ເມື່ອວັນທີ 11 ມີນາ 2018 ສຳນັກຂ່າວ AFP ລາຍງານວ່າ ໃນກອງປະຊຸມສະພາປະຊາຊົນແຫ່ງຊາດປະຈຳປີຄັ້ງທີ 13 ທີ່ສາລາປະຊາຄົມ ລັດຖະສະພາຈີນໃນນະຄອນປັກກິ່ງ ສະພາປະຊາຊົນແຫ່ງຊາດຂອງຈີນ ຫຼື NPC (National People’s Congress) ໄດ້ມີມະຕິໃຫ້ ສີຈິ້ນຜິງ ປະທານປະເທດແຫ່ງສາທາລະນະລັດປະຊາຊົນຈີນ ສາມາດດຳລົງຕຳແໜ່ງຕະຫຼອດຊີວິດ ຫຼື ຈົນກວ່າທ່ານຈະສະຫຼະຕຳແໜ່ງເອງ.
ລາຍງານລະບຸວ່າ ສະມາຊິກຜູ້ເຂົ້າຮ່ວມກອງປະຊຸມສະພາປະຊາຊົນແຫ່ງຊາດຈຳນວນ 2,958 ຄົນຈາກທັງໝົດ 3,000 ຄົນ ໄດ້ລົງຄະແນນສຽງໃຫ້ຍົກເລີກຂໍ້ກຳນົດລັດຖະທຳມະນູນໃນຂໍ້ວາລະການດຳລົງຕຳແໜ່ງຂອງປະທານປະເທດ ເພື່ອໃຫ້ສີຈິ້ນຜິງຍັງຢູ່ໃນອຳນາດຕໍ່ໄປ ຂະນະທີ່ສະມາຊິກ 3 ຄົນງົດອອກສຽງ ແລະ ມີພຽງແຕ່ 2 ຄົນທີ່ບໍ່ເຫັນດີ.
ກ່ອນໜ້ານນີ້ ລັດຖະທຳມະນູນຂອງ ສປ ຈີນກຳນົດວ່າ ປະທານປະເທດຈະສາມາດດຳລົງຕຳແໜ່ງໄດ້ບໍ່ເກີນ 5 ປີເທົ່ານັ້ນ ແລະ ໄດ້ເລີ່ມກຳນົດວ່າ ປະທານປະເທດແຕ່ລະຄົນຈະຢູ່ໃນຕຳແໜ່ງໄດ້ບໍ່ເກີນ 2 ສະໄໝ ຫຼື 10 ປີ ມາຕັ້ງແຕ່ໄລຍະປີ 1990 ເຊິ່ງ ທ່ານ ສີຈິ້ນຜິງ ດຳລົງຕຳແໜ່ງປະທານປະເທດແຫ່ງສາທາລະນະລັດປະຊາຊົນຈີນຄົນທີ 7 ມາຕັ້ງປຕ່ປີ 2013 ແລະ ມີກຳນົດຈະໝົດວາລະບໍລິຫານປະເທດໃນປີ 2023 ທີ່ຈະມາຮອດນີ້ ພັກກອມມູນິດຈີນກໍ່ມີແນວຄິດເລື່ອງການປ່ຽນແປງລັດຖະທຳມະນູນໃນຂໍ້ດັ່ງກ່າວມາດົນແລ້ວ ຈົນນຳມາສູ່ການປ່ຽນແປງຄັ້ງປະຫວັດສາກສຳລັບວາລະດຳລົງຕຳແໜ່ງຂອງທ່ານ ສີຈິ້ນຜິງໃນຄັ້ງນີ້.
ແຫລ່ງຂ່າວ : BBC