Homeຂ່າວການພັດທະນານັກລົງທຶນຈີນ ໃນໂຄງການນໍ້າອູ 3 ຈະສ້າງເຮືອນ ໃຫ້ແກ່ 311 ຄອບຄົວ

ນັກລົງທຶນຈີນ ໃນໂຄງການນໍ້າອູ 3 ຈະສ້າງເຮືອນ ໃຫ້ແກ່ 311 ຄອບຄົວ

Published on

ທ່ານຄຳ​ຂັນ​ ຈັນ​ທະວິີສຸກ ​ເຈົ້າ​ແຂວງໆ​ຫຼວງ​ພະ​ບາງ ພ້ອມຄະນະ ໄດ້​ເດີນທາງ ​ລົງ​ໄປ​ຢ້ຽມຢາມ​ໂຄງການ​ກໍ່​ສ້າງ​ບ້ານ​ຈັດ​ສັນ​ໃໝ່ ​ໃຫ້​ປະຊາຊົນ​ລາວ​ທີີ່ ​ໄດ້​ຮັບຜົນ​ກະທົບ​ຈາກ​ໂຄງການ​ກໍ່ສ້າງ​ເ​ຂື່​ອນ​ໄຟຟ້າ​ນໍ້າ​ອູ 3 ຢູ່​ໃນ​ເຂດ​ເມືອງ ​ງອຍ ​ເມື່ອບໍ່ດົນ​ມາ​ນີ້ ​ໂດຍ​ກຸ່ມ​ບໍ
ລິສັດ Power China ຈຳກັດ​ຈາກ​ຈີນ​ຜູ້​ລົງທຶນ​ໃນ​ໂຄງ​ການ​ດັ່ງກ່າວ​ນີ້​ກໍ່​ໄດ້​ໃຫ້​ການ​ຢືນຢັນ​ວ່າ ການ​ກໍ່​ສ້າງ​ບ້ານ​ຈັດ​ສັນ​ໃໝ່​ ໃຫ້​ກັບ​ປະຊາຊົນ​ລາວ​ຈນວນ​ທັງ​ໝົດ 311 ຄອບຄົວ​ຈາກ 13 ບ້ານໃນ​ເມືອງ​ຂວາ ​ກັບ 1 ບ້ານ​ໃນ​ເມືອງ​ໃໝ່​ແຂວງ​ຜົ້ງສາລີ ​ແລະ​ 4 ບ້ານ​ໃນ​ເຂດເມືອງ​ ງອຍ ​ແຂວງ ​ຫຼວງ​ພະ​ບາງ​ນັ້ນ ຈະ​ແລ້ວ​ສຳເລັດ​ໃນ​ປີ 2019.

ໂດຍ​ປັດຈຸບັນ​ກຸ່ມບໍລິ​ສັດ Power China ກຳລັງ​ດຳ​ເນີນການ​ກໍ່​ສ້າງ​ບ້ານ​ຈັດ​ສັນ​ໃໝ່​ຢູ່​ເຂດ​ເມືອງ​ ງອຍ​ໃນ​ພື້ນ​ທີ່ 4 ບ້ານ​ດ້ວຍ​ກັນ​ກໍ​ຄື ບ້ານ​ຫາດ​ຂາມ​ຈຳນວນ 72 ຫຼັງຄາ ບ້ານ​ສົບ​ຂິງ 86 ຫຼັງຄາ ບ້ານ​ໂພນ​ຊະ​ນະ 50 ຫຼັງຄາ ​ແລະ​ບ້ານ​ຫາດ​ສາ 75 ຫຼັງຄາ ສ່ວນ​ທີ່​ເຫຼືອ​ປະຊາຊົນ​ລາວ​ຈະ​ກໍ່​ສ້າງ​ເອງ​ດ້ວຍ​ເງິນຊົດ​ເຊີຍ​ຈາກ​ກຸ່ມ​ບໍລິສັດ Power China ຈຳກັດ.

