ສຳນັກຂ່າວຊິນຫົວຂອງຈີນລາຍງານເມື່ອວັນທີ 12 ມີນາທີ່ຜ່ານມາວ່າ ຂະນະທີ່ການປະຸຊມສະພາປະຊາຊົນແຫ່ງຊາດຈີນ ຊຸດທີ 13 ຄັ້ງທີ 1 ກຳລັງດຳເນີນຢູ່ທີ່ມະຫາສາລາປະຊາຊົນ ນະຄອນຫຼວງປັກກິ່ງ ປະທານາທິບໍດີ ສີຈິ້ນຜິງ ໄດ້ເນັ້ນຢ້ຳເຖິງຄວາມສຳຄັນຂອງການສ້າງສັນສິ່ງໃໝ່ທາງເທັກໂນໂລຊີການປ້ອງກັນປະເທດ ການເລັ່ງສ້າງລະບົບທີ່ຈະປະສານກອງທັບ ແລະ ປະຊາຊົນເຂົ້າດ້ວຍກັນ ແລະ ການພັດທະນາສັກກະຍາພາບໃນການປະຍຸກໃຊ້ເທັກໂນໂລຊີທັນສະໄໝ ເພື່ອຈະຜັກດັນໃຫ້ກອງທັບກ້າວໜ້າ

ນອກຈາກນີ້ ທ່ານ ສີ ຈິ້ນຜິງ ຍັງກ່າວອີກວ່າ ກອງທັບຈະຕ້ອງປະຕິບັດຕົນໃຫ້ຢູ່ໃນກອບຂອງກົດໝາຍຢ່າງເຂັ້ມງວດ ກອງທັບຄວນນຳລະບົບການກວດສອບວິໄນຂອງພັກ ໄປຮັບໃຊ້ ໃນຂະນະດຽວກັນກໍ່ສອດຄ່ອງກັບແນວທາງຂອງກົດໝາຍ ການບັງຄັບໃຊ້ກົດໝາຍຈະຕ້ອງມີການຄວບຄຸມຢ່າງເຂັ້ມງວດ ເພື່ອໃຫ້ສາມາດນຳໄປຮັບໃຊ້ໄດ້ກັບທັງຂະບວນການສ້າງກອງທັບໃຫ້ເຂັ້ມແຂງ