງໄປໄກທຸກຄົນ.
ຂອບໃຈຂໍ້ມູນຂ່າວ ແລະ ຮູບພາບປະກອບຈາກ: MISS LAOS ນາງສາວລາວ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!