ເມື່ອຕອນບ່າຍຂອງວັນທີ 12 ມີນາ 2018 ໄດ້ມີພິທີເປີດຕົວສູນກາງທຸລະກິດໃໝ່ຂອງບໍລິສັດ ບອສຈ໌ ທີ່ໜ້າຕຶກທະນາຄານ ANZ ໂດຍມີຜູ້ນຳລະດັບສູງພ້ອມດ້ວຍເຈົ້າໜ້າທີ່ ແລະ ແຂກທີ່ຖືກເຊີນເຂົ້າຮ່ວມໃນການເປີດພິທີເທື່ອນີ້
ບອສຈ໌ ເຂົ້າມາມີບົດບາດໃນລາວເມື່ອປີ 2012 ໂດຍມີຫ້ອງການຜູ້ຕ່າງໜ້າບໍລິສັດ ບອສຈ໌ ໂດຍໄລຍະ 6 ປີທີ່ຜ່ານມາໃນລາວ ບອສຈ໌ ໄດ້ຖ່າຍທອດຄວາມຮູ້ ແລະ ຊ່ວຍເຫຼືອຊຸມຊົນທ້ອງຖິ່ນດ້ວຍໂຄງການ “ຜູ້ສ້າງອະນາຄົດ” ໂດຍຮ່ວມມືກັບມະຫາວິທະຍາໄລແຫ່ງຊາດ ເພື່ອໃຫ້ການຝຶກອົບຮົມວະສະວະກອນໜຸ່ມຜູ້ທີ່ມີຄວາມສາມາດ.
ຫ້ອງການບໍລິສັດ ບອສຈ໌ ຕັ້ງຢູ່ເມືອງຈັນທະບູລີ ນະຄອນຫຼວງວຽງຈັນ ປະເທດລາວ ສູນທຸລກະດໃໝ່ນີ້ແມ່ນລວມມີຫ້ອງການ, ສະຖານທີ່ຝຶກອົບຮົມ, ຫ້ອງວາງສະແດງ ພ້ອມກັບໜ່ວຍງານບໍລິການຫຼັງການຂາຍ ແລະ ໜ່ວຍຂາຍ ສຳລັບຜະລິດຕະພັນຕ່າງໆ ເປົ້າໝາຍແມ່ນແນ່ໃສ່ອຸປະກອນດ້ານພະລັງງານ, ບໍລິການຫຼັງການຂາຍສຳລັບລົດຍົນ, ລະບົບຄວາມປອດໄພ ແລະ ລະບົບຂັບເຄື່ອນ ແລະ ຄວບຄຸມ, ການຂະຫຍາຍການເຂົ້າເຖິງ ແລະ ບໍລິການລູກຄ້າ ແລະ ທຸລະກິດທ້ອງຖິ່ນ.
ບອສຈ໌ ເປັນຜູ້ຕອບສະໜອງດ້ານເຕັກໂນໂລຊີ ແລະ ການບໍລິການຊັ້ນນຳຂອງໂລກ ດ້ານອຸດສາຫະກຳຕ່າງໆບໍ່ວ່າຈະເປັນອຸປະກອນເຄື່ອງມືນຳໃຊ້ໃນການກໍ່ສ້າງ, ການສ້າງເຄື່ອງກົນຈັກວິສະວະກຳຂຸດຄົ້ນບໍ່ແຮ່ທີ່ທັນສະໄໝ, ຂະແໜງໂຊລູຊັນແຫ່ງການຂັບເຄື່ອນ, ຂະແໜງເຕັກໂນໂລຊີແຫ່ງອຸດສະຫະກຳ, ຂະແໜງສິນຄ້າອຸປະໂພກ ແລະ ບໍລິໂພກ ແລະ ຂະແໜງເຕັກໂນໂລຂີພະລັງງານ ແລະ ອາຄານ.
ບໍລິສັດ ບອສຈ໌ ປະກອບດ້ວຍບໍລິສັດ Robert Bosch GmbH ແລະ ບໍລິສັດໃນເຄືອກວ່າ 450 ບໍລິສັດ ແລະ ລວມເຖິງສຳນັກງານລະດັບພູມິພາກກວ່າ 60 ປະເທດ, ມີພະນັກງານໃນສ່ວນການຄົ້ນຄວ້າກວ່າ 62,500 ຄົນ ໃນສູນຄົ້ນຄວ້າກວ່າ 125 ແຫ່ງໃນໂລກ