ໂດຍ​ຈາກ​ການ​ສຳ​ຫຼວດ ​ແລະ​ເກັບ​ກໍາ​ຂໍ້​ມູນ​ໃນ​ໄລຍະ​ກ່ອນ​ໜ້າ​ນີ້ ພົບ​ວ່າ​ມີ​ປະຊາຊົນ​ລາວ 2,000 ກວ່າ ​ຄົວ​ເຮືອນ ຫຼື 10,000 ກວ່າ​ຄົນ ໃນ 28 ບ້ານ​ທີ່​ໄດ້​ຮັບ​ຜົນ​ກະທົບ​ຈາກ​ໂຄງການ​ກໍ່ສ້າງ​ເຂື່ອນ​ນໍ້າ​ອູ ທັງ 7 ​ໂຄງການ​ຊຶ່ງ​ຜ່ານ​ມາ​ກໍ​ມີ​ລາຍ​ງານ​ວ່າ​ກຸ່ມ​ຜູ້​ລົງ​
ທຶນ​ໃນ​ໂຄ​ງການ​ໄດ້​ຈ່າຍ​ເງິນ​ຊົດ​ເຊີຍ​ຄ່າ​ທີ່​ດິນ ​ແລະ​ສິ່ງ​ປູກ​ສ້າງ​ໃຫ້​ກັບ​ປະຊາຊົນ​ລາວທີ່​ຖືກ​ກະທົບ​ຈາກ​ໂຄງການ​ເຂື່ອນ​ນໍ້າ​ອູ 2, 5 ​ແລະ 6 ​ໄປ​ແລ້ວ ​ແຕ່​ວ່າ​ຈາກ​ການ​ສຳ​ຫຼວດ​ແລະເກັບ​ກໍາ​ຂໍ້ມູນ​ໂດຍ​ອົງການ​ແມ່​ນໍ້າ​ສາກົນ (International River) ພົບ​ວ່າ​ຈະ​ມີ​ປະຊາ​ຊົນ​ລາວ​ໃນ 89 ບ້ານ​ທັງ​ໃນ​ແຂວງ​ຜົ້ງສາລີ ​ແລະ​ແຂວ​ງ​ອຸດົມ​ໄຊ ​ແລະ ​ແຂວງ​ ຫຼວງ​ພະ​ບາງ ທີ່​ໄດ້​ຮັບ​ຜົນ​ກະທົບ​ຈາກ​ໂຄງການ​ເຂື່ອນ​ນໍ້າ​ອູ ຊຶ່ງ​ສ່ວນ​ໃຫຍ່​ຍັງ​ບໍ່ທັນ​ໄດ້​ຮັບ​ການ​ຊົດ​ເຊີຍ​ແຕ່ຢ່າງ​ໃດ.

ທາງ​ດ້ານ​ກຸ່ມ​ບໍລິ​ສັດ Power China ຈຳກັດ​ຈາກ​ຈີນ​ ລາຍ​ງານ​ວ່າການ​ກໍ່ສ້າງ​ເຂື່ອນ​ໄຟຟ້າ​ນໍ້າ​ອູ ທັງ 7 ​ໂຄງການ ​ຈະ​ແລ້ວ​ເສັດ​ພາຍ​ໃນ​ປີ 2020 ດ້ວຍ​ເງິນ​ລົງທຶນ​ລວມ2,800 ລ້ານ​ໂດ​ລາ ​ໂດຍ​ທັງ 7 ໂຄງການ​ຈະ​ມີ​ກຳລັງ​ຕິດ​ຕັ້ງ​ລວມ 1,272 ​ເມ​ກາ​ວັດ ​
ໂດຍ​ຈະ​ຂາຍ​ໃຫ້​ລັດ​ວິ​ສາ​ຫະກິດ​ໄຟຟ້າ​ລາວ (EDL) ​ໃນ​ຕະຫຼອດ​ໄລຍະ​ສຳ​ປະທານ29 ປີ ນັບ​ຈາກ​ປີ​ທີ່​ກໍ່ສ້າງ​ແລ້ວ​ເສັດ ກໍ​ຄື​ປີ 2020 ​ເປັນ​ຕົ້ນ​ໄປ.

 

ແຫລ່ງຂ່າວ: ວີໂອເອລາວ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...