spot_img
Homeອຸບັດເຫດແລະປາກົດການຫຍໍ້ທໍ້ຂົວຂ້າມທາງ ແດນເຈົ້າພາບບານໂລກຖະຫຼົ່ມທັບລົດ ເສຍຊີວິດຢ່າງໜ້ອຍ 1​ລາຍ!

ຂົວຂ້າມທາງ ແດນເຈົ້າພາບບານໂລກຖະຫຼົ່ມທັບລົດ ເສຍຊີວິດຢ່າງໜ້ອຍ 1​ລາຍ!

Published on

 

Rescue workers try to reach vehicles trapped underneath a bridge that collapsed while under construction in Belo Horizonte

 

ສຳນັກຂ່າວຣອຍເຕີຂອງອັງກິດລາຍງານວ່າ ເກີດເຫດຂົວຂ້າມຖະໜົນທີ່ຢູ່ລະຫວ່າງການກໍ່ສ້າງ ພັງຖະຫຼົ່ມລົງມາທັບລົດຍົນ

ໃນເມືອງ ເບໂລ ຮໍຣີຊອນເຕ ຂອງເບຣຊິນ ມື້ວານນີ້ (3 ກໍລະກົດ) ເຮັດໃຫ້ມີຜູ້ເສຍຊີວິດຢ່າງໜ້ອຍ 1 ຄົນ ແລະ ນັບເປັນອຸບັດ

ຕິເຫດຮ້າຍແຮງຄັ້ງລ່າສຸດ ທີ່ເຮັດໃຫ້ພາບລັກຂອງເບຣຊິນ ເຊິ່ງໄດ້ຮັບກຽດເປັນເຈົ້າພາບບານໂລກໃນປີນີ້ເສື່ອມເສຍ.

 

ຂົວແຫ່ງນີ້ຢູ່ຫ່າງຈາກສະໜາມກິລາ ມິເນເຣົາ ສະເຕດຽມ ເຊິ່ງເປັນສະຖານທີ່ຈັດການແຂ່ງຂັນບານໂລກ ພຽງ 3 ກິໂລແມັດ

ໂດຍໄດ້ພັງຖະຫຼົ່ມລົງມາ ໃນຂະນະທີ່ລົດຫຼາຍຄັນກຳລັງໃຊ້ຖະໜົນຢູ່ດ້ານລຸ່ມຂອງຂົວ, ລົດປະຈຳທາງຄັນໜຶ່ງ ຖືກຂົວຖະຫຼົ່ມ

ລົງມາທັບດ້ານໜ້າ ໃນຂະນະທີ່ລົດຍົນສ່ວນບຸກຄົນອີກຄັນໜຶ່ງ ຍັງຄົງຕິດຢູ່ໃຕ້ຊາກຂອງຂົວ ໃນສະພາບເປ່ເພໜັກໜ່ວງ.

 

ຂົວທີ່ກຳລັງກໍ່ສ້າງນີ້ ແມ່ນກ່າຍຂ້າມຖະໜົນສາຍໃຫຍ່ ທີ່ເຊື່ອມລະຫວ່າງສະໜາມກິລາ ມິເນເຣົາ ສະເຕດຽມ ກັບສະໜາມ

ບິນສາກົນ ແລະ ເປັນສ່ວນໜຶ່ງຂອງໂຄງການລົດປະຈຳທາງດ່ວນພິເສດ (Bus Rapid Transit – BTR) ທີ່ທາງການເບຣຊິນ

ສັນຍາວ່າຈະສ້າງໃຫ້ສຳເລັດ ທັນການເປີດການແຂ່ງຂັນບານໂລກຢ່າງແນ່ນອນ.
ງົບປະມານມະຫາສານ ທີ່ລັດຖະບານເບຣຊິນທຸ່ມເພື່ອກະກຽມ ທາງດ້ານສາທາລະນຸປະໂພກ ແລະ ພື້ນຖານໂຄງລ່າງສຳລັບ

ການເປັນເຈົ້າພາບບານໂລກ 2014 ໄດ້ເຮັດໃຫ້ຊາວເບຣຊິນອອກມາເດີນຂະບວນຕໍ່ຕ້ານທົ່ວປະເທດ ໃນຮອບ 1 ປີທີ່ຜ່ານ

ມາ, ແຕ່ໃນຊ່ວງ 2 – 3 ອາທິດມານີ້ ເຫດການຈະລາຈົນວຸ່ນວາຍ ໄດ້ຫຼຸດລົງໄປຫຼາຍ ເຮັດໃຫ້ການແຂ່ງຂັນເປັນໄປຢ່າງລຸໂລ່ງ

ດີກ່ວາທີ່ທີ່ແຟນບານ ແລະ ລັດຖະບານເບຣຊິນຄາດໝາຍເອົາໄວ້.

 

ຢ່າງໃດກໍຕາມ ໂຄງການກໍ່ສ້າງທີ່ຖືກເລັ່ງລັດ ເພື່ອໃຫ້ສ້າງໃຫ້ສຳເລັດທັນການແຂ່ງຂັນບານໂລກ ກໍນຳມາເຊິ່ງອຸບັດຕິເຫດ

ຮ້າຍແຮງຫຼາຍຄັ້ງ ໂດຍມີຄົນງານ 8 ຄົນ ເສຍຊີວິດລະຫວ່າງການກໍ່ສ້າງສະໜາມກິລາ ໃນ 12 ເມືອງ ເຊິ່ງເປັນສະຖານທີ່ເປີດ

ການແຂ່ງຂັນ. ດ້ານປະທານາທິບໍດີ ດິນມາ ຮຸສເຊບ ແຫ່ງເບຣຊິນ ໄດ້ໂພສຂໍ້ຄວາມລົງທາງທະວິດເຕີ້ ເມື່ອວານນີ້ (3 ກໍລະກົດ)

ເພື່ອສະແດງຄວາມເສຍໃຈ ຕໍ່ຄອບຄົວຂອງຜູ້ເຄາະຮ້າຍ ແລະ ຢືນຢັນວ່າ ລັດຖະບານກາງພ້ອມທີ່ຈະໃຫ້ຄວາມຊ່ວຍເຫຼືອ

ໜ່ວຍງານທ້ອງຖິ່ນໃນທຸກໆເລື່ອງທີ່ຈຳເປັນ.

 

ການລາຍງານຕົວເລກຜູ້ບາດເຈັບ ແລະ ເສຍຊີວິດຈາກເຫດຂົວຖະຫຼົ່ມດັ່ງກ່າວ ໃນເມືອງ ເບໂລ ຮໍຣິຊອນເຕ ຍັງຂ້ອນຂ້າງ

ສັບສົນ, ທາງສຳນັກງານດັບເພີງປະຈຳເມືອງ ຢືນຢັນຍອດຜູ້ເສຍຊີວິດ 1 ລາຍ, ບາດເຈັບ 19 ລາຍ, ໃນຂະນະທີ່ໂຄສົກກະຊວງ

ສາທາລະນະສຸກ ໄດ້ອອກມາຖະແຫຼງກ່ອນໜ້ານັ້ນວ່າ ມີຜູ້ເສີຍຊີວິດເຖິງ 2 ຄົນ ແຕ່ພາຍຫຼັງກໍອອກມາແກ້ຂ່າວວ່າ ໜຶ່ງໃນ

ນັ້ນຍັງບໍ່ສາມາດຢືນຢັນວ່າເສຍຊີວິດແລ້ວ ຫຼື ຍັງ.

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...